பாலியல் குற்றங்களை தடுப்பதற்கு பத்து கட்டளைகள்!

பாலியல் குற்றங்களை செய்ய எது தூண்டுகிறது?முதலில் அதை  தெரிந்து கொள்வோம் .

                                                           (படம் நன்றி- கூகுள் )

பாலியல் குற்றங்களை செய்ய தூண்டுவது இச்சையின் ஆவி என்பதாகும். இது பசி போல  ஒரு ஆவி என்பதால் அதை சட்டத்தினாலோ, தண்டனையினாலோ ஒருநாளும் கட்டுப்படுத்த முடியாது என்பதையும் தெரிந்து கொள்ள வேண்டும் .ஆதலால், இச்சையின் ஆவியை கட்டுப்படுத்த ,சட்டம் ,தண்டனையைப் பற்றி மட்டும் பேசிக் கொண்டிருப்பது முற்றிலும் பொருளற்றது .அதனால் ஒரு பயனும் இல்லை .ஆவிகள் ஆட்களுக்குள் குடியிருக்கும்.ஆக ,மரண தண்டனையே கொடுத்தாலும் ,அந்த ஆவி திரும்பவும் வேறொருவர் வழியாக செயல் நடத்த வரும் .மரண தண்டனை என்பது ,அந்த ஆவி குடி இருந்த ஆளை  மட்டும் கொல்லும் . இச்சையின் ஆவியை கொல்ல முடியாது . அதனால் தான் எவ்வளவு தண்டனை கொடுத்தாலும், திரும்பவும் அதே போல குற்றங்கள் நடக்கின்றன . எடுத்துக்காட்டாக, சமீபத்தில் 25/052026 அன்று,விளாத்திகுளம் கற்பழிப்பு வழக்கில், தர்ம முனிஸ்வரன் என்ற கற்பழிப்பு குற்றவாளியை இரட்டை தூக்கு தண்டனை வழங்கி, கடுமையான தீர்ப்பு வெளியானது .இதற்கு மேல் ஒருவருக்கு தண்டனை கொடுக்க முடியாது . கடுமையான தண்டனை இச்சையின் ஆவியை கட்டுப்படுத்தும் என்றால் 25/05/2026க்கு அப்புறம் தமிழ்நாட்டில்  பாலியல் குற்றங்கள் எதுவும் நடந்திருக்கக்கூடாது. அப்படித்தானே? ஆனால் ,அதன்  பின்னர் தினமும் கிட்டத்தட்ட ஒன்று  நடந்து கொண்டிருக்கிறது. சிறு குழந்தைகளை கூட கற்பழிக்கிறார்கள். அதை தான் இப்போது நாம் நேரில் பார்த்துக் கொண்டிருக்கிறோம் .தொடர்ச்சியாக பாலியல் குற்றங்கள்!எத்தனை முறை அதை பார்த்தாலும், இந்த உண்மையை அரசால் உணரவே முடியவில்லை என்பது ஒரு பெரும் வேதனை தான்.

ஆக, பாலியல் குற்றங்களை தடுக்கவே முடியாதா ?என்றால் , முடியும்!என்பதே பதில் .அப்படி என்றால் பாலியல் குற்றங்களை தடுக்க என்ன தான் வழி?

பாலியல் குற்றங்களை கட்டுப்படுத்த வேண்டும் என்றால் ,இச்சையின் ஆவியை கட்டுப்படுத்த வேண்டும்.சரி ,அதை எப்படி கட்டுப்படுத்துவது?

இதோ ,கீழ்க்கண்ட இந்த பத்து கட்டளைகளை கடைப்பிடித்தால் ,இச்சையின் ஆவியை மட்டுப்படுத்தி, பாலியல் குற்றங்களை பெருமளவு ஒழித்து விடலாம். இல்லை என்றால் ஒருநாளும் அது ஒழியாது என்ற சொற்களைக் குறித்து வைத்துக்  கொள்ளுங்கள்.

1) காமவெறியேற்றும் சூழ்நிலைகளை தடை செய்ய வேண்டும்.

காம வெறியேற்றும் திரைப்பட பாடல்கள், ஐட்டம் பாடல்கள் ,சமூக ஊடகங்களில் வெளியாகும் காமவெறி ரீல்ஸ் ,இவற்றையெல்லாம் சட்டத்தினால் தடை செய்ய வேண்டும்.பதிவுக்கு சம்பந்தமில்லாமல் ஒரு பெண்ணின் கவர்ச்சி படத்தை சமூக ஊடகங்களில் போடுவது இப்போது ஒரு கெட்ட பழக்கமாகிவிட்டது. அதை முற்றிலும் மட்டுப்படுத்த அல்லது தடை செய்ய வேண்டும்.

2)பெண்களை அதீத இடர் (UNDUE RISK )எடுக்கும்படியாக ஊக்கம் செய்யக்கூடாது. 

நீங்கள் சிங்கப்பெண்கள், எங்கு வேண்டுமானாலும்,எந்த நேரத்திலும், தனியாக போகலாம்,எதை வேண்டுமானாலும் ஆண்களைப் போல செய்யலாம் என்று ஒரு வெற்று வாக்குறுதி, கொடுத்து அவர்களை ஆபத்தான காரியங்களை செய்யும்படியாக ஊக்கம் அளித்தல் கூடாது.நீங்கள் எங்கு போனாலும், உங்களை சிங்கப்பெண் படை வந்து காப்பாற்றும் என்று ஒரு தப்பான நம்பிக்கையை  உருவாக்கக் கூடாது.தமிழ்நாட்டின் பெண்கள் ஜனத்தொகை 3.88 கோடி. இவ்வளவு பெண்களையும் பாதுகாக்கும் அளவுக்கு தமிழக அரசின் சிங்கப்பெண் படை இருக்காது என்பதை புரிந்து கொள்ள வேண்டும்.மேலும் சிங்கப்பெண்ணும் பெண் தான் என்பதை நினைவு படுத்த வேண்டும். சமீபத்தில் ஒரு சிங்கப் பெண் அதிரடி படையை சேர்ந்த காவலரை பாலியல் துன்புறுத்தல் செய்ததற்காக ஒரு ஆணை இடை நீக்கம் செய்திருக்கிறார்கள் என்பதை நினைவு கொள்ள வேண்டும்.

3)பாலியல் குற்றம் ஒன்று நடைபெற்றால் , அந்த குற்றவாளிக்கு தண்டனை கொடுத்தவுடன் ,கணக்கு சரியாகிவிடும் என்ற ஒரு தவறான கருத்தை ஊடகங்கள் பரப்பிக் கொண்டிருக்கின்றன. 

இதை முழுவதுமாக நம்பும் மக்கள், அந்தப் பெண் இறந்து போனால் கூட ,அதை பற்றி அவ்வளவாக வருத்தப்பட்டு அழாமல் ,அந்த குற்றவாளிக்கு தண்டனை கிடைத்தால் போதும் என்று ,அந்தப் பெண்ணின் தாயை சொல்ல வைக்கிறார்கள் .அதில் பழிவாங்கும் உணர்ச்சி தான் மேலோங்கி நிற்கிறது. டெல்லியில் நடந்த நிர்பயா வன்கொடுமை வழக்கிலும், இதே போல் தான் அந்த பெண் இறந்ததை பற்றி அவர்கள் தாயார் கவலைப்பட்டது போலவே தெரியவில்லை .அவர்கள் கூறியெதெல்லாம் ,அந்த குற்றவாளிக்கு தண்டனை வாங்கி கொடுக்க வேண்டும் ,அது போதும் !என்பதுதான். அவனுக்கு மரண தண்டனையை வாங்கி கொடுத்தாலும், இறந்த பெண் திரும்ப வரப்போவதில்லை என்பதை உணர மறுக்கிறார்கள். குற்றவாளிக்கு மரண தண்டனையே கொடுத்தால் கூட, நடைபெற்ற சம்பவம், அது ஏற்படுத்திய தாக்கம், அதனால் ஏற்பட்ட அதிர்ச்சி, இழந்த மானம் ,இவைகள் எதையும் அந்த தண்டனை சரி செய்ய முடியாது ,அந்த தண்டனையினால் பாதிக்கப்பட்ட பெண்ணுக்கு எந்த விதமான நன்மையும் இல்லை என்பதை ,ஊடகங்கள் பெரிதாக விவாதிப்பது இல்லை.அப்படி ஊடகங்கள் அதை பெரிதாக விவாதித்தால், அவற்றை முக்கியமான புள்ளிகளாக காட்டினால் , பெண்கள் தங்கள் சுய பாதுகாப்பை பற்றி சிந்திக்க ஆரம்பிப்பார்கள். இதனால் இவ்வளவு பாதிப்பு நமக்கு வரும் என்பதை நினைத்துப் பார்த்து ,ஒன்றுக்கு இரண்டாக சிந்தித்து முடிவெடுப்பார்கள் .இப்போது அப்படி அல்ல,பாலியல் குற்றம் நடந்தால் அதனால் எந்த பாதிப்பும் இல்லை , தண்டனை வாங்கி கொடுத்தால் அது போதும் ,என்ற ஒரு நினைப்பை பெண்களிடம் உருவாக்கி விட்டார்கள்.பாலியல் குற்றம் ஒன்று நடந்தால் அதனால் அந்த பெண்ணுக்கு எந்தவித இழப்பும் இல்லை என்று நினைக்க வைப்பது,பெண்கள் அதைக் குறித்து சிறிதும் கவலைப்படாமல் இருக்க வைக்கிறது .பெண்கள் அதை குறித்து கவலைப்பட்டால் தான் ,தங்கள் பாதுகாப்பை பற்றி சரியான முடிவு எடுப்பார்கள் .இப்போது போனால் என்ன நடக்கும் என்பதை பற்றி சிந்திப்பார்கள். பெண்கள் ,கற்பழிப்பு குற்றங்களால் தங்களுக்கு எந்த விதமான பாதிப்பும் இல்லை என்று நினைப்பதால் தான், பாலியல் குற்றம் நடந்தவுடன் காவல்துறைக்கு சென்று புகார் ஒரு பயம் இல்லாமல், ஒரு குற்ற உணர்வு இல்லாமல் ,அளிக்கிறார்கள் .ஊடகங்கள் அவர்களை துணிச்சலான பெண் என்று சொல்லி பாராட்டுகிறார்கள் .இந்த மாதிரி ஒரு குற்றம் தன்னுடைய சொந்த மகளுக்கு ஏற்பட்டால் இப்படி அவர்கள் பாராட்டுவார்களா? ஆக ஒரு சமூக பொறுப்பு இல்லாமல் ஊடகங்கள் நடந்து கொள்கிறது. பாலியல் குற்றங்களின் எண்ணிக்கை முன்பை காட்டிலும் பல மடங்காக பதிவு ஆவதற்கும் இதுதான் காரணம்.இந்தப் போக்கு ஒரு தவறான விதை என்பதை சமூகவியலாளர்கள் சுட்டிக்காட்டுகிறார்கள். இந்த நிலையை ஊடகங்கள் மாற்ற வேண்டும்.

4)பெண்கள் ஆண்களை,பாலியலாக,அறிந்தோ அல்லது அறியாமலோ, தூண்டி  விடுவதை  தவிர்க்க வேண்டும்.

  இயற்கையிலேயே பெண்களைக் கண்டால் ஆண்களுக்கு ஒரு கவர்ச்சி ஏற்படும், ஒரு கிளர்ச்சி ஏற்படலாம் .இது இயற்கை .இதை பாலின கவர்ச்சி என்று சொல்வார்கள்.ஆதலால், முடிந்த அளவு பெண்கள் தங்களுடைய கவர்ச்சி பாகங்களை மறைத்து, ஆண்களுக்கு கிளர்ச்சியை உண்டாக்காமல் பார்த்துக் கொள்ள வேண்டும்.இதை ஒரு சமூக பொறுப்பாக எடுத்துக் கொள்ள வேண்டும். பெண்கள் நாங்கள் எப்படியும் உடுப்போம், அது எங்கள் சுதந்திரம் என்று இயற்கையான இந்த விஷயத்தில் சொல்ல முடியாது .உங்கள் சுதந்திரம் அவர்களை கிளர்ச்சி உண்டாக்கும் என்றால் , அந்தக் கிளர்ச்சியின் விளைவுகளுக்கு நீங்கள் காரணமாகி விடுவீர்கள் என்பதை உணர வேண்டும். ஆக, கிளர்ச்சியூட்டும் உடைகளை அணியக் கூடாது. பெண் கவர்ச்சி பாகங்களை மூடி வைக்க வேண்டும் .முந்தானை போன்ற உடைகளால் மார்பகங்களை மூடி வைக்க வேண்டும் .கால்களின் கவர்ச்சி  வடிவங்கள் வெளியே தெரிய கூடாது .லெக்கின்ஸ் அணியும் போது கால்களின் வடிவம் தெளிவாகத் தெரியும் .மேலும் கால்களை கவர்ச்சியாக காட்டுவதற்கு லெக்கின்ஸ் வண்ணங்களை, தோல் போன்ற வண்ணங்களில் பல பெண்கள் அணிகிறார்கள் .இது தவறு.இவைகள் எல்லாம் இயற்கையின் விதிகள். கிளர்ச்சி என்பது இயற்கையில் உள்ளது .அதை சட்டத்தை கொண்டு அடக்க முடியாது என்பதை தெரிந்து கொள்ள வேண்டும். சில பெண்கள் எப்படி மூடி வைத்தாலும் கற்பழிப்பு குற்றங்கள் நடந்து கொண்டுதான் இருக்கிறது என்று வாதம் செய்கிறார்கள். எத்தனை பூட்டு போட்டாலும் வீட்டில் திருடிக் கொண்டு போகிறார்கள் என்பதற்காக நாம் பூட்டு போடுவதை நிறுத்துவதில்லை. பூட்டு போட்டால் முடிந்த அளவு திருட்டை நாம் குறைக்கலாம் என்பதற்காக பூட்டு போடுகிறோம் .அது போல தான் இதுவும்பூட்டு ,

6) சொற்களின் தாக்கம்: எந்த சொல் சரி? கற்பழிப்பா அல்லது பாலியல் குற்றமா?

வார்த்தையின் வல்லமையைப் பற்றி பரிசுத்த வேதாகமத்தில் தெளிவாக சொல்லப்பட்டிருக்கிறது.அதில் ஒரு வசனம் 'மரணமும் ஜீவனும் நாவின் அதிகாரத்திலிருக்கும்; அதில் பிரியப்படுகிறவர்கள் அதின் கனியைப் புசிப்பார்கள்.'என்று உள்ளது . அதாவது ,ஒருவனின் வாழ்வும் சாவும் அவனுடைய வாயின் வார்த்தைகளினால் தீர்மானிக்கப்படுகிறது என்று சொல்லப்பட்டிருக்கிறது .ஆக ,சரியான சொற்கள் மிகவும் முக்கியம் என்பதை நாம் உணர வேண்டும். லஞ்சம் என்ற சொல்லை பயன்படுத்தினால், அது ஒரு கேவலமான காரியம் என்ற உணர்வு நமக்கு வரும் .அதையே அன்பளிப்பு என்று சொல்லிவிட்டால், அது ஒத்துக் கொள்ளக் கூடியதாக மாறிவிடுகிறது! அதுபோல கற்பழிப்பு என்று சொன்னால் நாம் ஏதோ இழக்க கூடாத முக்கியமான ஒன்றை இழந்து விட்டோம் என்ற ஒரு உணர்வு வரும். ஆதலால் ,பெண்கள் அது நடக்காமல் பார்த்துக் கொள்ள வேண்டும் என்ற எண்ணம் அந்த சொல்லின் மூலம் வரும் .இழந்த கற்பு திரும்ப வராது என்ற எண்ணமும் அதில் வரும். ஆனால் ,அதே செயலை பாலியல் குற்றம் என்று சொன்னால், யாரோ ஒருவர் இந்த பெண்ணிடம் ஒரு குற்றத்தை செய்து விட்டு போய்விட்டார், அவ்வளவுதான் .அதில் அந்தப் பெண்ணுக்கு ஒன்றும் பாதிப்பு இல்லை .குற்றம் செய்தது ஆண்  தானே! அதனால் ,அவருக்கு தண்டனை கொடுத்து விட்டால் ,அது ஒன்றே போதும் எனக்கு ,அதனால் பெரிய இழப்பு ஒன்றுமில்லை என்ற ஒரு எண்ணத்தை பெண்களிடம் அந்த சொல் உருவாக்கி விடுகிறது .இதனால் ,பெண்கள் பாலியல் குற்றம் நடந்தால் ,இழக்க பெரிதாக ஒன்றும் இல்லை என்று துணிச்சலாக, ஆண்கள் கூப்பிடும்போது  எங்கு வேண்டுமானாலும் ,எந்த நேரத்திலும் செல்கிறார்கள். இன்றைய செய்தி- ஒரு இளம் பெண் இரண்டு வாலிபர்கள் கூப்பிட்டார்கள் என்று காரில் சென்று ,ஒரு விடுதியில் அறை எடுத்து தங்கி இருக்கிறாள். அங்கு அவளுக்கு குளிர்பானத்தில் மயக்க மருந்தை கலந்து கொடுத்து இரண்டு வாலிபர்களும் மாறி மாறி கற்பழிப்பு செய்திருக்கிறார்கள் .அவள் அதைக் குறித்து பெரிதாக எடுத்துக் கொள்ளாமல், திருவைகுண்டம் காவல் நிலையத்தில் சென்று புகார் அளித்திருக்கிறார். இதை  கற்பழிப்பாக எடுத்தால், அவள் முதலில் தனியாக ஆண்களுடன் துணிச்சலாக சென்றிருக்க மாட்டார்.பின்னர் கற்பழிப்பு நடந்த உடன், ஐயையோ இப்படி நடக்கக்கூடாதது நடந்து விட்டதே என்று மன முடைந்து கதறி இருப்பார், அழுது இருப்பார்,மன வேதனை அடைவார். இதைக் குறித்து வெளியே சொல்ல பயப்படுவார் . அதை காவல் நிலையத்தில் சொல்ல வேண்டுமா என்று யோசிப்பார் .ஆதலால், இதுபோன்று இன்னொரு சம்பவம் நடக்காமல் பார்த்துக் கொள்வார் .எல்லா பெண்களும் அதேபோல கவனமாக இருப்பார்கள் .அதே குற்றத்தை' பாலியல் குற்றம்' என்று சொன்னால் ,அதை சும்மா சொன்னது போல், துடைத்தெறிந்து விட்டு போய்விடுவாள் அந்த பாதிக்கப்பட்ட பெண்.ஆக, பாலியல் குற்றம்  என்ற பதத்தை எடுத்து விட்டு கற்பழிப்பு என்ற பதத்தை பயன்படுத்துவது நல்லது என்பது மொழி ஆராய்ச்சியாளர்கள் கருத்து.

7)உறவு முறைகளை மதிப்பது/பலப்படுத்துவது

எல்லாப் பெண்களையும்  தாயாக பார்க்க வைப்பது,இந்த இச்சையின் ஆவியை மட்டுப்படுத்தும்  ஒரு வழியாகும் .இன்னும் கூட தென் மாவட்டங்களில் ,சிறுமிகளையும் ,இளம் பெண்களையும் 'தாய் 'என்று அழைக்கும் முறை கிராம புறங்களில் காணலாம். 'ஏ ,தாயோ ,இங்க வாம்மா 'என்று மரியாதையுடன் சிறு பிள்ளைகளை கூட அழைப்பார்கள். அப்படி அழைக்கும் போது, இந்த காம கண் வருவதற்கு வாய்ப்பே இல்லை. அப்போதெல்லாம், இளம் பெண்களுக்கு கையைப் பிடித்து ,வளையல் போட்டு விடுவது ஆண்கள்தான் .வளையல் மணிக்கட்டில் நுழையாது என்பதால் ,அழுத்தி தான் போட்டு விடுவார்கள்.எனக்குத் தெரிந்து இதுவரையில் எந்த ஒரு ஆணும், எந்த ஒரு இளம் பெண்ணிடம் இதில் அத்துமீறி நடந்ததாக கேள்விப்பட்டதே இல்லை. அதற்கு காரணம் அந்த தாய் என்ற உறவு முறைதான்.குஜராத்தில் எல்லாப் பெண்களையும்  'சகோதரி 'யாக 'பெஹன் 'என்று அழைப்பார்கள் .இன்னும் அறிமுகமில்லா பெண்ணையும் 'அக்கா 'என்று அழைக்கும் முறை கோவையில் காணலாம் .

8)ஒரு ஆணுடைய பாதுகாப்பில் எப்போதும் பெண் இருப்பது

பெண்கள் முடிந்த வரை ,தனியாக செல்லாமல்,யாராவது  ஒரு ஆண் துணையுடன் செல்ல வேண்டும். அந்த ஆண், சகோதரனாகவோ, தகப்பனாகவோ அல்லது நம்பிக்கை கூறிய ஒரு ஆண் நண்பராகவோ இருக்கலாம் .ஆனால், தனியே செல்லாமல் ஒரு ஆண்  துணையுடன் செல்லும்போது, மற்ற ஆண்களுக்கு இயற்கையாகவே ஒரு பயம் வரும். ஆதலால், அவர்கள் வீணாக ,ஏதாவது இந்த பெண்ணுக்கு செய்யலாம் என்று நினைக்க மாட்டார்கள் .ஆகவே, இந்த அறிவுரையை பெண்கள் எல்லா பெண்களும் கடைபிடிக்க வேண்டும் .இப்படி ஒரு ஆண் துணையுடன் போயிருந்தால், திருச்சியில் கற்பழிப்பு செய்யப்பட்ட அந்த 16 வயது பெண் காக்கப்பட்டு இருக்கலாம் .அவளுக்கு மது ஊற்றி கொடுத்து ,போதை ஏற்படுத்தி, கார் ஓட்டுநர் ஒருவர் கற்பழித்து இருக்கிறார்.

9)  பாலியல் குற்றங்களை குறைப்பதில் சட்டத்தின்/ஊடகங்களின் பங்கு

சமீபத்தில் திருச்சியில் ஒரு 17 வயது பெண் ஏழு சிறார்களால் சீரழிக்கப்பட்டாள்.இது  எப்படி நடந்தது என்றால் ,இந்த பையன்கள் அந்த பெண்ணை இன்ஸ்டாகிராம் வழியாக தனித்தனியாக தொடர்பு கொண்டு நண்பர்களாக மாறி இருக்கிறார்கள். பின்னர் அதை  பயன்படுத்தி ,அந்த பெண்ணை தனியாக ஒரு இடத்திற்கு ,ஒவ்வொருவரும் தனித்தனியாக வரவழைத்து ,அவளை பாலியல் இன்பம் கொண்டிருக்கிறார்கள். ஒவ்வொரு முறையும் அந்தப் பெண் இந்த பையன்கள் அழைக்கும் போதெல்லாம் போயிருக்கிறாள் ! இவள் 18 வயது நிரம்பாத இளம் பெண் .ஆதலால் ,இவள் இப்படி போவதற்கு பெற்றோருடைய சம்மதம் தேவை. அப்படி சம்மதம் வாங்கியதாக தெரியவில்லை .இப்போது ஏழு பேரும் சேர்ந்து அவளை கூட்டு வன்புணர்வு செய்திருக்கிறார்கள் என்று சொல்லப்படுகிறது .இது நடந்த பிறகு,இந்த பெண் காவல்துறையை  அணுகி தன்னை இவர்கள் இப்படி சீரழித்து விட்டார்கள் என்று சொல்கிறாள் ! இந்த குற்றத்தில், நேரடியாகவோ அல்லது மறைமுகமாகவோ, இந்த பெண் உடன்பட்டு இருக்கிறாள் என்பது தெளிவாக தெரிகிறது. ஆக ,இது சம்மதித்து செய்யப்பட்ட ஒரு பாலியல் உறவு .பின்னர் எல்லாம் முடிந்த பிறகு அந்தப் பெண் வந்து அந்த ஆண்கள் மேல் குற்றம் சுமத்துகிறாள் என்றால் ,இதில் அவளுடைய பங்கு இருப்பதால் இந்த குற்றத்தை பதிவு செய்யக்கூடாது .அவள் 18 வயது நிரம்பாதவள், ஆதலால் அவளுடைய சம்மதம் செல்லாது என்று வாதித்தால் ,அதேபோல 18 வயது நிரம்பாத அந்தப் பையன்களும் அறியாமல் செய்துவிட்டார்கள் என்ற வாதம் வரும் .ஆக, 18 வயது நிரம்பாத ஆணும் பெண்ணும் ,தன்னுடைய சட்டபடியான  காவலரான , பெற்றோரிடம் இதற்கு அனுமதி வாங்கினார்களா என்று கேள்வி எழுப்ப வேண்டும் என்பது சட்ட நிபுணர்கள் கருத்து.தற்போதைய அணுகு முறையில் பெண்கள் என்ன தவறு செய்தாலும் அதை விட்டுவிட்டு ,அவர்கள் புகார் அளித்தால் உடனே நடவடிக்கை எடுப்பது என்பது பழக்கம் ஆகிவிட்டது .இந்த பழக்கத்தை மாற்றி அந்த பாலியல் குற்றம் நடப்பதற்கு பாதிக்கப்பட்டவர் எந்த வகையிலாவது சம்மதம் தெரிவித்து இருந்தாலோ அல்லது பங்களித்து இருந்தாலோ , அந்த குற்றத்தை பதிவு செய்யக்கூடாது என்று நடைமுறையை கொண்டு வர வேண்டும் என்பது சட்ட நிபுணர்கள் கருத்து .இதனால் பெற்றோர்கள் தங்கள் 18 வயது நிரம்பாத மகள்களை காப்பாற்றுவதில் முனைப்பு காட்டுவார்கள், அவள் எங்கே செல்கிறாள் என்பதை கண்காணிக்க ஆரம்பிப்பார்கள் என்பது அவர்கள் கருத்து.

இன்றைய தமிழ்  அச்சு  மற்றும் காட்சி ஊடகங்கள் எல்லாமே வெறும் வியாபார நோக்கில் நடத்தப்படுவது வேதனை அளிக்கிறது .அவைகள் சமூக பொறுப்பை ஏற்க மறுக்கின்றனர் .மக்களுக்கு எது சொன்னால் பிடிக்குமோ அதை சொல்லி காசு பண்ணுவதில் குறியாக இருக்கிறார்கள் . ஆக, அவர்களின் பங்கு இப்போது எந்த அளவுக்கு இருக்க வேண்டுமோ அந்த அளவுக்கு நிறைவாக இல்லை என்பது அரசியல் பார்வையாளர்கள் கருத்து. எடுத்துக்காட்டாக ,மின்மாற்றி பழுது பார்க்கும், போது மின்சாரம் தாக்கி மின் ஊழியர் பரிதாப சாவு என்று மட்டும் செய்தியை போட்டுவிட்டு விடுகிறார்கள்.அவர் இறப்புக்கு உண்மையில் என்ன காரணம்  என்பதை போட மாட்டார்கள். பொறுப்பான ஊடகம் என்றால் அந்த மின்ஊழியர்  தன்னை மின்சார அதிர்ச்சியிலிருந்து காப்பாற்றுவதற்கு கையுறைகள் மற்றும் பாதுகாப்பு சாதனங்கள் அணிய வேண்டும் என்ற விதியை பின்பற்றாதால் தான் இந்த பரிதாப சாவு ,என்பதை கடைசி பத்தியில் போட்டு விட வேண்டும் .அதை போடுவதில்லை. ஏனென்றால் இது ஒரு மரண செய்தி .அப்படி போட்டால் மக்கள் விரும்ப மாட்டார்கள் என்று நினைக்கிறார்கள் .ஆனால் ,அப்படி போட்டால் தான் அடுத்ததாக பாதுகாப்பு கருவிகள்  போட்டு வேலை செய்வார்கள் என்பதை நாம் மறக்க கூடாது. அதே போலத்தான் கற்பழிப்பு குற்றங்கள் நடக்கும் போது சுய பாதுகாப்பில் அந்தப் பெண் என்னென்ன செய்திருந்தால் இந்த சம்பவத்தை தடுத்திருக்கலாம், என்பதையும் போட வேண்டும் .அதை போடுவதே இல்லை. பெண்கள் பக்கம் எந்த தவறும் இல்லாதது போல ஒரு எண்ணத்தை ஊடகங்கள் உருவாக்குவது அவர்களுடைய சுய லாபத்துக்கு தான் .அதில் அவர்களுடைய சமூகப் பொறுப்பை தட்டி கழிக்கிறார்கள் என்பது கவலைக்குரிய விடயம்.

10) உயிர் தேவை மையங்கள்  

உயிர் வாழ மனிதனுக்கு பல தேவைகள் உள்ளது .அதில்  உணவு முக்கிய பங்கு வகிப்பது போல, பாலியல் தேவையும் முக்கியமானது என்பதை நாம் அங்கீகரிக்க வேண்டும் . மனித இனத்தை பொறுத்தவரையில் இனப்பெருக்கத்தின் தலைமை ஆண்களின் கையில் தான் உள்ளது என்பதே  பாலியல் விஞ்ஞானிகளின் கருத்து. ஆண்கள் தான்  அதை முன்னெடுத்துச் செல்கிறார்கள் .ஆண்கள் அப்படி இனப்பெருக்கத்தை முன்னெடுத்துச் செல்வதற்காக ,அவர்களுக்கு இயற்கையிலேயே ஒரு பெரிய உந்துதல் கொடுக்கப்பட்டிருக்கிறது. பெண்களைக் கண்டால், அவர்கள் அழகு /கவர்ச்சியால் ஈர்க்கப்படுகிறார்கள் .பின்னர் பெண்களை ,அவர்கள் பின் தொடர்ந்து, காதல் செய்து ,உடலுறவு கொண்டு குழந்தைகள் பெறுகிறார்கள். ஆக ,இந்த பாலியல் நடவடிக்கைகள் எல்லாம்  ஆண்கள் கையில் தான் முற்றிலும் உள்ளது .அதை குறிக்கு முகமாக ஆண்களின் விந்து தான் பெண்களின் கர்ப்பப்பையில் ஒரு வேகத்துடன் விடப்படுகிறது .உடல் உறவில் விடப்பட்ட ,அந்த ஆண்களின் விந்தணுக்கள் மிக வேகமாக துருதுருவென்று நீந்தி பெண்களின்  கருவை நோக்கி படையெடுக்கின்றன. அதில் ஒரு விந்தணு தான் வெற்றி பெற்று ,கருவூட்டல் நடைபெறுகிறது .இது அழகான ஒரு பெண்ணுக்கு பல ஆண்கள் போட்டி போடுவதை போல என்பதை  குறிக்கிறது. கடைசியில் ஒரு ஆண் தான் பொதுவாக வெற்றி பெறுகிறான் என்பதையும் இது குறிக்கிறது.இது எல்லாவற்றிலும் ,பெண்களின் செயல்பாடு ஆங்கிலத்தில் PASSIVE  என்று சொல்வார்கள் .அதாவது ஒன்றும் செய்யாமல் காத்திருப்பது என்று பொருள்.அதாவது, ஆண்களின் விந்தணுவை எதிர்பார்த்து கரு காத்திருக்கும். அவ்வளவுதான் .அது எங்கும் துள்ளிக்குதித்து ஓடுவதில்லை!துறுதுறு என்று அலைவதில்லை! இதுவே ,இயற்கையில் பெண்களின் இயல்பையும் சுட்டிக்காட்டுகிறது .அவர்கள் வேலை ஆண்களின் பாலியல் நடவடிக்கைக்காக காத்துக் கொண்டிருப்பது தான் .அவர்களாக போய் பொதுவாக ஒன்றும் செய்ய வேண்டியது இல்லை என்பதே  இயற்கை.ஒரு சராசரி பெண் தன்னுடைய வாழ்நாளில் சுமார் 400 லிருந்து 500 கரு முட்டையை உருவாக்குகிறாள் என சொல்லப்படுகிறது .அப்படி என்றால் ஒரு பெண் தன் வாழ்நாளில் சுமார் 42 வருடம் தான் பாலியல் நடவடிக்கையில் இருக்கிறாள் என்று பொருள் .கருமுட்டை உற்பத்தி நின்ற பிறகு பாலியல் ஆர்வம்  பெண்களுக்கு பொதுவாக குறைந்து விடும்.ஆனால் ஆண்களை பொறுத்தவரையில் அப்படி அல்ல. சுமார் 14 வயதில் ஆண்கள் பருவமடைந்து விந்தணுக்களை உருவாக்க ஆரம்பிக்கிறார்கள். அப்படி ஆரம்பித்தவர்கள், இனப்பெருக்கத்தின் தலைவர்கள் ஆவதால் அவர்களுடைய ஆண்மை என்பது சாகும் வரை தொடர்ந்து  அவர்கள் கூட வே வருகிறது .அதனால் தான் வயதான  ஆண்களுக்கு  கூட பல பாலியல் உணர்வும் ஆர்வமும் குறைந்த நிலையில் பார்க்கிறோம்.

ஆக, ஆண்களுக்கு இது ஒரு அடிப்படை உயிர் தேவை என்பதை அரசு உணர்ந்து, அந்த தேவையை தீர்த்துக் கொள்ள சட்டப்படியான வழிவகைகள் செய்ய வேண்டும் என்பது சமூக ஆர்வலர்கள் கருத்து .அதாவது, உயிர்த்தேவை மையங்கள் அமைக்கப்பட்டு ,அங்கு மருத்துவ பரிசோதனை செய்யப்பட்ட பாலியல்  தொழிலாளர்களை சேவைக்கு அமர்த்துவது ,இந்த உயிர் தேவையை தீர்த்துக் கொள்ள ஒரு வழிவகை செய்யும் .அப்படி ஒரு சட்டபூர்வமான வழி  இருக்கும் போது, இச்சை கொண்டவர்கள் சிறுமிகளையும், ஏன் கைக்குழந்தைகளையும் ,வயதான  பாட்டிகளையும் நாட வேண்டிய தேவை இருக்காது என்பது அவர்கள் கருத்து. இதற்கு ஏற்றாற்  போல் ,சமீபத்தில் இந்திய உச்ச நீதிமன்றம், ஒரு வயது வந்த பெண், முழு சம்மதத்தோடு ,அவளுடைய உடலை விற்பதற்கு சம்மதித்து, உடலுறவு கொண்டால் ,அது குற்றமல்ல .அவளை காவல்துறை கேட்கக் கூடாது என்று ஒரு தீர்ப்பு வழங்கி இருக்கிறது .ஆக ,உயிர்த்தேவை மையங்கள் உருவாக்கி, அதை ஒழுங்குப்படுத்தி நடத்துவது, பாலியல் குற்றங்கள் பெருமளவில் குறைவதற்கு நிச்சயமாக வழிவகுக்கும் என்பதே பாலியல் நிபுணர்கள் கருத்து.இந்த தொழிலில் ஈடுபடுவதற்கு தமிழ் பெண்கள் வராமல் போக கலாம் .ஆனால் ,எப்படி தமிழ் திரைத்துறைக்கு மற்ற மாநிலத்து பெண்கள் ஈ மொய்ப்பது போல் வருகிறார்களோ, அதே போல இதற்கும் தகுந்த அளவு பணம் ஈட்ட வழி  இருந்தால் நிச்சயமாக வருவார்கள் என்பது ஆய்வாளர்கள் கருத்து.

மேற்கண்ட பத்து கட்டளைகளை தீவிரமாக பின்பற்றினால் ,நிச்சயமாக தமிழ்நாட்டில், பத்து மாதத்தில், பெருமளவில் பாலியல் குற்றங்கள் குறைந்து விடும் என்று நம்பலாம்!நம் வீட்டு சிறுமிகளும், பெண்களும், பாட்டிகளும் நிம்மதியாக வாழலாம் என்பது நிச்சயம்!

 

இந்த 2026 தேர்தலில் எந்தெந்த பிரச்சனைகளுக்காக வாக்களிக்க வேண்டும்?

 

                                                                                (படம் நன்றி :இந்து)

இன்னும் 20 நாட்களில்  சட்டமன்ற தேர்தல் நடைபெற உள்ளது.நம்முடைய அடுத்த ஐந்து வருடங்களை தீர்மானிக்கக் கூடிய நாள் அது .அடுத்த ஐந்து வருடமும் செங்கோல் ஆளப்போகிறதா அல்லது  இப்போது போல கொடுங்கோல்  நீளப் போகிறதா என்பதை தீர்மானிக்கும் ஒரு நாள். எந்த கட்சிக்கு வாக்களிக்க வேண்டும் அல்லது யாருக்கு வாக்களிக்க வேண்டும் என்று தீர்மானிப்பது தவறு. ஏனென்றால் ஒரு கட்சி என்றால், அதற்கு இரண்டு முகங்கள் இருக்கலாம் .ஒரு நபர் என்றாலும்  அவருக்கு ஒரு மறைவான முகம் இருக்கலாம். ஆதலால் ,அதை விட்டுவிட்டு எந்தெந்த பிரச்சனைகளுக்கு தீர்வாக  நாம் வாக்களிக்க வேண்டும் என்று முடிவெடுப்பதே சரி .நாம் பட்டியலிடும் பிரச்சனைகளை தீர்த்து தருகிறேன் என்று சொல்லும் கட்சிகளுக்கு நாம் வாக்களிக்கலாம் .

இதுவரை இருந்த கட்சிகள் பல ,நான் அதைத் தீர்த்து தருகிறேன் என்று சொல்லிவிட்டு நம்மை ஏமாற்றி இருக்கிறார்கள்/ஏமாற்றிக் கொண்டே இருக்கிறார்கள். ஒரு தடவை ஏமாறலாம் , இரண்டு தடவை ஏமாறலாம்! அறுபது வருடமாக ஏமாந்தால், அது நம்முடைய அறிவுத்திறனை தான் காட்டுகிறது. ஆக, கடந்த 60 வருடங்களில் ஆட்சி செய்த எந்த கட்சிக்கும் நாம் வாக்களிப்பது அர்த்தமற்றது. ஏனென்றால் ,திமுக என்றாலும் அதிமுக என்றாலும் ஒரு நாணயத்தின் இரு பக்கம்தான். அவர்கள் என்ன செய்வார்கள் என்பது அவர்கள் என்ன செய்தார்கள் என்பதை வைத்து நாம் தீர்மானித்து விடலாம். ஆக, அந்த இரு கட்சிகளுக்கும் நாம் வாக்களிக்க கூடாது என்பதில் உறுதியாக இருக்க வேண்டும் .அதை தவிர மூன்றாவதாக தமிழக வெற்றி கழகத்தின் நடிகர் விஜய்  வந்திருக்கிறார். அவர் ,எந்த பிரச்சனைகளுக்காக நிற்பார் என்று இதுவரை அவருக்கே தெளிவாக தெரியவில்லை.களப்பணியாற்றுவதிலும் மிகுந்த சுணக்கம் காட்டுகிறார். ஆக, அவர் நம்முடைய பிரச்சனைகளுக்காக போராடுவார் என்று எதிர்பாக்கவும் முடியாது. பிரச்சனைகளை அவர் தெரிந்து இருக்கிறார் என்றும் நினைக்க முடியாது .

முதலில்  நம்முடைய தமிழ்நாட்டின் தலையாய பிரச்சினைகள் என்னென்ன என்பதை பட்டியலிட்டு பார்ப்போம்:

1. தமிழ்நாட்டின் இயற்கை வளக்  கொள்ளை!                                                                    தமிழ்நாட்டின் மலைகள்,ஆற்று மணல் போன்ற இயற்கை வளங்கள், ஒரு நாளைக்கு ஒரு லட்சம் டன் வீதம் கேரளாவுக்கும் ,கர்நாடகாவுக்கும் ஏற்றுமதி ஆகிறது. கேரளாவுக்கும் ,கர்நாடகாவுக்கும் சொந்த மலை உள்ளது. அவர்கள் அதை எடுக்காமல்,தமிழ்நாட்டின் வளங்களை, இங்கு ஆட்சி செய்பவர்களை கைக்குள் போட்டு ,எடுத்துக் கொள்கிறார்கள். ஒரு நாளைக்கு ஒரு லட்சம் டன்வீதம், அடுத்த ஐந்து ஆண்டுகளுக்கு 5x 365x 1 = 1825 லக்கம் டன் வருகிறது .இந்தப் போக்கில் போனால் , நம்முடைய எதிர்கால சந்ததிக்கு எந்தவிதமான இயற்கை வளங்களையும் நாம் விட்டு விடாமல், இறந்து விடுவோம் !ஒரு மலை உருவாக 200 கோடி ஆண்டுகள் ஆகிறது என்பது நிபுணர்கள் கருத்து .ஆக, இந்த வளக் கொள்ளையை  தடுத்து நிறுத்தும் கட்சி எந்த கட்சியோ ,அதற்கு நாம் வாக்களிக்க வேண்டும்.திமுக, அதிமுக,தவெக  மூன்றுமே நிச்சயமாக இதை நிறுத்தாது.
2. எல்லா உயிர்க்கும் சுத்தமான விலையில்லா  குடிநீர்!                                                                                                     தமிழ்நாட்டின் எல்லா நீர்நிலைகளும், ஆறுகளும் ,ஆலை  கழிவுகளால் மாசடைந்து, குடிநீர் தகுதியை இழந்து விட்டன .பல நீர்நிலைகளில் உயிரினங்கள் வாழ முடியாமல் செத்து மிதக்கின்றன .மாதம் ஒன்றுக்கு ஒரு குடும்பத்திற்கு நல்ல குடிநீர் வாங்குவதற்கு மாத்திரம் குறைந்தது 1200 ரூபாய் ஆகிறது. காக்காவும், குருவியும், ஆடுகளும், மாடுகளும், காசு கொடுத்து எப்படி தண்ணீர் குடிக்கும் ?என்ற ஒரு பெரிய கேள்வி இப்போது எழுகிறது . குருவிகள் நீரின்றி செத்து மடிகின்றன. இயற்கையில் சுத்தமான குடிநீர் எல்லோருக்கும்/எல்லா உயிர்க்கும் இலவசமாக கிடைக்க வேண்டும் என்று எந்த கட்சி சொல்கிறதோ அதற்கு வாக்களிப்போம் .அதிமுக, திமுக,தவெக  அந்த பட்டியலில் இல்லை.
3. லாப பணத்தில் மக்களுக்கு  பங்கு கொடுப்பது சரி !கடன் வாங்கி இலவசம் அளிப்பது தவறு!                                                                                                 தமிழக அரசின் தற்போதைய கடன் சுமை 10.70 லட்சம் கோடி! வட்டி மாத்திரம் ஒரு லட்சம் கோடி கட்ட வேண்டும்! இந்த சூழ்நிலையில் மேலும் கடனை வாங்கி ,அதை பொருளாதார மேம்பாட்டுக்காக பயன்படுத்தாமல், இலவசங்கள் மக்களுக்கு கொடுப்பதற்கு பயன்படுத்துவது தவறான கொள்கை .அதனால், தமிழ்நாட்டின் கடன் சுமை கூடும் .வட்டி சுமை கூடும் .ஒவ்வொரு குடிமகனுக்கும் கடன் சுமை கூடும் .இலவசங்கள் கொடுக்காத கட்சி தான் தமிழ்நாட்டின்  வளர்ச்சிக்கு நல்ல கட்சியாக இருக்கும். அதற்கு நாம் வாக்களிக்க வேண்டும்..
4. எல்லோருக்கும் ,உலக தர ,கல்வி மற்றும் மருத்துவ சேவைகள்  அரசு தரும் !                                                                                                                                           தற்போது அரசு பள்ளிகள் மற்றும் மருத்துவமனைகள் தனியார் பள்ளிகள் /மருத்துவமனைகளுக்கு நிகராக இல்லை என்பதால் எல்லோரும் தனியார் நிறுவனங்களுக்கு சென்று லட்சக்கணக்காக பணம் செலவழிக்கும் நிலை ஏற்படுகிறது .தனியார் இதனால் லாபம் அடைந்து பணக்காரர் ஆகிறார்கள் .இதற்காக வாழ்வின் சேமிப்பு எல்லாம் கரைத்து பொதுமக்கள் ஏழைகள் ஆகிறார்கள். ஆகவே ,இதை மாற்றி ,எந்த கட்சி ,அரசு அரசு பள்ளிக்கூடங்கள் தனியாருக்கு நிகராக மாற்றுகிறதோ ,அதுபோல அரசு மருத்துவமனைகளை தனியார் அளவுக்கு உயர்த்துகிறதோ  அந்த கட்சிக்கு வாக்களிக்கலாம்.
5. முழு மதுவிலக்கு /போதை ஒழிப்பு!                                                                            தமிழ்நாட்டில் குடிப்பழக்கத்தினால் கிட்டத்தட்ட இரண்டு கோடி பேர்கள் அடிமைப்பட்டு கிடக்கிறார்கள் .சுமார் 6 லட்சம் விதவைகள் இதனால் உருவாக்கப்பட்டிருக்கிறார்கள் . இதுபோல போதைப் பழக்கத்தினால் ,பலவிதமான குற்றங்கள், குறிப்பாக பாலியல் குற்றங்கள் பெருமளவில் நடக்கிறது .இதையெல்லாம் மாற்ற வேண்டுமானால் இவைகள் முற்றிலும் ஒழிக்கப்பட வேண்டும். எந்த கட்சி முழு மதுவிலக்கு மற்றும் போதை ஒழிப்பு  இவைகளை ஆதரிக்கிறதோ, அதற்கு நாம் வாக்களிக்கலாம்.

இன்னும் பல முக்கியமான கொள்கை மாற்றங்கள் தேவைப்பட்டாலும், மேற்கண்ட கொள்கைகளை யார் செயல்படுத்துவதாக சொல்லுகிறார்களோ, அவர்களுக்கே நாம் வாக்களிப்போம் .தமிழ்நாட்டை காப்பாற்றுவோம் .ஆளுக்காக வாக்களிக்காதீர்கள் .அவர்கள் பேசும் கொள்கைக்காக வாக்களியுங்கள். அவர்கள் என்ன செய்வார்கள் என்பதை அறிந்து வாக்களியுங்கள். ஏற்கனவே ஆட்சியில் இருந்தவர்கள் ,அவர்கள் என்ன செய்வார்கள் என்பதை செய்து காட்டி விட்டார்கள் என்பதை ஒரு காலமும் மறக்காதீர்கள் .திரும்பவும் அவர்களுக்கே வாக்களித்து, முன்பு செய்த தவறை திரும்பவும் செய்ய வேண்டாம்! ஏப்ரல் 23ஆம் தேதி தமிழ்நாட்டின் தலை எழுத்து மாறும் நாள் என்பதை மறக்க வேண்டாம்.நன்றாக விழித்து, சிந்தித்து வாக்களியுங்கள் .நல்லதே நடக்கட்டும்.

இந்தியர்கள் , சின்ன சின்ன காரணத்திற்கு கூட ` உடனே சண்டை போடுவது ஏன் ?

 

                                                (படத்திற்கு நன்றி: பிக்ஸ்சாபை)

இந்தியர்கள் ஒரு சின்ன காரணத்திற்கு கூட  உடனே சண்டை போடுவது, உடனே அதை காணொளியாக பதிவு செய்து எதிராளியை அவமானப்படுத்துவது,மற்றவர்கள் துன்பத்தில் இன்பம் காண்பது, அவர்களுக்கு இவர்களிடம் ஏதாவது வேலை என்றால் முடிந்த அளவு இழுத்து அடிப்பது போன்றவை எதைக் குறிக்கிறது ?ஆங்கிலத்தில் SADISM என்று சொல்லப்படும் இந்த மன நிலை ஏன் இந்தியர்களிடம் அதிகம் காணப்படுகிறது?என்ன உளவியல் இந்தியர்களை மட்டும் இப்படி செய்யத் தூண்டுகிறது?

உனக்கு துன்பம் என்றால் அது எனக்கு இன்பம்!

ஒரு முறை சிங்கப்பூர் சுற்றுலா சென்றிருந்தோம். அங்கு முன்பின் தெரியாத சிங்கப்பூர் வாசிகள் எல்லோரும் எங்களுடன் சிரித்து பேசினார்கள். பல சீனர்கள் தமிழை கொஞ்சி கொஞ்சி, அழகாக,ஆனால் கஷ்டப்பட்டு முயற்சி எடுத்து, எங்களிடம் பேசினார்கள் .'அண்ணாச்சி வாங்கோ ! இங்கே உட்காருங்கோ ' என்றெல்லாம் அழகாக பேசினார்கள் .அவர்களுக்கு நாங்கள் வேறு நாட்டவர் என்பது நன்றாக தெரியும் ,ஆனால் ,அவர்களுக்கு எங்கள் மீது  எந்தவித வெறுப்பும் இல்லை. மாறாக எங்களை மிகவும் அன்புடன் நடத்தினார்கள் .ஏன் இந்தியாவில் மட்டும் ,புதிதாக காணும் யாரும்  நம்மிடம் சிரித்து பேசுவதில்லை? அவர்களை  வியாபார நோக்கில் நாடினால் கூட, அந்தப் பணம் நம்மிடமிருந்து கிடைக்க, எந்த அளவு குறைவாக பேச முடியுமோ  அந்த அளவு தான் பேசுகிறார்கள்! எடுத்துக்காட்டாக, நேற்று  என்னுடைய கார் சக்கரம் காற்று இறங்கி ,அதை சரி செய்ய சென்றேன். அந்த சரி செய்தவரிடம் நான் என்ன பேசினாலும் ,பதிலுக்கு அவர்  ஒன்றுமே சொல்லவில்லை !அவர்  பாட்டுக்கு  வேலை செய்து கொண்டிருக்கிறார் ! இது எதனால் ஆயிற்று? என்று கேட்டாலும் ஒன்றும் பதில் இல்லை !என்னிடம் வியாபாரத்தை எதிர்பார்க்கும் அவர்  ஏன் என்னிடம் பேச கூட தயங்க வேண்டும்? இன்னொரு சம்பவம் .எதிர் வீட்டு நபர் ,நான் சிரித்தாலும் சிரிக்க மாட்டார்.ஐந்து வருடத்திற்கு முன்னால் நாங்கள் புதிதாக இந்தத் தெருவுக்கு குடி வந்தோம். வீடு புகு மனை விழாவிற்கு அழைத்த போதும் வரவில்லை .ஒரு நாள் ,அவருக்கு வர வேண்டிய ஆதார் அட்டையை  தவறுதலாக என் வீட்டில் தபால்காரர் போட்டு விட்டு சென்று விட்டார். எனக்கு எதிர் வீட்டுக்காரர் பெயர் கூட தெரியாது. ஆதலால் ,வேறு யாருடையதோ என்று எண்ணி,அந்த ஆதார் அட்டையில் இருந்த அலைபேசி எண்ணை அழைத்து ,உங்களுடைய ஆதார்  அட்டை எங்கள் வீட்டில் தவறுதலாக போட்டிருக்கிறார்கள் .உங்கள் வீடு எங்கே இருக்கிறது? வந்து வாங்கிக் கொள்ள முடியுமா? என்று கேட்டேன். நான் வெளியே இருந்து பேசியதால் எதிர் வீட்டுக்காரர் பதில் பேசியது எனக்கு இங்கிருந்து  தெரிந்தது. 'ஆஹா !இவர் ஆதார் அட்டை தான் போல் இருக்கிறது என்று நினைத்துக் கொண்டேன்'. உடனே எடுத்துக்கொண்டு அவரிடம் கொண்டு போய் நீட்டினேன். அவர் நன்றி சொல்வார் என்று எதிர்பார்த்தேன். பதிலுக்கு அவர் சொன்னது எனக்கு அதிர்ச்சியாகி விட்டது.' இந்த தபால்காரன் அதை ஏன் உங்கள் வீட்டில் போட்டான்? 'என்று ஒரு எரிச்சலான கேள்வி!

சரி ! இவர் ஏன் நன்றி சொல்வதற்கு, பதில் இப்படி சொல்ல வேண்டும்?ஒரே இ னத்தில் உடன்  வாழும் மக்கள் இப்படி  நடந்து கொள்வதெல்லாம் எதை காட்டுகிறது?ஒருவரை ஒருவர் அறவே வெறுக்கும் ஒரு சமூகத்தில் நாம் வாழ்கிறோம் என்பதைத்தான் அது தெளிவாக காட்டுகிறது . ஒரு அவசர தருணத்திற்கு கூட மகிழ்ச்சியாக பேசுவதற்கு தயங்கக்கூடிய மக்கள் இருக்கும் ஒரு சமூகத்தில் நாம் வாழ்ந்து கொண்டிருக்கிறோம் என்பதைத் தான் காட்டுகிறது இது.யாரிடமும் என்ன பேச வேண்டும் என்றாலும் பயமாக இருக்கிறது.தவறு செய்யும் சிறுவரைகூட அதை சுட்டிக்காட்டி  திருத்த முயன்றால் அவர்கள் உடனே முறைக்கும் நிலையை கண்கூடாக காண்கிறோம்.எதற்கும் உடனே சண்டைக்கு வந்து விடுகிறார்கள் என்பது ஒரு பொதுவான புகார். 

இதற்கு அடிப்படை காரணம் தான் என்ன?

இதற்கு அடிப்படை காரணம் என்ன ?வேறு எந்த நாட்டிலும் இது நடப்பதில்லையே !ஜெர்மனியில் விமான நிலையத்தில் நாம் புதிதாக காணும் ஜெர்மனியர்கள் நம்மைப் பார்த்து  புன்னகைத்து, வாழ்த்தி விட்டுப் போகிறார்கள் .ஏன் நம் நாட்டில் மட்டும் எப்படி நடக்கிறது என்று கேட்டால் உண்மையான காரணத்தை இந்தியர்கள் யாரும் சொல்ல மாட்டார்கள் .பல இந்தியர்களுக்கு அது தெரியாமலும் இருக்கலாம் அல்லது அவர்கள் உணராமலும்  இருக்கலாம்.

வெளிநாட்டவரின் பார்வை!

ஒரு வெளிநாட்டு பார்வையாளர்,இந்தியாவில் வந்து சில வருடங்கள் தங்கி இருந்து இந்திய சமூக முறையை ஆராய்ச்சி செய்தார். உண்மையான காரணங்களை அவர் ஆழமாக  அலசி சொல்லும் போது, இவ்வாறாக இருக்கிறதா என்று நாம் வியப்படைகிறோம்.முதலில் அவர் என்ன சொல்கிறார் என்று பார்ப்போம்.இந்து மதத்தில் பிறந்த ஒவ்வொருவரும் பிறந்த உடனே இன்னொரு சாதிக்காரனுக்கு எதிரியாக பிறந்து விடுகிறான் என்கிறார் அவர்!ஏனென்றால் ஒன்றிலோ ,அந்த சாதிக்காரனுக்கு, இவன் மேல் சாதி அல்லது கீழ் சாதி! எப்படி என்றாலும் எதிரிதான்!இரு நபர்கள் சமமாக இருந்தால் தான் இருவரும் நண்பர்களாக முடியும் .மேலாக இருந்தால் அவன் முதலாளி! கீழாக இருந்தால் அவன் அடிமை! இப்படி பொதுவாக இங்கு பிறக்கும் ஒவ்வொரு இந்தியனும் ,பிறந்த உடனேயே காரணமே இல்லாமல், அவன் பிறந்த சாதியின் அடிப்படையில், இன்னொருவனுக்கு தன்னாலே எதிரியாகி விடுகிறான்! ஆதலால், பார்க்கும் போதே இயல்பாகவே ஒரு சிரிப்பு இருக்காது .வராது .ஒரு முறைப்பு தான் இருக்கும் !எப்படி சண்டை போடலாம் என்று தான் எப்போதுமே அவர்கள் இருவருடைய மனநிலையும் இருக்கும்.இந்த நிலையில் ஒரு சின்ன பொறி தட்டினால் போதும்! உடனே அது பெரும் பிழம்பாய் மாறி,ஒரு பெரிய சண்டையாகி,தென் மாவட்டங்களில் குறிப்பாக நெல்லை மாவட்டத்தில் கொலை வரை போய்விடும்!தென்காசி அருகே ஒருவர் அவருடைய சின்ன சரக்கு வாகனத்தை சாலையின் ஓரத்தில்  நிறுத்திவிட்டு பக்கத்துக் கடையில் டீ குடிக்க சென்றார். அவர் திரும்பி  வந்து பார்க்கும்போது ,அவர் வண்டிக்கு நேர்  முன்னாக இன்னொருவர் வாகனத்தை நிறுத்தி விட்டு எங்கோ  சென்று விட்டார் .இதனால் ,இவரால் வண்டியை எடுக்க முடியவில்லை. அவர் வரும் வரை இவர் காத்திருக்க வேண்டி இருந்தது. வந்தவுடன் கோபத்தில், ஏன் இப்படி நிறுத்தி விட்டு சென்றீர்கள்? என்று கேட்க ,அவர் பதிலுக்கு ,ஏன் என்று சொல்கிறேன் என்று ஒரு கத்தியை எடுத்து இவர் வயிற்றில் நேராக குத்திவிட்டார் !உடனே  குடல் சரிந்து ,அதே இடத்தில் அவர் அதிக குருதி இழப்பால் இறந்துவிட்டார்! ஒரு சின்ன விஷயம். அந்த வண்டியை நிறுத்தியவர் மேல் தான் தெளிவாக தப்பு உள்ளது என்று தெரிந்தும் ,அவர் ஏன் கத்தி வைத்து இவரை குத்திக் கொல்ல  வேண்டும்?அவர் கோபத்திற்கு காரணம் ,அவர் உள்ளே குடி கொண்டிருக்கும் அந்த பயங்கரமான சாதிய ஆவி தான் !நீ என்ன  என்னை கேள்வி கேட்பது ?என்ற அந்த மனநிலை தான் அவரை இந்த குற்றம் செய்ய தூண்டியது .இதுவே உண்மையான காரணம்.ஒரு தமிழ் படத்தில் ஒரு காட்சி வரும் .ஒரு பட்டியல் இனப் பையனை, ஒரு ஆதிக்க சாதி பையன்,அடி அடி என்று அடித்து   விடுவான்.அடிபட்ட  பையன்  வீட்டிற்கு  அழுது கொண்டே வந்து ,தன் அப்பாவிடம் முறையிடுவான்.' அப்பா ,நாம்  போய் அவனை திருப்பி அடித்து விட்டு வருவோம்' என்று சொல்லுவான் .அதற்கு அவன்  அப்பா, 'அப்படி முடியாத டா கண்ணா! ஏனென்றால் ,அவன் அடிக்க பிறந்த சாதி! நாம் அடிபட பிறந்த சாதி! 'என்று கண்ணீருடன் சொல்வார்! ஒருவருடைய சாதி என்னவென்று அறிய முடியாத சமூக ஊடகங்கள் வழியாக கூட நாம் யாருடனும் நண்பராக முடியாது. உங்கள் கருத்துடன் இன்னொருவர் ஒத்து போனால் கூட உங்களை பின்பற்ற மாட்டார்கள் . சமூக ஊடகங்களில்  எதிர் கருத்து கூறியவரை உடனே தனிநபர் தாக்குதல் தான் நடத்துவார்கள். பதில் கருத்து கூற மாட்டார்கள்.ஏனென்றால், அடிப்படை காரணம் மேலே நான் குறிப்பிட்ட அதே காரணம் தான்.ஆக உண்மையான காரணம், இதை விட்டுவிட்டு ஏதோ காரணங்களை சொல்லுவார்கள். சட்டம் ,ஒழுங்கு என்பார்கள்.அது ,இது, அறியாமை என்றெல்லாம் சொல்வார்கள் .

 உண்மையான காரணத்தை எப்படித்தான் மாற்றுவது?

உண்மையான காரணத்தை மாற்ற வேண்டுமென்றால், சாதிய கட்டமைப்பு குலைய வேண்டும் .அது உடைந்தால் தான் அது மாறும். சின்ன குழந்தைகளை கூட ஆசிரியர்கள் சாதி அடிப்படையில் அடிக்கிறார்கள். வீணாக பழி போடுகிறார்கள். மதிப்பெண்களை குறைக்கிறார்கள் .சாப்பாடு டப்பாவை தூக்கி எறிகிறார்கள். இதற்கெல்லாம் காரணம் இந்த சாதி மனப்பான்மை என்ற ஆவி தான். அதை மாற்றாமல் ஒன்றும் ஆகாது, மாறாது  என்கிறார் அவர் .எதையும் மாற்ற வேண்டுமென்றால் முதலில் அது இருப்பதை ஒத்துக் கொள்ள வேண்டும்.ஆனால், இந்தியர்கள் இப்படி ஒரு சாதிய பாகுபாடு, இந்திய சமூகத்தில் உள்ளது என்பதை ஒருபோதும் ஒத்துக் கொள்ளவே மாட்டார்கள் .இந்திய அரசு கூட ஒத்துக் கொள்ளாது .டர்பனில் நடந்த பன்னாட்டு கருத்தரங்கில் இந்தியாவில் சாதிய பாகுபாடு என்று ஒன்று கிடையவே கிடையாது என்று இந்திய அரசு ஒரு அறிக்கை விட்டது. ஆதலால் ,இதே போல ,  சண்டை போட்டுக் கொண்டே இருப்பார்கள்.இது ஒரு தொடர்கதையாக தொடர்ந்து கொண்டிருக்கும் .இந்தியா ஒரு நாளும் இதை  ஒழிக்காமல் ஒரு நல்ல ஒற்றுமையான, வலிமையான,சமூகமாக வளர முடியாது ,மற்ற நாடுகளுடன் போட்டி போட முடியாது என்பதுதான் கண் முன்னே காணும் ஒரு பெரும் உண்மை. இதை மறைப்பதால்  அல்லது மறுப்பதால் நாம் ஒன்றையும்  சாதிக்க முடியாது என்பதை நாம் எல்லோரும் உணர வேண்டும் .நம்முடைய தலையெழுத்து  இதன் நடுவே அமைதியாக வாழ முயற்சி செய்வது தான் !

பெண்களுக்கு தங்கள் கவர்ச்சி எந்த அளவு ஒரு ஆணை கிளர்ச்சியூட்ட முடியும் என்று தெரியுமா?

 சமீபத்தில் ஒரு பழைய மலையாள படம் பார்த்தேன். படத்தின் பெயர் ரதிநிர்வேதம்(2011).மேற்படையாக பார்த்தால், அது ஒரு பாலியல் கிளர்ச்சி ஊட்டும் மஞ்சள் படம் போல தெரியும். பல காட்சிகள் அவ்வாறுதான் எடுக்கப்பட்டிருக்கின்றன. ஆனால்,இறுதியில் அது சொல்லும் ஒரு பெரும் பாடம், பெண்கள் எல்லோரும் அறியவேண்டிய ஒரு பாடமாக அமைந்து விட்டது. 

                                         படத்தின் நாயகி ரதி சுமார் 23 வயது அழகான பெண்.  நாயகன் அவளை விட 8 வயது குறைந்த ஒரு ஒரு பதின்பருவ விடலை பையன்.இருவரும் பக்கத்து வீடு என்பதால் சிறு வயது முதல் நன்றாக பழகியவர்கள். ஒருவரை  ஒருவர் ஓடி பிடித்து , கண்ணாம்பூச்சி விளையாடி வளர்ந்தவர்கள். இப்போது பையன் 15 வயதளவில் ,வெளியூரிலிருந்து விடுமுறையை  கழிக்க வீடு  வந்திருக்கிறான் .பெண் என்பதால் அவன் சிறிது தயக்கம் காட்டினாலும்,நாயகி அவனுடன் முன்போலவே  ஓடி பிடித்து விளையாடுவது ,கண்ணாமூச்சி காட்டுவது போன்ற பல விளையாட்டுகளில் கள்ளம் கபடம் இல்லாமல் செய்வது அவனை பாலியலாக தூண்டுகிறது.என்னதான் அவன்  நாயகியை 'சேச்சி, சேச்சி' என்று அழைத்தாலும் ,அவளது  நெருக்கம் அவனை என்னவோ செய்கிறது.திருட்டுத்தனமாக  அவளை மீண்டும் மீண்டும் பார்க்க வேண்டும் ,குறிப்பாக அவளுடைய உடம்பின் பாகங்களை ரசிக்க வேண்டும் என்று அவனை அறியாமல் அவன் கண் அவள் மேல் செல்கிறது .அவள் ஆடை மாற்றுவதை மறைந்திருந்து பார்க்கின்றான்.அவள் வீட்டில் மாவு அரைக்கும் போது மேலாடை இல்லாமல், கேரளாவில் வழக்கமாக இருப்பது போல் ,கால்களையும் நன்றாக தெரியும் படி வைத்துக்கொண்டு ,மாவரைப்பதையும்  இவன் ஒளிந்திருந்து பார்க்கிறான்.வர வர அவனால் அப்படி ஒளிந்து பார்ப்பதை கட்டுப்படுத்த முடியவில்லை .என்ன முயன்றாலும் இது சிறிது சிறிதாக வளர்ந்து, ஒரு நிலையில் அவளை எப்படியும் அடைந்து விட வேண்டும் ,ஒரு முறையாவது அனுபவித்து விட வேண்டும் என்று எண்ணும் அளவு வளர்ந்து விடுகிறது.இவ்வளவு நடப்பதும் வீட்டில் இருக்கும் வயதான பெண்களுக்கு, அம்மாவுக்கு ,சித்திக்கு,அக்காவிற்கு  யாருக்கும் கொஞ்சம் கூட புரியவில்லை.(பெண்களுக்கு இது புரியாது!) அவர்கள் இந்த இரண்டு பேரையும் அப்படி கண் கொண்டு பார்க்கவும் இல்லை .இந்நிலையில் ஒரு சரியான தருணத்தில், நாயகன் நாயகியை   தன்னை அறியாமல் இறுக கட்டி  அணைக்கிறான். அவள்  தடுக்க நினைப்பதற்குள், வீட்டில் உள்ளவர்கள் நடந்ததை பார்த்து விடுகிறார்கள்.குறிப்பாக பெண்ணின் தாய் பார்த்து விட்டதால்,  பெரும் பூகம்பம் வெடிக்கிறது.

பெண்ணின் தாய் பையனின்  அம்மாவை திட்டி தீர்க்கிறார். இதன் விளைவாக இரு குடும்பங்களிடையே பெரும் பகை உருவாகிறது. இந்த நேரத்தில் தான் நாயகனின் அத்தான் ,இராணுவத்திலிருந்து  விடுமுறைக்காக  வீட்டிற்கு வருகிறார்.

                                   நடந்ததை எல்லாம் அறிந்து ,வீட்டின் மூத்த பெண்கள்  எல்லோரையும்  கூப்பிட்டு அவர் கொடுக்கும் அறிவுரை தான் ,எல்லா பெண்களும் அறிய வேண்டிய பெரும்  அறிவுரையாக இருக்கிறது. அவரும் இந்த பருவத்தை கடந்து வந்தவர் தான். அந்த அனுபவம் அவருக்கு இந்த அறிவுரை கொடுக்க கை கொடுக்கிறது. 

                            அவர் சொல்கிறார்' இவ்வளவு நடந்து இருக்கிறது. நீங்கள் இத்தனை பெண்கள் இருக்கிறீர்கள். ஒருவருக்கு கூட இது நடப்பது தெரியவில்லை. ஏன்? ஏனென்றால் உங்களுக்கு பெண்களின் எந்தெந்த செயல்கள் ஒரு பையனுக்கு  கிளர்ச்சியூட்டும், பாலியல் உணர்வை தூண்டும் என்பதை பற்றி ஒன்றுமே தெரியாது. உங்கள் உடம்பு  ஆண்களுக்கு எந்த அளவு கிளர்ச்சி உண்டாக்கலாம் என்பதும்  தெரியாது. ஆதலால்,அவனுக்கு காம உணர்வு  ஊட்டும் படியாக நடந்து கொண்டது அந்தப் பெண் ரதியுடைய குற்றம். அவள்  தான் இந்த உணர்வுக்கு மூல காரணம். இதை ஆரம்பித்து வைத்தது அவள் தான் .அதை கண்டுபிடிக்காமல் இருந்தது உங்கள் குற்றம் .இப்போது பெரும் சிக்கலுக்குள் இந்த பிரச்சனை போய்விட்டது. இவனை உடனே மேற்படிப்பிற்கு வெளியூர் அனுப்பிவிடலாம் 'என்று சொல்கிறார்.

பெண்களுக்கு அவர்கள் கவர்ச்சி எந்த அளவு என்பதை உணர முடியுமா?

                                                                        இந்தக் கேள்விக்கு, இந்த திரைப்படம் சொல்லும் தெளிவான  விடை 'பெண்களுக்கு அவர்கள் கவர்ச்சி எந்த அளவிற்கு ஆண்களை மயக்கலாம், வெறியூட்டலாம் என்பது சிறிது கூட தெரியாது ' என்பதுதான்.தமிழர் பண்பாட்டில் இதை முற்றிலும் உணர்ந்ததால்,பருவம்  அடையும் முன்பே பெண்களுக்கு இதை உணர்த்தி விடுவார்கள்.'பொம்பளையா அடக்கமா இருக்கணும்' என்று சொல்வார்கள். பெண்கள் தங்கள் இஷ்டப்படி கால் மேல் கால் போட்டுக் கொண்டு அல்லது காலை விரித்துக்கொண்டு அல்லது கால் தெரியும்படியாக இருக்க, தமிழர்கள் தங்கள் வீட்டில் அனுமதிக்க மாட்டார்கள். பருவம் அடைந்த பின் கட்டாயமாக தாவணி போட்டு விடுவார்கள். தாவணி சிறிது விலகினாலும் உடனே வீட்டில் உள்ள மூத்த பெண்கள் அதை சொல்லிக் காட்டுவார்கள். கண்டிப்பார்கள் . இந்த பழக்கம் பள்ளி வரை சென்று, பெண்களின் தாவணி சிறிது விலகினாலும், உடனே அவர்களுடைய பெண் தோழிகள்  அதை சில விதமான ஜாடை செய்து  காட்டுவார்கள். உடனே அதை புரிந்து கொண்டு ` ,இந்த பெண் அதை இழுத்து விட்டு விடுவாள் .இந்த பழக்கம் ,எப்போது தமிழர் அல்லாதவர்கள் தமிழ்நாட்டில் ஆதிக்கம் செலுத்த ஆரம்பித்தார்களோ ,  முற்றிலுமாக ஒழிக்கப்பட்டு, பாவாடை தாவணி என்ற உடையையே  இல்லாத மாதிரி .காலப்போக்கில் செய்து விட்டார்கள்!எடுத்துக்காட்டாக கேரளாவில், கீழ்கண்ட மேலாடை   இடாத ரவிக்கை அணிவதை மிகவும் சாதாரணமாக பார்க்கலாம்:

                                                            (படம் நன்றி: கூகுள்)

ஆனால், தமிழ்நாட்டில் இப்படி எந்த பெண்ணையும்,,எங்கும்  பார்க்க முடியாது. தமிழ்நாட்டில் மலையாள படங்கள் பரவ பரவ ,இது போன்ற காட்சிகளை சில தமிழ் படங்களிலும் காட்ட ஆரம்பித்தார்கள் .அதன் விளைவு இப்போது பல தமிழ் திரைப்படங்களில் இப்படியான காட்சிகள் மிக சாதாரணமாக  காட்டப்படுகிறது.

                                    தமிழ் குடும்பங்களில், சொந்த  தங்கை /அக்காவாக இருந்தாலும் பையன்களை நெருக்கமாக பழக விட மாட்டார்கள்.உடை மாற்றும் போதும் ஆண்களை  அறைக்குள்  அனுமதிப்பதில்லை. இரவில் தூங்கும் போது தனித்தனி அறைகளில் தான் படுப்பார்கள். சொந்த அம்மாவை கூட மகன் கட்டி அணைப்பது தமிழ் பண்பாட்டில் இல்லை. இவ்வாறாக ,பல நல்ல பாலியியல் பாதுகாப்பு பழக்கங்களை தமிழ் பண்பாட்டில் காணலாம்.இது போக , தமிழ் குடும்பங்களில்  உள்ள மூத்த பெண்கள் , பையன்களின் நடவடிக்கைகளை கூர்ந்து பார்ப்பது உண்டு.

                                 ஆனால் வளர்ந்து வரும் நாகரீகம்,தமிழ் பண்பாட்டில் அன்னி யர்களின் ஆதிக்கம்,ஊடகங்களின் செல்வாக்கு   போன்றவை ,இது மாதிரியான நல்ல பழக்கங்களை மாற்றிக் கொண்டு வருகிறது என்பது ஒரு கவலைக்குரிய விடயம்  தான்.இப்போது மாறிக் கொண்டு வரும் உடைகள், குறிப்பாக, மேற்கத்திய உடைகள், வட இந்திய உடைகள், உடலை மறைப்பது போல இல்லாமல் ,கவர்ச்சியான பாகங்களை எடுத்துக்காட்டுவது போல அமைந்துள்ளது. குறிப்பாக, மேற்கத்திய மேற் சட்டைகள், லெக்கின்ஸ் என்று சொல்லப்படும் காலோடு ஒட்டிய உடை, மற்றும் இடுப்பில் வெட்டப்பட்டிருக்கும் பகுதி வழியாக இடுப்பு முழுவதும் தெரிவது போன்ற வட இந்திய உடைகள் ,காம கண்களை தூண்டுகின்றன .

                            தமிழ்நாட்டின் அழகான உடையான ,பாவாடை-தாவணி  தற்போது திரைப்படங்களில், பாடல் காட்சியில் மட்டும் வருகிறது. நேரில் யாவனும் யாரும் அணிந்து பார்க்க முடிவதில்லை. அந்த அளவு அந்த உடையை அழித்துவிட்டார்கள். நான் கூட ராமராஜ் ஆடை நிறுவனத்திற்கு, நீங்கள் வேட்டியை எந்த அளவு பரவலாக்கி இருக்கிறீர்களோ அதுபோல ஏன் பாவாடை தாவணியை  ஆக்கக் கூடாது என்று ட்விட்டர் செய்தி போட்டேன். ஆனால், அதற்கு எந்த பதிலும் இல்லை .அவர்கள் தமிழர்கள் இல்லை என்ற  காரணமாக கூட இருக்கலாம் என்று ஒரு நண்பர் சொன்னார் .அது உண்மையா என்று தெரியவில்லை.ஆனால், அந்த நல்ல பண்பாட்டு உடையை மீட்டெடுப்பது தமிழர்களின் கடமை என்று  நான் நினைக்கிறேன்.இந்த உடையின்  குணம் என்னவென்றால், இது அணிந்த பெண்களை ஒரு அழகான பட்டாம்  பூச்சி போல மெருகேற்றி காட்டும், ஆனால்,அதே நேரம்  காமக் கிளர்ச்சி ஊட்டாது

                                                             (படம் நன்றி: கூகுள்)

இறுதியாக இளம் பெண்கள் அறிய வேண்டியது என்னவென்றால் , அவர்கள் இயற்கையாக  ஆண்களை கவரும்/மயக்கும்  படியாக படைக்கப்பட்டிருக்கிறார்கள். அதற்கு முக்கிய அடிப்படை காரணம் இனப்பெருக்கம் தான் . இதை நாம் நினைத்தாலும் மாற்ற முடியாது .இந்த நிலையில் 

                             பெண்கள்  என்னதான் செய்ய முடியும்  என்று  நீங்கள் கேட்கலாம்.வீட்டில் திருட்டு நடப்பதை நாம் குறைக்க வேண்டுமென்றால், ஒரு பூட்டு போடலாம் .பூட்டு போட்டாலும் உடைத்து திருடலாம். ஆனால், பூட்டு போடுகிறோம். ஏனென்றால் அதை உடைத்து திருடுவது என்பது அதற்கு அடுத்தபடியான  முயற்சி . அதுபோல,பெண்கள்  இந்த இயற்கையான கவர்ச்சியை,மறைக்கும்  உடைகள் மூலம் தான் பூட்டு போட்டு குறைக்க முடியும். 

                   ஆனால்,மாறாக இதை அறியாத பெண்கள், மாதம்  2000 வரை செலவழித்து, அழகு நிலையத்திற்கு சென்று முடிந்த அளவு தங்கள் அழகினை கவர்ச்சிகரமாக்கி, ஆண்களை கவர்ந்து காம வெறியூட்டும்  கருவிகளாகி  கொண்டிருக்கிறார்கள் .அதனால் ,ஏற்படும் ஆபத்து அவர்களை (பெண்களை) தான் பாதிக்கும் என்பது அவர்களுக்கு பு ரியவில்லை. இப்போதே புள்ளிவிவரத்தை பார்த்தால்,1960 களில்  இருந்தது போல 10,000 மடங்கு அதிகமாக காம குற்றங்கள் நடந்து கொண்டிருக்கின்றன என்பது புரியும் .சொந்த மகளை ,சொந்த அக்காவை,தங்கையை  பாலியல் துன்புறுத்தல் செய்யும் பரிதாப நிலைமை இப்போது நடந்து கொண்டிருக்கிறது .சிறு குழந்தைகளை கூட வயதான ஆண்கள் கூட  விட்டு வைப்பதில்லை போல தோன்றுகிறது. தினமும் செய்தித்தாளை திறந்தால் கட்டாயம் இது போன்ற வன்புணர்வு செய்திகள் மனதை காயப்படுத்துகின்றன.ஆனால் தமிழ் சமூகம் அந்தந்த சம்பவங்களுக்கு ஏதோ ஒரு நாள் ஆர்ப்பாட்டம் பண்ணுவார்கள். பின்னர் அடங்கிப் போய் விடுவார்கள். இதன் அடிப்படை காரணம் என்ன ?அதை எப்படி முறியடிக்க வேண்டும் என்றெல்லாம் சிறிது கூட  சிந்திப்பதில்லை ..

                      இதற்கெல்லாம் என்ன மூல  காரணம் என்றால் ,காம குற்றங்களுக்கு அடிப்படையாக பெண்கள் ஒரு தூண்டுகோலாக  மாறிக் கொண்டு இருக்கிறார்கள் என்பது  தான் .அதை அவர்களால்  உணர முடியவில்லை என்பதுதான் பிரச்சனை .அதை சொன்னால் கேட்கும் மனநிலையில் அவர்கள் இப்போது இல்லை .பெற்றோர்களுக்கு கீழ்படிவதில்லை .சொந்த அப்பா சொன்னால் கூட கேட்பதில்லை என்பது மிகவும் கவலைக்குரிய நிலைமையாகும்.இது போதாது என்று உடை அணிவது பெண்ணின் சுதந்திரம் என்றும் அதை யாரும் கட்டுப்படுத்த முடியாது ,அது பெண் உரிமையில் தலையிடுவதாகும் என்று ஒரு தவறான கருத்து ஊடகங்கள் வழியாக பரப்பப்படுகிறது. இதனால் ஏற்படும் விளைவுகள் பாதிப்பது பெண்களை  தான் என்பதை மறைத்து ஊடகங்கள் இந்த விஷம பிரச்சாரத்தில் ஈடுபடுகின்றன என்பது வருத்தத்திற்குரிய விடயம்.

காம குற்றங்களை குறைப்பதற்கு பெண்கள் பங்களிக்க முடியுமா?

                      சட்டயியலில்   உரிமையியல்  சட்டம் என்று ஒன்று உள்ளது. ஆங்கிலத்தில் இதை  TORTS  என்பார்கள். அந்த சட்டத்தில் ஒரு கோட்பாடு  உள்ளது. அது என்னவென்றால், ஒரு குற்றம் நடைபெறுவதற்கு ,குற்றவாளி ஏதாவது ஒரு வழியில்  பங்களித்திருந்தால் ,அதை CONTRIBUTORY NEGLIGENCE  என்று சொல்லுவார்கள் .அதாவது, குற்றம் நடக்க  ஏதுவான அசட்டை என்று சொல்லலாம்.எடுத்துக்காட்டாக ,சாலை நடுவே ஒருவர் தூங்கிக் கொண்டிருக்கிறார் என்று வைத்துக் கொள்வோம். இரவில் ஒரு வாகனம் அவர் மேல் ஏறி அவர் இறந்து விடுகிறார். இந்த மரணத்தில் இறந்தவர் பாகத்தில் இந்த குற்றத்திற்கு ஏதுவான அசட்டை நடந்திருக்கிறது என்று சட்டத்தில் சொல்லுவார்கள். அவர் சாலை  நடுவே தூங்கவில்லை என்றால் இந்த மரணம்  நேர்ந்திருக்காது என்ற அடிப்படையில் அவ்வாறு சொல்லப்படுகிறது.

                                  காம குற்றங்களுக்கும்  இந்த கோட்பாடு பொருந்தும். வெறியூட்டும் படியாக ஆடை அணிவது அல்லது நடந்து கொள்வது போன்றவை காம குற்றங்களுக்கு வழி வகுக்கலாம்  .நான் சொன்ன எடுத்துக்காட்டில் பாதிக்கப்படுவது அந்த அசட்டையில் ஈடுபட்ட நபர் தான்.அவர் தான்  தண்டனைக்கு உள்ளாகிறார் .ஆனால் காம வெறி குற்றங்களில்  அப்படியல்ல. வெறியூட்டும் நபர் ஒருவராக இருக்கலாம். ஆனால், அதனால் வெறி  ஊட்டப்பட்ட ஆணின்  தாக்குதலுக்கு உள்ளாகும் பெண் வேறு நபராக இருக்கலாம்! எடுத்துக்காட்டாக, நடிகை சமந்தாவின் காம வெறியூட்டும் ஒரு திரைப்பட பாடலை பார்த்துவிட்டு, அந்த வெறியில் அலைந்து கொண்டிருக்கும் ஒரு ஆண், தெருவில் விளையாடிக் கொண்டிருக்கும் ஒரு குட்டி பாப்பாவை,சில நேரம் ஓரினச்சேர்க்கையில் ஈடுபடுவதற்காக சிறு பையன்களை கூட ,அவன் வெறியை தீர்த்துக்கொள்ள  வழியாக்கலாம் .ஆக ,இங்கு தவறு செய்வது ஒரு பெண் , தண்டனை பெறுவது வேறு ஒரு பெண் அல்லது ஆண் என்பது போல ஆகலாம்.

ஆக,அதிகரித்து வரும் பாலியல் குற்றங்களை எப்படி தடுக்கலாம்?

• காமவெறி என்பது ஒரு ஆவியாகும்,அதாவது இச்சையின் ஆவியாகும் .அதை சட்டத்தை கொண்டு அல்லது பிரம்பை கொண்டு கட்டுப்படுத்த முடியாது .ஆவியை கட்டுப்படுத்த ஆவிக்குரிய வழிகளை தான் பின்பற்ற வேண்டும் என்பதை நாம் எல்லோரும் உணர வேண்டும்.
• இப்போது காம ஆவியை கட்டுப்படுத்தும் வழிமுறைகளை பார்க்கலாம் .
• முதலாவதாக பெண்கள் தங்கள் கவர்ச்சியினை முடிந்த அளவு மூடி மறைத்து உடை அணிய வேண்டும்  இறுக்கமான உடைகளை அணிந்து தங்கள் உடலின் வடிவத்தை வெளிக்காட்டும் விதமாக இருக்கக் கூடாது.
• அடுத்ததாக அவர்கள் நடந்து கொள்ளும் விதம் ஆண்களை கவரும் விதமாக இருக்கக் கூடாது.எடுத்துக்காட்டாக ,நைட்டி போன்ற  உடைகளை அணிந்து  பெண்கள், பொது வெளியில் வரக்கூடாது. காய்கறி எடுப்பதற்காக குனிந்து தங்கள் முன்னழகை  வெளியே தெரியும் படியாக காட்டக்கூடாது. இது மற்ற ஆண்களின் கண்களை இயற்கையாக  கவரும்.காம உணர்வை தூண்டும்.ஆண்களால்   அந்த உணர்வை  கட்டுப்படுத்த முடியாது என்பது பெண்களுக்கு தெரியாது.
• இந்த நேரத்தில் நாம் கவனிக்க வேண்டியது ஒன்று உள்ளது. தமிழ்நாட்டில் நிலவும் ஒரு முக்கியமான கோட்பாடு பெண் உரிமை என்பதாகும் . அது பெண்களுக்கு ஆபத்தான பலவற்றை  செய்யச் சொல்லி கற்பிக்கிறது.அவர்களுக்கு ஒரு அசட்டு தைரியத்தை கொடுக்கிறது .அவர்களால் ஆண்களை ,எந்நேரத்திலும் தனியாக எதிர்கொள்ள முடியும் என்று ஒரு பொய் பிரச்சாரத்தை செய்து நம்ப வைக்கிறது.வீட்டில் இருக்கும் ஆண்கள் அதாவது பெற்ற அப்பா,அன்பு  அண்ணன்,பாசமிகு  தம்பி ,யார் சொல்வது எதையும் கேட்கத் தேவையில்லை, வெளியே செல்லும்போது அவர்கள் துணை  தேவையில்லை போன்ற தவறான அறிவுரைகளையும் இந்த இயக்கம் கற்பித்து ,பெண்களை ஆபத்தான பாதையில் வழி  நடத்துகிறது.
• இதில் முக்கியமான புள்ளி என்னவென்றால், தமிழர் பண்பாட்டில் பெண் உரிமை/ பெண் சமத்துவம் என்ற கோட்பாடு ஒருக்காலும்  இருந்தது  கிடையாது.தமிழர் சமூகம் ஆண்வழி சமூகமாக இருந்தாலும், பெண்கள் அவர்களுக்கு கிடைக்கும் எல்லா விதமான பயன்களையும் பெற்று அனுபவித்துக் கொண்டிருந்தார்கள். அவர்கள் வாழ்வில் முன்னேறி எல்லா நிலைகளிலும் உயர்ந்து நின்றார்கள். பெரும் புலவர்களாக /கவிஞர்களாக திகழ்ந்தார்கள்.அரசனையே கேள்வி கேட்கும் துணிச்சல் கொண்ட கண்ணகி யாகவும் இருந்தார்கள் .அந்த அளவுக்கு தமிழ் பண்பாட்டில் பெண்களுக்கு ஒரு மரியாதையும் அதே நேரம் பாதுகாப்பும் இருந்து கொண்டிருந்தது.தமிழர் சமூகத்தில் பாலியல் குற்றங்கள் நடக்காததால்,தமிழில்  அதற்கான சொற்கள் கூட கிடையாது .எடுத்துக்காட்டாக ,ஆங்கிலத்தில் RAPE  என்று சொல்லப்படும் சொல்லிற்கு  தமிழில் நிகரான சொல் கிடையாது. ஏனென்றால் ,அப்படி ஒன்று தமிழர் சமூகத்தில் நடந்ததில்லை. இப்போது நாமாக அதற்கு ஒரு சொல்லை உருவாக்கி ,வன்புணர்வு கற்பழிப்பு என்றெல்லாம் சொல்கிறோம். இவைகள் ஒன்றும் சங்க கால இலக்கியத்தில் காணப்படவில்லை.இன்றும் கூட ஜல்லிக்கட்டு போராட்டத்தில் இரவும் பகலும் ஒரே இடத்தில் படுத்து உறங்கிய இளம் பெண்களும் ஆண்களும் சகோதர நட்பில் தான் இருந்தார்கள். கிட்டத்தட்ட இரண்டு வாரமாக நடந்த அந்த போராட்டத்தில் ஒரு பாலியல் குற்றம் கூட பதிவாகவில்லை. அதுதான் தமிழரின் உயரிய  பண்பாடு.
• தமிழ் பெண்களின் இந்த பாதுகாப்பான சூழ்நிலை,உயர்வு எல்லாவற்றையும்  குலைக்கும் விதமாக, தமிழ்நாட்டில் வாழும் பெண் வழி சமூக வேற்று இன  மக்கள், பெண்ணுரிமை, பெண் சமத்துவம் போன்ற வேண்டாத கோட்பாடுகளை ,தமிழ்நாட்டில் நுழைத்து பெண்களுக்கு தீங்கிழைக்கும் பல பழக்கங்களை புகுத்தி ,அவற்றை நல்லது, முன்னேற்ற பாதையில் எடுத்து செல்வது என்றெல்லாம் பொய் பிரச்சாரம் செய்து ,இப்போது பெண்களுக்கும் /சிறுமிகளுக்கும்   ஒரு பாதுகாப்பில்லாத ,பிரச்சனை சூழ்ந்த ஒரு நிலைமையை கொண்டு வந்து விட்டார்கள்.
• இப்போது தமிழ்நாட்டில் நடக்கும் மிகவும் அருவருக்கத்தக்க ஒரு விடயத்தை,பெண்கள் ஆண்களுக்கு நிகரானவர்கள், ஆதலால் ஆண்களைப் போல் ,எந்நேரத்திலும் எங்கும் அவர்கள் நினைத்தபடி சுற்றலாம் என்று போதிக்கும் இந்த பெண் சமத்துவ இயக்கத்தோடு தொடர்பு படுத்தலாம் .காம வெறியில் அலையும் ஆண்கள் ,இப்படி எங்கு பார்த்தாலும் எளிதாக சுற்றிக் கொண்டிருக்கும் பெண்களை, வயது வேறுபாடு பார்க்காமல், பாட்டிகள், இளம் சிறுமிகள் போன்றவர்களை கூட தன் இச்சைக்கு பலியாக்குவது தற்போது மிக சாதாரணமாகிவிட்டது. 
• அது போதாது என்று தன் காமவெறியை தீர்த்துக் கொள்ள பெற்ற மகளையே பலியாக்கும்  ஒரு கொடூரம் வேறு இப்போது அரங்கேறிக்   கொண்டிருக்கிறது. இந்த மாதிரி ஒரு அறமற்ற தீய எண்ணம் தமிழர் பண்பாட்டில்  வருவதற்கு எந்த வித இடமும்  இல்லை .ஆனால்,அதை மீறி  வந்திருக்கிறது என்றால் அதற்கு என்ன காரணம்? குடும்பத்து பெண்களிடம் கூட  உன்னுடைய காமப் பசியை தீர்த்துக் கொள்ளலாம் என்ற கொடூரமான எண்ணம் தமிழ் சமூகத்தில் எப்படி நுழைந்தது ?ஆய்ந்து பார்த்தால் இதற்கு காரணம் என்ன  என்பது தெரிய வரும், தமிழ்நாட்டில் வாழும் வேறு மொழி பேசும்  சிறுபான்மையினர்,அவர்தம் பண்பாட்டு கூறுகளை ,மெதுவாக ,அவர்கள்  கட்டுப்பாட்டில் உள்ள  அச்சு மற்றும் ஒளி ஊடகங்கள் வழியாக திணித்துக் கொண்டிருக்கிறார்கள்.அப்படி ஒரு   இனத்தின் தலைவர்' உனக்கு காம இச்சை வந்து விட்டால் , நீ உன் அக்காவுடன், தங்கையுடன் வீட்டில் உள்ள எந்த பெண்களிடம் உறவு கொண்டு தீர்த்துக் கொள் 'என்று சொல்லி இருக்கிறார் என ஒரு பொய் பிரச்சாரம் தமிழக ஊடகங்களில் செய்யப்படுகிறது. யாரும் இப்படி நிச்சயமாக சொல்லி இருக்க முடியாது.அந்த அளவுக்கு தரம் தாழ்ந்த ஒருவர் எப்படி தலைவராக இருக்க முடியும்?ஆனால், பிரச்சனை அதுவல்ல .இப்போது அவர் சொல்லியிருக்கிறாரா இல்லையா என்பது  முக்கியமில்லை. பிரச்சனை என்னவென்றால், அப்படி ஒரு தீய எண்ணத்தை அது தமிழக பண்பாட்டில் விதைத்து விட்டது என்பதுதான் .வீட்டில் இருக்கும் சொந்த மகளை ,அக்காவை, தங்கையை, ஏன் அம்மாவை கூட காமப்  பார்வை பார்க்க சொல்லி,அது தவறில்லை என்று ஒரு தீய எண்ணத்தை அது விதைத்து விட்டது. அந்த தீய எண்ணத்தை பலப்படுத்துவது போல் ,தமிழ்நாட்டில் படங்கள் எடுக்கும் அவர்கள் (இனத்தால் தமிழர் அல்லாதவர்கள்), இந்த எண்ணத்தை திரைப்படங்கள் வழியாக பரப்புகிறார்கள். எடுத்துக்காட்டாக ,அக்கா மாதிரி இருக்கும் கௌதமியை பார்த்து , ஒரு குட்டி பையன்' சிக்கு புக்கு ரயிலே ,கலக்குது பார் இவ ஸ்டைலே ' என்று பாடும்படியான  ஒரு காட்சி. அதுபோல பாட்டிமார்கள் எல்லோரும் சேர்ந்து அருவி கரையில் காம கவர்ச்சியோடு ஆடுவது போல ஒரு காட்சி .மாணவர் தன் ஆசிரியையை காமக்கண்ணோடு பார்ப்பது போல ,ஆசிரியர் தன் மாணவியை காமக்கண்ணோடு பார்ப்பது போல, இளம் சிறார்கள் எதிர்பாலரை கா ம கண்ணோடு பார்ப்பது போல, இப்படி எல்லாம் காட்சிகள் அமைக்கிறார்கள். குறிப்பாக ,மலையாள திரைப்பட இயக்குநர்கள்  மற்றும் கதாசிரியர்கள் இப்படி பல திரைப்பட  காட்சிகள் அமைக்கிறார்கள் . தமிழர் அல்லாதவர்கள் இப்படி கேவலமாக படங்கள்  எடுத்து,தமிழ் நாட்டில்  பரவலாக்குகிறார்கள்.
• இவ்வளவு ஒரு கேவலமான நடத்தை தமிழர்களின் அற பண்பாட்டில் எந்த காலத்திலும்  இருந்தது இல்லை.ஆனால், இப்போது பெற்ற மகளையே கற்பழிக்கும் குற்றம் நடக்கிறது என்றால் அதற்கு நிச்சயமான காரணம் இதுதான் என்பதை நாம் உணரலாம்.தன் காம வெறியை தீர்த்துக் கொள்ள குடும்பத்திற்குள்ளே ஒரு எளிய வழி கண்முன்னே  இருக்கிறது என்ற கேவலமான ஒரு எண்ணத்தை இது பலமாக விதைத்து விட்டது.                                                                                                                                                    மேற்கண்ட கொடுமைகளிலிருந்து தமிழர்கள் தங்களை காத்துக் கொள்ள வேண்டுமானால்,தமிழர்கள் தங்களுடைய அறவாழ்வுக்கு பழையபடி திரும்ப வேண்டும். தந்தை வழி சமூகத்தை பலப்படுத்த வேண்டும். அதற்கு எதிரான ஆட்சியை விரட்டி அடித்து விட்டு, தமிழர் தலைவர்களை ஆட்சிக்  கட்டிலில் அமர்த்த வேண்டும். அப்படி செய்தால் தான் தமிழ் சமூகம் இந்தக் கொடுமைகளிலிருந்து பிழைக்கும், என்பது தமிழ் ஆர்வலர்கள் கருத்து.