தமிழ் இனத்தில் மட்டும் ஏன் தமிழரசன் ,தமிழ்ச்செல்வி போன்ற பெயர்கள் உள்ளன?

 தமிழன் என்றோர் இனமுண்டு!தனியே அவற்கொரு குணமுண்டு!என்று நாமக்கல் கவிஞர் இராமலிங்கனார் பாடினார். உண்மைதான். தமிழர்கள் என்றால் அவருக்கு தனியே சிறப்பான பல குணங்கள் உண்டு. அன்பே அவர்கள் வழி !அமுதே அவர்கள் மொழி !என்றார் அதே கவிஞர். எல்லா உயிருக்கும் அன்பு காட்டுவது, பிறப்பொக்கும் எல்லா உயிர்க்கும் என்று சொன்ன ஒரே இனம் தமிழினம் தான்! அவர்கள் தமிழ் மொழி  மேல் கொண்ட பற்று ஈடற்றது .தமிழ் அவர்களுக்கு வெறும் பேச்சு அல்ல ,அது மூச்சு என்று சொல்லுவார் சீமான். தமிழை மூச்சாக கொண்ட தமிழர்கள், அதை தங்கள் பெயர்களிலும் வெளிப்படுத்துகிறார்கள் என்பதை நாம் வெளிப்படையாகவே காணலாம் .வேறு எந்த மொழி சார்ந்தவரும் அந்த மொழியை வைத்து அவர்கள் பெயரை வைப்பதில்லை. எடுத்துக்காட்டாக ,மலையாளம் பேசும் ஒருவன் ,மலையாள சேட்டா என்று பெயர் வைப்பது இல்லை. தெலுங்கு பேசும் ஒருவன் தெலுகுகொடுக்கு( தெலுங்கு மகன்)என்று பெயர் வைப்பது இல்லை .ஆங்கிலம் பேசும் ஒருவன் 'சன் ஆப் இங்கிலீஷ்' என்று பெயர் வைப்பது இல்லை. ஆனால், தமிழர்கள் மட்டும் தமிழ் மகன்,தமிழரசி, தமிழரசன், தமிழ்ச்செல்வன், தமிழ் இனியன், செந்தமிழன் என்றெல்லாம் பெயர் வைப்பதை பார்க்கிறோம். இது தமிழ் மொழிக்கு ஒரு சிறப்பு என்று நாம் ஒருபுறம் கருதினாலும், இவ்வாறு பேர் வைப்பதற்கு பின்னால் ஒரு பெரிய அரசியல் ஒளிந்து இருக்கிறது என்பதை கூர்ந்து பார்த்தால் தான் தெரியும்.

அது என்ன அப்படி ஒரு அரசியல், இந்த பெயர்கள் பின்னால் ஒளிந்திருக்கிறது? என்று நீங்கள் கேட்கலாம் .இந்த மாதிரி பெயர்கள் வைப்பவர்கள் பின்னணியை ஆராய்ந்து பார்க்க வேண்டும் .அப்படி பார்க்கும்போது உங்களுக்கு ஒரு பெரிய உண்மை தெரியும் தெரியவரும்.

தமிழினத்தின் தொல்குடிகள் என்று பார்த்தால் யார் யாரை குறிப்பிடலாம்?

• பறையர் 
• பள்ளர் 
• தமிழ் வன்னியர் 
• முக்குலத்தோர் 
• சாணார் 
• கோனார் 
• முதலியார்
• தமிழ் செட்டியார் 
• கௌண்டர் 
• இது போல சில 

நீங்கள் உற்று நோக்கினால் ,தமிழரசன், தமிழ்ச்செல்வி போன்ற பெயர்களை  இந்த தமிழ்க்  குடிகள் பொதுவாக வைப்பதில்லை. ஊரறிந்த பார்ப்பானுக்கு பூணூல் எதற்கு? என்று சொல்வது போல இவர்கள் யாரும் நாங்கள் தமிழர்கள் என்று பெருமையாக தம்பட்டம் அடிப்பதில்லை. அப்படி என்றால் யார் யார் ,பொதுவாக இப்படி தங்கள் பெயரை தமிழை போற்றும் பெயர்களாக வைக்கிறார்கள் என்று ஆராய்ந்து பார்த்தால் ,உங்களுக்கு ஒரு பெரிய உண்மை வெளியே தெரிய வரும்.

 நம் அருகில் இருக்கும் மற்ற மாநிலங்களில் ,அந்த மாநிலத்தின் இனம் அல்லாதவர்கள், அந்த மாநிலத்திற்குள் புகுந்து ,அவர்கள் அடையாளங்களை திருடி அவர்களை ஆள்வதற்கு முயற்சிப்பதில்லை.எடுத்துக்காட்டாக, கேரளாவில் ஒரு தெலுங்கர் உள்ளே நுழைந்து மலையாள பெயர் வைத்துக்கொண்டு ,எவ்வளவு காலம் வாழ்ந்தாலும், கேரள மக்கள் அவர்களை அடையாளம் கண்டு கொண்டு ,மாநில அரசியலுக்கு வர முயற்சித்தால் ,அவர்களை தனியே பிரித்து வைத்து விடுவார்கள். அவர்களை ஒருபோதும் கேரளாவை ஆள விட மாட்டார்கள். ஆதலால், அப்படி ஒரு அடையாள திருட்டு முயற்சியை , கேரளாவில் தெலுங்கர்கள் எடுக்க மாட்டார்கள். ஆனால், தமிழர்களை பொருத்தவரையில், அவர்கள் தமிழ்நாட்டில் உள் வரும் எல்லா மக்களையும், இருகரம் கூப்பி வரவேற்று ,அவர்களும் ஒரு பக்கம் வாழ்ந்து விட விட்டுப் போகட்டுமே,என்ற  ஒரு பெரிய அன்புடன், மாண்புடன் அவர்களை உள்ளே அனுமதிப்பார்கள். 

அப்படி வெளியே இருந்து வந்த பல சாதிகள், தமிழர்களின் அன்பையும் மாண்பையும் ஒரு ஏமாளித்தனமாக எடுத்துக்கொண்டு, அவர்களை ஆள்வதற்கு முயற்சி எடுத்தார்கள். தமிழர் அடையாளங்களை மெல்ல மெல்ல திருடி,அதைக் கொண்டு அரசியல் லாபம் பெற, பல  உத்திகள்  கையாண்டார்கள் .அதில் ஒன்றுதான் இந்த உத்தி.அது என்னவென்றால், அவர்கள் பெயர்களுடன், தமிழரசன், தமிழ் மகன், தமிழ்ச்செல்வி போன்ற பெயர்களை சேர்த்து ,அவர்கள் தமிழர்கள் தான் என்று ஒரு எண்ணத்தை பொதுவெளியில் உருவாக்கினார்கள் .இதனால், அவர்கள் தமிழர்களாகவே  கருதப்பட்டு, பின்னால் அரசியல் வாழ்க்கையில் ,அவர்கள் எளிதாக கோலோச்சி  கொண்டு, தமிழர்களை ஆண்டு அனுபவிக்க ஒரு வழியை அவ்வாறாக  உண்டாக்கினார்கள். பொதுவாக, இந்த பெயர்கள் யாருக்கு வைத்திருப்பார்கள் என்றால்,  அவர்களைப் பார்த்த உடனே அவர்கள் தமிழர்கள் அல்ல என்ற ஒரு சந்தேகம் வரும் சில சாதிகள் தமிழ்நாட்டில் இருக்கிறார்கள் .எடுத்துக்காட்டாக, தமிழர்களின் பொதுவான நிறம் கருப்பு அல்லது மாநிறம் என்று சொல்வார்கள் .அப்படி இல்லாமல் வெளு வெளு வென்று ஒருவர் தமிழ்நாட்டில் வந்து 'நான் தமிழன்' என்று சொன்னால், நாம்  நம்புவதற்கு தயங்குவோம் .அந்த தயக்கத்தை போக்குவதற்கு,அவர்கள் தங்கள் பெயரிலேயே, தமிழ்ச்செல்வன், தமிழ்ச்செல்வி, தமிழரசன் போன்று வைத்துக் கொள்கிறார்கள்.

இராஜராஜ சோழன் தமிழ்நாட்டை ஆண்ட போது, தமிழ்நாட்டின் வேளாண் நிலங்களை மேலாண்மை செய்வதற்காக, ஒவ்வொரு பெரிய துண்டுகளுக்கும் ஒரு நிலக்கிழார் இருந்தால் நன்றாக இருக்கும்  என்று எண்ணினார். ஆதலால், அதற்காக குஜராத் பகுதியில் இருந்து, குறிப்பாக ராஜ்கோட் போன்ற பகுதிகளிலிருந்து குஜராத்திகளை தமிழ்நாட்டுக்கு கொண்டு வந்தார் என்று சொல்லப்படுகிறது .அவர்களுக்கு பெரும் பெரும் நிலத்துண்டுகளை கொடுத்து ,அதை மேலாண்மை செய்யும்படியாக பணித்தார். அவர்கள்  எல்லோரும் வெண் தோல் கொண்டவர்கள் . பார்த்தவுடன் ஒரு பார்வையில் ,தமிழர்கள் போல இல்லாமல் இருந்தார்கள். அவர்களை வேளாளர்கள் என்று அழைத்து ,அவர்களுக்கு தமிழ் பெயர் சூட்டி, தமிழில் மிகவும் பற்று கொண்டவர்களாக காட்ட ஆரம்பித்தார்கள். அப்படி பல வேளாளர் குடும்பங்கள், அவர்கள் பெயர்களில் , தமிழ்ச்செல்வன், தமிழ்ச்செல்வி போன்ற பெயர்களை வைத்துக் கொண்டார்கள் என்று சொல்லப்படுகிறது. ஆக ,தமிழ்நாட்டின் தொல்குடிகளில் காணப்படாத இந்த மாதிரி பெயர்கள் , இப்படி வெளியே இருந்து தமிழ் சமூகத்தில் ஊடுருவிய சாதிகளின் இடையே பரவலாக காணப்படுகிறது என்பதே  ஆராய்ச்சியாளர்கள் கருத்து .இதை நிறுவும் வண்ணமாக, சங்க காலத்தில் ,இப்படியான பெயர்கள் எதுவுமே இருந்ததில்லை என்ற உண்மை கை கொடுக்கிறது.இனியன் சம்பத் என்று அழகான தமிழ் பெயர் இருக்கிறது என்று பார்த்தால் அவர் ஒரு தெலுங்கு நாயுடு! தமிழச்சி தங்க பாண்டியன் என்ற அழகான ஒரு தமிழ் பெயர் இருக்கிறது என்று பார்த்தால் அவர்களின் பின்புலம் தெலுங்கு என்பதை கண்டுபிடிக்கலாம் .லோகேஷ் தமிழ்ச்செல்வன் என்று ஒரு அமைச்சர் விஜய் அமைச்சரவையில் இருக்கிறார். அவர் தமிழர் என்று நீங்கள் எண்ணினால் அது தவறு. அவர் முன்னாள் சபாநாயகர் தனபால் அவர்களின் புதல்வன் .அப்படி என்றால் அவர் தெலுங்கு அருந்ததியர் சாதியை சேர்ந்தவர்.தமிழன் பிரசன்னா என்று பெயர் இருக்கிறது. விஜய் தமிழன் பார்த்திபன் என்று தற்போது ஒரு அமைச்சர் உள்ளார்.அதையும் ஆராய்ந்து பார்க்க வேண்டும் .இவ்வாறாக ,அரசியல் லாபத்திற்காக இதுபோன்ற பெயர்கள்  தமிழ்நாட்டில் அதிகமாக காணப்படுகிறது என்பது மொழி ஆராய்ச்சியாளர்கள் கருத்து.

இப்படியான பெயர்கள், தமிழ் மீது,தமிழர்கள்  கொண்ட பற்றினால் மட்டும்  தான் என்ற தவறான எண்ணத்தை இந்த கண்டுபிடிப்பு தகர்த்து எறிகிறது என்பது உண்மை.

இம்முறை 1.5 கோடி பரையர்+ தே.குல வேளாளர் வாக்குகள் நாம் தமிழர் கட்சிக்கு தானா ?

தமிழ்நாட்டில் தற்போது பட்டியல் இனத்திற்கு 18%  கல்வி மற்றும் அரசு வேலை வாய்ப்புகளில் இட ஒதுக்கீடு வழங்கப்பட்டு வருகிறது இந்த 18 % ல்  அருந்ததியர் என்ற தெலுங்கு சாதியினருக்கு 3% உள் ஒதுக்கீடு தரப்படுகிறது. அதை தவிர மீதி உள்ள 15 % இடங்களில்,ஆதி தமிழ் குடிகளான ,பரையர் மற்றும் தேவேந்திர குல வேளாளர் மக்களுக்கு எந்தவிதமான உள் இட ஒதுக்கீடும்  கிடையாது. அந்த இடங்களிலும் தெலுங்கு அருந்ததியர்களுக்கு மேலதிகமாக முன்னுரிமை வழங்கப்படுகிறது.

அருந்ததியர்களுக்கு உள் ஒதுக்கீடு  எவ்வாறு கணக்கிடப்படுகிறது என்பதை ஒரு எடுத்துக்காட்டு மூலம் விளக்கலாம்:

1. மொத்த பட்டியல் இனத்தவருக்கு இட ஒதுக்கீடு = 30 இடங்கள் 
2. அதில் அருந்ததியர்களுக்கு 3% (3/18=1/6)                  = 05 
3. அது போக மீதம் இடங்கள்                                           = 25 
4. அந்த 21 இல் அருந்ததியர்களுக்கு முன்னுரிமை =22
5.  மீதமுள்ள இடங்கள்                                                         =03                                     

இந்த 3 இடங்களை 1.5 கோடி பரையர்+ தேவேந்திர.குல வேளாளர் மக்கள் தாராளமாக பங்கிட்டு கொள்ளலாம். இந்த முறையை முத்தமிழ் அறிஞர் கலைஞர் அவர்கள் கொண்டு வந்தார்கள். தற்போதைய அரசு, அதை முற்றிலும் ஆதரித்து,2026 ல் வெற்றி பெற்றால், அருந்ததியருக்கான அந்த  உள்ஒதுக்கீட்டை 3% லிருந்து 6%  ஆக்குவதாக வாக்கு கொடுத்திருப்பதாக செய்திகள் வந்திருக்கிறது.

இந்த 3% உள் ஒதுக்கீடு  மற்றும் முன்னுரிமை விதி காரணமாக, கிட்டத்தட்ட 90 % இடங்கள் அருந்ததிய மக்களுக்கு சென்று விடுகின்றன என்று புள்ளி விவரங்கள் சான்றளிக்கின்றன. இதன் காரணமாக,தமிழ்  1.5 கோடி பரையர்+ தே.குல வேளாளர்  மக்களுக்கு ஒரு இடமும் கிடைப்பதே இல்லை என்ற ஒரு பெரும் குறை உள்ளது .விடுதலை சிறுத்தைகள் கட்சி,இதை  பேரளவில் இதை எதிர்த்து நீதிமன்றம் சென்று முறையிட்டார்கள் .அது உச்ச நீதிமன்றம்  வரை சென்று, உள் ஒதுக்கீடு செல்லும் என்று தீர்ப்பாகி விட்டது.முன்னுரிமை விதியை பற்றி அந்த தீர்ப்பில் என்ன சொல்ல ப்பட்டிருக்கிறது என்று தெரியவில்லை.

இந்த சூழ்நிலையில் தான் நாம் தமிழர் கட்சியினர்  நாங்கள் ஆட்சிக்கு வந்தால், தமிழ் குடிகளான 1.5 கோடி பரையர்+ தே.குல வேளாளர்களுக்கு  நியாயம் கிடைக்க வேண்டும் என்ற அடிப்படையில் அவர்களுக்கு, உள் ஒதுக்கீடு 5% தரப்படும் எனவும் , அருந்ததியர்களுக்கு மீதமுள்ள இடங்களில் முன்னுரிமை என்ற விதி நீக்கப்படும் என்றும்  அறிவித்திருப்பதாக சொல்லப்படுகிறது.

இதைத் தவிர தமிழ்நாட்டில் இயங்கும் தனியார் நிறுவனங்கள் எல்லாவற்றிலும் ஆதி தமிழ் குடிகளுக்கு  இட ஒதுக்கீடு வழங்கப்படும் என்றும் தங்களது தேர்தல் வரைவு செயல்பாட்டில் கூறியிருக்கிறார்கள்.

இதோ ,ஆதித்தமிழர்களுக்கு நாம் தமிழர் கட்சியின் வாக்குறுதிகள்:

வரைவு செயற்பாட்டு பக்கம் 297 லிருந்து நாம் தமிழர் கட்சி,ஆட்சிக்கு வந்தால், ஆதித்தமிழர்களுக்கு என்னென்ன செய்வார்கள் என்று பட்டியலிட்டு இருக்கிறார்கள். 

இதோ அதன் சுருக்கம்:

1. தற்போது ஆதிதிராவிடர் என்று அழைக்கப்படும் மக்களை, ஆதி தமிழர் என்று பெயர் மாற்றம் செய்யப்படும்.
2. ஊர், சேரி என்ற  இரட்டை வாழ்விடங்களை ஒழித்து ஒன்றான பொது வாழ்விடமாக மாற்றப்படும் .பொது மயான கட்டமைப்பு உண்டாக்கப்படும்.
3. ஆதித்தமிழர் ஜனத்தொகைக்கு ஏற்ப கல்வியிலும் வேலை வாய்ப்புகளிலும்  இடப்பகிர்வு  கொடுக்கப்படும். நிதி பகிர்வு அவர்கள் ஜனத்தொகைக்கு ஏற்ப இருக்கும்.அவர்களுக்காக ஒதுக்கப்பட்ட நிதி முற்றிலும் அவர்களுக்காகவே செலவழிக்கப்படும்.
4. பிரிட்டிஷ் அரசாங்கம் கொடுத்த 12 லட்சம் ஏக்கர் பஞ்சமி நிலங்களை அபகரித்தவர்களிடமிருந்து மீட்டு, சட்டவழியில்  அதை உரியவர்கள் கைகளுக்கு சேர்ப்போம் .இதை உறுதியோடு செய்வோம்.
5. அரசு கோயில் நிலங்கள் கணக்கெடுக்கப்பட்டு,தொல் குடிகளுக்கு அவர்கள் ஜனத்தொகைக்கு ஏற்ப பங்கு கொடுக்கப்படும் .அது போல். கோயில் வணிக நிறுவனங்களிலும் பங்கு கொடுக்கப்படும்.
6. சாதி எதிர்ப்பு போராட்டத்தில் பலியானவர்களை ,சமூக போராளிகள் என்று அழைத்து , அவர்கள் குடும்பத்திற்கு அரசு வேலையும், இழப்பீடும் கொடுக்கப்படும்.
7. தாட்கோவுக்கு பதிலாக அயோத்திதாசர் பெயரில் குவையம் அமைக்கப்படும்.
8. அரசு ஒப்பந்தங்கள்,ஏரி மீன் ஏலமிடல், மரவிளைச்சல், வணிக வளாகங்கள் ,இவைகள் எல்லாவற்றிலும் ஆதி தமிழர்களுக்கும் தொல்குடியினருக்கும் இடப்பகிர்வு  அளிக்கப்படும்.
9. 
   
   
10. எல்லா சமூகத்தினர் தங்குவதற்கும் பொது விடுதி அமைக்கப்படும்.
11. பட்டியல் சமூகத்தினர் இடப்பங்கீட்டில் அருந்ததியர்களுக்கு உள் ஒதுக்கீடு செய்வது சரியல்ல. தேவைப்பட்டால் ,அவர்களுக்கு உரிய பங்கீடு பொது ஒதுக்கீட்டில் இருந்து வழங்கப்படும்.
12. தேவேந்திர குல வேளாளர் சமூகத்தின் கோரிக்கையான பட்டியல் பிரிவிலிருந்து அகற்றம் என்பது அரசாணை மூலம் உடனே நிறைவேற்றப்படும்.
13. ஆணவக் கொலைக்கு எதிராக வாக்குறுதிகள்:                                                           
    
    
    

14.பள்ளிகளில் சேரும் போது மாணவரின் தாய் மொழியை பதிவு செய்ய வேண்டும் என்பது கட்டாயமாக்கப்படும்.

ஆதிதமிழர்கள் மதம் மாறினாலும் அவர்களுடைய சலுகைகள் பாதிக்கப்படாது.

15.ஆதி தமிழர்களுக்கு தனியார் துறைகளிலும் இட பகிர்வு அளிக்க வேண்டும் என்று அரசு ஆணை இடப்படும்.

சீமானுக்கு தமிழ்நாட்டு பட்டியல் இனத்தவர் பெரும் ஆதரவு!

மேற்கண்ட தேர்தல் வாக்குறுதிகள் தவிர, நாம் தமிழர் கட்சியினர், பொதுத் தொகுதியில் 6 பட்டியலின வேட்பாளர்களை  நிறுத்தி,அவர்கள் தேர்தல் வாக்குறுதிகள் மேல் ஒரு பெரிய நம்பிக்கையை உருவாக்கி இருக்கிறார்கள் . விடுதலை சிறுத்தைகளின் தலைவர் அண்ணன் திருமா அவர்கள்' பரை யர் என்று சொல்லிக்கொண்டு யாரும்  இங்கு வரக்கூடாது' என்று சொல்லி,ஒரு கோடி படையர்களை பரையர்களின் வாக்குகளை உதறித் தள்ளி இருக்கிறார்கள் .ஆதலால் ,பரையர்கள் மற்றும் தேவேந்திர குல வேளாளர், இந்த முறை பெருமளவில் அண்ணன் சீமானுக்கு வாக்களிப்பார்கள் என்று அரசியல்  ஆய்வாளர் ரவீந்திரன் துரைசாமி அவர்கள் தெரிவிக்கிறார்கள். அது நம்பும்படியாக இருக்கிறது. இதை முறியடிக்க வேண்டுமானால், அண்ணன் திருமா அவர்கள் தங்கள் கட்சிக்கு,திமுக தலைமையிடம் குறைந்தது 10 தொகுதிகள் கேட்க வேண்டும் .சில பொதுத் தொகுதிகளில் பட்டியலின  வேட்பாளர்களை நிறுத்த வேண்டும் .அப்படி செய்தால் தான் நாம் தமிழரை இந்த தேர்தலில்  முறியடிக்க முடியும் என்பது தேர்தல் பார்வையாளர்கள் கருத்து.

இந்தியர்கள் , சின்ன சின்ன காரணத்திற்கு கூட ` உடனே சண்டை போடுவது ஏன் ?

 

                                                (படத்திற்கு நன்றி: பிக்ஸ்சாபை)

இந்தியர்கள் ஒரு சின்ன காரணத்திற்கு கூட  உடனே சண்டை போடுவது, உடனே அதை காணொளியாக பதிவு செய்து எதிராளியை அவமானப்படுத்துவது,மற்றவர்கள் துன்பத்தில் இன்பம் காண்பது, அவர்களுக்கு இவர்களிடம் ஏதாவது வேலை என்றால் முடிந்த அளவு இழுத்து அடிப்பது போன்றவை எதைக் குறிக்கிறது ?ஆங்கிலத்தில் SADISM என்று சொல்லப்படும் இந்த மன நிலை ஏன் இந்தியர்களிடம் அதிகம் காணப்படுகிறது?என்ன உளவியல் இந்தியர்களை மட்டும் இப்படி செய்யத் தூண்டுகிறது?

உனக்கு துன்பம் என்றால் அது எனக்கு இன்பம்!

ஒரு முறை சிங்கப்பூர் சுற்றுலா சென்றிருந்தோம். அங்கு முன்பின் தெரியாத சிங்கப்பூர் வாசிகள் எல்லோரும் எங்களுடன் சிரித்து பேசினார்கள். பல சீனர்கள் தமிழை கொஞ்சி கொஞ்சி, அழகாக,ஆனால் கஷ்டப்பட்டு முயற்சி எடுத்து, எங்களிடம் பேசினார்கள் .'அண்ணாச்சி வாங்கோ ! இங்கே உட்காருங்கோ ' என்றெல்லாம் அழகாக பேசினார்கள் .அவர்களுக்கு நாங்கள் வேறு நாட்டவர் என்பது நன்றாக தெரியும் ,ஆனால் ,அவர்களுக்கு எங்கள் மீது  எந்தவித வெறுப்பும் இல்லை. மாறாக எங்களை மிகவும் அன்புடன் நடத்தினார்கள் .ஏன் இந்தியாவில் மட்டும் ,புதிதாக காணும் யாரும்  நம்மிடம் சிரித்து பேசுவதில்லை? அவர்களை  வியாபார நோக்கில் நாடினால் கூட, அந்தப் பணம் நம்மிடமிருந்து கிடைக்க, எந்த அளவு குறைவாக பேச முடியுமோ  அந்த அளவு தான் பேசுகிறார்கள்! எடுத்துக்காட்டாக, நேற்று  என்னுடைய கார் சக்கரம் காற்று இறங்கி ,அதை சரி செய்ய சென்றேன். அந்த சரி செய்தவரிடம் நான் என்ன பேசினாலும் ,பதிலுக்கு அவர்  ஒன்றுமே சொல்லவில்லை !அவர்  பாட்டுக்கு  வேலை செய்து கொண்டிருக்கிறார் ! இது எதனால் ஆயிற்று? என்று கேட்டாலும் ஒன்றும் பதில் இல்லை !என்னிடம் வியாபாரத்தை எதிர்பார்க்கும் அவர்  ஏன் என்னிடம் பேச கூட தயங்க வேண்டும்? இன்னொரு சம்பவம் .எதிர் வீட்டு நபர் ,நான் சிரித்தாலும் சிரிக்க மாட்டார்.ஐந்து வருடத்திற்கு முன்னால் நாங்கள் புதிதாக இந்தத் தெருவுக்கு குடி வந்தோம். வீடு புகு மனை விழாவிற்கு அழைத்த போதும் வரவில்லை .ஒரு நாள் ,அவருக்கு வர வேண்டிய ஆதார் அட்டையை  தவறுதலாக என் வீட்டில் தபால்காரர் போட்டு விட்டு சென்று விட்டார். எனக்கு எதிர் வீட்டுக்காரர் பெயர் கூட தெரியாது. ஆதலால் ,வேறு யாருடையதோ என்று எண்ணி,அந்த ஆதார் அட்டையில் இருந்த அலைபேசி எண்ணை அழைத்து ,உங்களுடைய ஆதார்  அட்டை எங்கள் வீட்டில் தவறுதலாக போட்டிருக்கிறார்கள் .உங்கள் வீடு எங்கே இருக்கிறது? வந்து வாங்கிக் கொள்ள முடியுமா? என்று கேட்டேன். நான் வெளியே இருந்து பேசியதால் எதிர் வீட்டுக்காரர் பதில் பேசியது எனக்கு இங்கிருந்து  தெரிந்தது. 'ஆஹா !இவர் ஆதார் அட்டை தான் போல் இருக்கிறது என்று நினைத்துக் கொண்டேன்'. உடனே எடுத்துக்கொண்டு அவரிடம் கொண்டு போய் நீட்டினேன். அவர் நன்றி சொல்வார் என்று எதிர்பார்த்தேன். பதிலுக்கு அவர் சொன்னது எனக்கு அதிர்ச்சியாகி விட்டது.' இந்த தபால்காரன் அதை ஏன் உங்கள் வீட்டில் போட்டான்? 'என்று ஒரு எரிச்சலான கேள்வி!

சரி ! இவர் ஏன் நன்றி சொல்வதற்கு, பதில் இப்படி சொல்ல வேண்டும்?ஒரே இ னத்தில் உடன்  வாழும் மக்கள் இப்படி  நடந்து கொள்வதெல்லாம் எதை காட்டுகிறது?ஒருவரை ஒருவர் அறவே வெறுக்கும் ஒரு சமூகத்தில் நாம் வாழ்கிறோம் என்பதைத்தான் அது தெளிவாக காட்டுகிறது . ஒரு அவசர தருணத்திற்கு கூட மகிழ்ச்சியாக பேசுவதற்கு தயங்கக்கூடிய மக்கள் இருக்கும் ஒரு சமூகத்தில் நாம் வாழ்ந்து கொண்டிருக்கிறோம் என்பதைத் தான் காட்டுகிறது இது.யாரிடமும் என்ன பேச வேண்டும் என்றாலும் பயமாக இருக்கிறது.தவறு செய்யும் சிறுவரைகூட அதை சுட்டிக்காட்டி  திருத்த முயன்றால் அவர்கள் உடனே முறைக்கும் நிலையை கண்கூடாக காண்கிறோம்.எதற்கும் உடனே சண்டைக்கு வந்து விடுகிறார்கள் என்பது ஒரு பொதுவான புகார். 

இதற்கு அடிப்படை காரணம் தான் என்ன?

இதற்கு அடிப்படை காரணம் என்ன ?வேறு எந்த நாட்டிலும் இது நடப்பதில்லையே !ஜெர்மனியில் விமான நிலையத்தில் நாம் புதிதாக காணும் ஜெர்மனியர்கள் நம்மைப் பார்த்து  புன்னகைத்து, வாழ்த்தி விட்டுப் போகிறார்கள் .ஏன் நம் நாட்டில் மட்டும் எப்படி நடக்கிறது என்று கேட்டால் உண்மையான காரணத்தை இந்தியர்கள் யாரும் சொல்ல மாட்டார்கள் .பல இந்தியர்களுக்கு அது தெரியாமலும் இருக்கலாம் அல்லது அவர்கள் உணராமலும்  இருக்கலாம்.

வெளிநாட்டவரின் பார்வை!

ஒரு வெளிநாட்டு பார்வையாளர்,இந்தியாவில் வந்து சில வருடங்கள் தங்கி இருந்து இந்திய சமூக முறையை ஆராய்ச்சி செய்தார். உண்மையான காரணங்களை அவர் ஆழமாக  அலசி சொல்லும் போது, இவ்வாறாக இருக்கிறதா என்று நாம் வியப்படைகிறோம்.முதலில் அவர் என்ன சொல்கிறார் என்று பார்ப்போம்.இந்து மதத்தில் பிறந்த ஒவ்வொருவரும் பிறந்த உடனே இன்னொரு சாதிக்காரனுக்கு எதிரியாக பிறந்து விடுகிறான் என்கிறார் அவர்!ஏனென்றால் ஒன்றிலோ ,அந்த சாதிக்காரனுக்கு, இவன் மேல் சாதி அல்லது கீழ் சாதி! எப்படி என்றாலும் எதிரிதான்!இரு நபர்கள் சமமாக இருந்தால் தான் இருவரும் நண்பர்களாக முடியும் .மேலாக இருந்தால் அவன் முதலாளி! கீழாக இருந்தால் அவன் அடிமை! இப்படி பொதுவாக இங்கு பிறக்கும் ஒவ்வொரு இந்தியனும் ,பிறந்த உடனேயே காரணமே இல்லாமல், அவன் பிறந்த சாதியின் அடிப்படையில், இன்னொருவனுக்கு தன்னாலே எதிரியாகி விடுகிறான்! ஆதலால், பார்க்கும் போதே இயல்பாகவே ஒரு சிரிப்பு இருக்காது .வராது .ஒரு முறைப்பு தான் இருக்கும் !எப்படி சண்டை போடலாம் என்று தான் எப்போதுமே அவர்கள் இருவருடைய மனநிலையும் இருக்கும்.இந்த நிலையில் ஒரு சின்ன பொறி தட்டினால் போதும்! உடனே அது பெரும் பிழம்பாய் மாறி,ஒரு பெரிய சண்டையாகி,தென் மாவட்டங்களில் குறிப்பாக நெல்லை மாவட்டத்தில் கொலை வரை போய்விடும்!தென்காசி அருகே ஒருவர் அவருடைய சின்ன சரக்கு வாகனத்தை சாலையின் ஓரத்தில்  நிறுத்திவிட்டு பக்கத்துக் கடையில் டீ குடிக்க சென்றார். அவர் திரும்பி  வந்து பார்க்கும்போது ,அவர் வண்டிக்கு நேர்  முன்னாக இன்னொருவர் வாகனத்தை நிறுத்தி விட்டு எங்கோ  சென்று விட்டார் .இதனால் ,இவரால் வண்டியை எடுக்க முடியவில்லை. அவர் வரும் வரை இவர் காத்திருக்க வேண்டி இருந்தது. வந்தவுடன் கோபத்தில், ஏன் இப்படி நிறுத்தி விட்டு சென்றீர்கள்? என்று கேட்க ,அவர் பதிலுக்கு ,ஏன் என்று சொல்கிறேன் என்று ஒரு கத்தியை எடுத்து இவர் வயிற்றில் நேராக குத்திவிட்டார் !உடனே  குடல் சரிந்து ,அதே இடத்தில் அவர் அதிக குருதி இழப்பால் இறந்துவிட்டார்! ஒரு சின்ன விஷயம். அந்த வண்டியை நிறுத்தியவர் மேல் தான் தெளிவாக தப்பு உள்ளது என்று தெரிந்தும் ,அவர் ஏன் கத்தி வைத்து இவரை குத்திக் கொல்ல  வேண்டும்?அவர் கோபத்திற்கு காரணம் ,அவர் உள்ளே குடி கொண்டிருக்கும் அந்த பயங்கரமான சாதிய ஆவி தான் !நீ என்ன  என்னை கேள்வி கேட்பது ?என்ற அந்த மனநிலை தான் அவரை இந்த குற்றம் செய்ய தூண்டியது .இதுவே உண்மையான காரணம்.ஒரு தமிழ் படத்தில் ஒரு காட்சி வரும் .ஒரு பட்டியல் இனப் பையனை, ஒரு ஆதிக்க சாதி பையன்,அடி அடி என்று அடித்து   விடுவான்.அடிபட்ட  பையன்  வீட்டிற்கு  அழுது கொண்டே வந்து ,தன் அப்பாவிடம் முறையிடுவான்.' அப்பா ,நாம்  போய் அவனை திருப்பி அடித்து விட்டு வருவோம்' என்று சொல்லுவான் .அதற்கு அவன்  அப்பா, 'அப்படி முடியாத டா கண்ணா! ஏனென்றால் ,அவன் அடிக்க பிறந்த சாதி! நாம் அடிபட பிறந்த சாதி! 'என்று கண்ணீருடன் சொல்வார்! ஒருவருடைய சாதி என்னவென்று அறிய முடியாத சமூக ஊடகங்கள் வழியாக கூட நாம் யாருடனும் நண்பராக முடியாது. உங்கள் கருத்துடன் இன்னொருவர் ஒத்து போனால் கூட உங்களை பின்பற்ற மாட்டார்கள் . சமூக ஊடகங்களில்  எதிர் கருத்து கூறியவரை உடனே தனிநபர் தாக்குதல் தான் நடத்துவார்கள். பதில் கருத்து கூற மாட்டார்கள்.ஏனென்றால், அடிப்படை காரணம் மேலே நான் குறிப்பிட்ட அதே காரணம் தான்.ஆக உண்மையான காரணம், இதை விட்டுவிட்டு ஏதோ காரணங்களை சொல்லுவார்கள். சட்டம் ,ஒழுங்கு என்பார்கள்.அது ,இது, அறியாமை என்றெல்லாம் சொல்வார்கள் .

 உண்மையான காரணத்தை எப்படித்தான் மாற்றுவது?

உண்மையான காரணத்தை மாற்ற வேண்டுமென்றால், சாதிய கட்டமைப்பு குலைய வேண்டும் .அது உடைந்தால் தான் அது மாறும். சின்ன குழந்தைகளை கூட ஆசிரியர்கள் சாதி அடிப்படையில் அடிக்கிறார்கள். வீணாக பழி போடுகிறார்கள். மதிப்பெண்களை குறைக்கிறார்கள் .சாப்பாடு டப்பாவை தூக்கி எறிகிறார்கள். இதற்கெல்லாம் காரணம் இந்த சாதி மனப்பான்மை என்ற ஆவி தான். அதை மாற்றாமல் ஒன்றும் ஆகாது, மாறாது  என்கிறார் அவர் .எதையும் மாற்ற வேண்டுமென்றால் முதலில் அது இருப்பதை ஒத்துக் கொள்ள வேண்டும்.ஆனால், இந்தியர்கள் இப்படி ஒரு சாதிய பாகுபாடு, இந்திய சமூகத்தில் உள்ளது என்பதை ஒருபோதும் ஒத்துக் கொள்ளவே மாட்டார்கள் .இந்திய அரசு கூட ஒத்துக் கொள்ளாது .டர்பனில் நடந்த பன்னாட்டு கருத்தரங்கில் இந்தியாவில் சாதிய பாகுபாடு என்று ஒன்று கிடையவே கிடையாது என்று இந்திய அரசு ஒரு அறிக்கை விட்டது. ஆதலால் ,இதே போல ,  சண்டை போட்டுக் கொண்டே இருப்பார்கள்.இது ஒரு தொடர்கதையாக தொடர்ந்து கொண்டிருக்கும் .இந்தியா ஒரு நாளும் இதை  ஒழிக்காமல் ஒரு நல்ல ஒற்றுமையான, வலிமையான,சமூகமாக வளர முடியாது ,மற்ற நாடுகளுடன் போட்டி போட முடியாது என்பதுதான் கண் முன்னே காணும் ஒரு பெரும் உண்மை. இதை மறைப்பதால்  அல்லது மறுப்பதால் நாம் ஒன்றையும்  சாதிக்க முடியாது என்பதை நாம் எல்லோரும் உணர வேண்டும் .நம்முடைய தலையெழுத்து  இதன் நடுவே அமைதியாக வாழ முயற்சி செய்வது தான் !

பட்டியல் இனத்தின் உயர்பதவி அதிகாரிகள் அந்த இனத்திற்கு ஏன் உதவி செய்வதில்லை?

 தமிழகத்தின் கீழ் சாதியாக கருதப்பட்ட சாதிகளில் தற்போது மிகவும் முன்னேறிய சாதி எதுவென்றால் அது சந்தேகமில்லாமல் நாடார் சாதிதான் என்று சொல்லலாம். ஒருகாலத்தில் கிட்டத்தட்ட தீண்டத்தகாத சாதியாக கருதப்பட்டவர்கள் அவர்கள்.மதுரை மீனாட்சி அம்மன் கோயிலின் உள்ளே தீண்டத்தகாதவர்கள் நுழையும் போராட்டம் நடக்கும் போது, அதில் நாடார்  ஒருவரும் சேர்க்கப்பட்டார் .தென்திருவிதாங்கூர் எல்லைகளில் ஒரு சொல்  நிலவி வந்தது. அது என்னவென்றால்'புலையனை  தொட்டால் தான் தீட்டு! சாணானை  பார்த்தாலே தீட்டு!'என்பதாகும் . அதாவது நாடார்களை பார்த்தாலே தீட்டு என்ற அளவில் அப்போது அவர்களை  வைத்திருந்தார்கள்.அப்படியிருந்த  அந்த சமுதாயம் ,இப்போது கல்வி, செல்வம், அறிவு,தொழில் , விஞ்ஞானம் என்று எல்லாவற்றிலும் உயர்ந்து நிற்கிறது என்பதை யாராலும் மறுக்க முடியாது. இந்தியாவின் தலையாய 10 பணக்காரர்களில் ஒருவர் சிவ நாடார் என்பது நம் எல்லோருக்கும் தெரியும்.

 இவர்கள் இந்த அளவு முன்னேறுவதற்கு முக்கிய காரணம் என்னவென்றால் அவர்களின் சாதிப் பெருமையும் ,ஒற்றுமையும் தான் . உதாரணமாக, ஒரு நாடார் சென்னையில் வந்து ஒரு சிறிய அளவில் பல சரக்கு கடை வைக்கிறார். அது வளர வளர ,அவர் தன்னுடைய சொந்த ஊரிலிருந்து,தெரிந்த  ஏழை நாடார் சமூகத்தினரை அழைத்து வந்து வேலை கொடுக்கிறார்.அதாவது ,நாடார்  ஒருவர் உயர்ந்த நிலைக்கு வந்தால், அவர் நிலையை /பதவியை பயன்படுத்தி  கீழே இருக்கும் நாடார்களை ,ஒரு  கை கொடுத்து தூக்கி விடுகிறார். ஆக, இந்த நாடார் சமூகம் முழுவதும் ஒன்றாக வளர்ந்து ஒரு நல்ல நிலைக்கு வருகிறது.

இப்படியான ஒரு தூக்கி விடும் குணம்  உயர் பதவியில் இருக்கும் பட்டியலின அதிகாரிகளுக்கோ அல்லது உயர்ந்து வளர்ந்த பட்டியலின சாதனையாளர்களுக்கோ ஏன்  வரமாட்ட வரமாட்டேங்கிறது என்பதே இன்றைய ஆய்வின் நோக்கமாகும் .

இன்று உலக அளவில் உயர்ந்து நிற்கும் இசைஞானி இளையராஜா பரையர் சமூகத்தை சேர்ந்தவர் என்பது எல்லோருக்கும் தெரியும் .தன்னுடைய திறமையினால் பல எதிர்ப்புகளை அவர் வென்று ,இன்று இசை உலகில் ஒரு  இமாலய உயரத்திற்கு வந்திருக்கிறார்.அவர் சாதனைகள்  உலகெங்கும் பேசப்படுகிறது . தமிழக அரசு கூட அவரை கௌரவித்து ஒரு விழா எடுத்துள்ளது. அந்த அளவு உயர்ந்து நிற்கும் அவர், தான் பிறந்து வந்த அந்த சமூகத்திற்கு, அதில் இருக்கும் ஏழை மக்களுக்கு ,அதில் உதவிக்காக ஏங்கி நிற்கும் இளைஞர்களுக்கு,என்ன செய்திருக்கிறார் என்ற கேள்வி எழுகிறது.அவர் நினைத்திருந்தால், அவர் சமூகத்திற்காக, அதன் முன்னேற்றத்திற்காக, சூர்யா செய்தது போல ,ஒரு தனி அறக்கட்டளை நிறுவி இருக்கலாம். அதில் பலருக்கு படிப்பு உதவி செய்திருக்கலாம். பலரை அவருடைய இசை கூடங்களில் பணி அமர்த்தியிருக்கலாம் .ஆனால் அப்படி எதுவுமே அவர் செய்யவில்லை.அவர் நினைத்திருந்தால், அவருடைய செல்வாக்கை பயன்படுத்தி, தமிழக முதல்வரிடம் பல பரையர்களுக்கு வேலை வாங்கிக் கொடுத்திருக்கலாம். உயர் பதவிகள் வாங்கி இருக்கலாம். ஆனால், அவர் அப்படி ஒன்றும் செய்ததில்லை.அப்படி என்றால் இளையராஜாவினால் பயன்பெற்றவர்கள் ஒருவர் கூட இல்லையா என்று நீங்கள் கேட்கலாம் .இருக்கிறார்கள் என்பது உண்மை. ஆனால்,அவரால் பயனடைந்தவர்கள் எல்லோருமே உயர்சாதியினரும், மற்ற மாநிலத்தவரும்  தான். ஒருவர் கூட அதில் அவர் சமூகத்தை சேர்ந்தவர் கிடையாது. அவர் குடும்பத்தினர் மட்டும் அவரால் பயனடைந்து இருக்கலாம். அவர்களும் யாருக்கும் எந்த உதவியும் செய்யவில்லை. இளையராஜா வீட்டில் வேலை செய்யும் ஆட்கள் கூட மற்ற சமூகத்தினாகத்தான் இருக்க முடியும் .ஏன் இப்படி இவர் சமூக சிந்தனை சிறிது கூட இல்லாமல் இருக்கிறார்?

இதே போல பல பரையர்கள் அரசு உயர் பதவிகளில் உள்ளனர்.ஐஏஎஸ், ஐபிஎஸ்,ஐஜி, முதன்மை செயலாளர் , செயலாளர் போன்ற பல உயர் பதவிகளில் இவர்கள் இருந்திருக்கிறார்கள்/இருக்கிறார்கள். அவர்களிடம் ஏதாவது உதவி கேட்டு அவர்கள் சமூகத்தை சேர்ந்த ஏழைகளோ அல்லது மாணவர்களோ சென்றால், அவர்கள் உதவி செய்வதே இல்லை என்பதே அந்த மக்கள் அவர்கள் மேல் வைக்கும் குற்றச்சாட்டு.இவர்கள் ,அவர்களை தொடர்பு கொள்வதை கூட அவர்கள் விரும்புவதுமில்லை.  மற்ற சாதிகளில் ஒருவர் பதவி உயர்வு பெற்றிருக்கிறார் என்றால் அந்த சமூகத்தினர் எல்லோரும் மகிழ்ச்சி அடைவார்கள் .ஏனென்றால்,அதனால் அவர்களுக்கும்  பயன் கிடைக்கும். ஆனால் ,சமூகத்தில் ஏற்கனவே எல்லா வகையிலும் புறக்கணிக்கப்பட்டு நிற்கிற பரையர்களுக்கு ,ஒரு விதமான உதவியும் கிடைக்காத இந்த அப்பாவி பரையர் சாதி மக்களுக்கு ,அவர்களில் யாராவது உயர் பதவி அடைந்தால், இந்த சமூகத்தை அவர்கள் மொத்தமாக விட்டு விட்டு,  மேல் சாதியினருடன்  ஐக்கியம் ஆகிவிடுகிறார்கள்  என்பதே அந்த சமூக ஏழைகளின் குற்றச்சாட்டு.அதில் பலர் ,உயர்ந்த நிலை வந்தவுடன், தன் சமூக பெண்களை கூட  திருமணம் செய்யாமல், வேறு சமூகத்தை சார்ந்தவர்களை திருமணம் செய்வது ஒரு பெரிய கொடுமை .தன் சமூக பெண்களை இவர்களே திருமணம் செய்யவில்லை என்றால் வேறு யார் வந்து திருமணம் செய்வார்கள்? என்பதே கேள்வி .இளையராஜாவும் அது போல், பிராமணர்களுடனும் ,தெலுங்கர்களுடனும் , மலையாளிகளுடனும்  ஐக்கியமாகிவிட்டார் .அவருடைய அடையாளத்தை முற்றிலும் மறந்து விட்டார் என்பதே  அவர் மேல் உள்ள குற்றச்சாட்டு.இதில்  அவர் எந்த அளவுக்கு செல்கிறார் என்றால், இவருடைய சமூகத்திற்கு எதிராக படம் எடுக்கும்  சமூகத்தினருக்கு கூட, இவர் பட இசை அமைத்துக் கொடுக்கிறார் என்னும் குற்றச்சாட்டு அவர் மீது உள்ளது.இவர் சமூகத்திற்கு எதிராக நடக்கும் வன்கொடுமைகளுக்கு எதிராக எந்த நேரத்திலும் குரல் எழுப்புவது இல்லை. ஆக, இவரால் இந்த சமூகத்துக்கு  ஒரு எள்ளளவும் உதவி இல்லவே இல்லை .

இப்படியாக உயர்நிலைக்கு செல்லும் பரையர்கள் இந்த சாதியை விட்டு வெளியே போவதற்கும், வேறு சாதியினருடன் தங்களை அடையாளப்படுத்துவதற்கும், என்ன உளவியல் காரணம் உள்ளது ?என்று நாம் ஆராய்ந்து பார்க்க வேண்டும்.

இதைகுறித்து பேசுவதற்காக, எனக்குத் தெரிந்த உயர்பதவியில் இருக்கும் ஒரு பட்டியலினத்தை சார்ந்த அரசு அதிகாரியை நாடினேன். அவர் பேச தயாரானார் .ஆனால் ,ஒரே ஒரு நிபந்தனை போட்டார். அவருடைய பெயரை வெளியே சொல்ல கூடாது என்பதுதான் அந்த நிபந்தனை. அது நியாயமான நிபந்தனை தான். சுமார் ஒரு மணி நேரம் அவருடன் இதைக் குறித்து பேசினேன் .அவர் சொன்ன காரணங்கள் கேட்க மிகவும் சுவையாக இருந்தது.அதைத்தான் உங்களுக்காக கீழே தருகிறேன்.

1. பொதுவாக, அதிகாரமிக்க முக்கிய பதவிகளில் பட்டியல் இனத்தை சேர்ந்தவர்களை போடவே மாட்டார்கள். அப்படி போட வேண்டிய சூழ்நிலை வந்தால் ,வேறு வழியே இல்லை என்றால் ,தமிழ் நாட்டில்  தெலுங்கு பட்டியலின நபரை போடுவார்கள்.
2. இந்த இட ஒதுக்கீடு கொள்கையை முறையாக அமுல்படுத்துவதற்காக,மத்திய  அரசு ஒரு கையேடு ஒன்று  வெளியிட்டுள்ளது .அதன் பெயர்: BROCHURE .அந்தப் புத்தகத்தின் படி சரியாக போட்டால், பட்டியல் இன மக்களுக்கு கிடைக்க வேண்டிய இட ஒதுக்கீடு, சுழற்சி முறையில் சரியாக கிடைத்து விடும்.எடுத்துக்காட்டாக, 2023 வருடத்தில் 100 பட்டியலின நபர்களை தெரிந்தெடுக்க வேண்டும் என்று வைத்துக் கொள்வோம் .ஆனால்,அவர்கள்  60 பேர் தான் தேறியிருக்கிறார்கள் என்றால், மீதி உள்ள 40 இடங்களும் 2024 வருடத்தின் இட ஒதுக்கீட்டில்  கூட்டி  அதிகமாக சேர்க்கப்படும். ஆக 2024 ல்,100+40= 140 இடங்கள் ஒதுக்கப்பட வேண்டும். இவ்வாறாக, மூன்று வருடங்களுக்கு தொடர்ச்சியாக செய்ய வேண்டும் .அதற்குள் தகுதியான ஆட்கள் கிடைக்கவில்லை என்றால், அந்த அதிகபட்ச இட ஒதுக்கீட்டை ரத்து செய்யலாம் என்று உள்ளது. அந்த சுழற்சி பதிவேடு ROSTER கண்காணிக்கும் அதிகாரி ,முடிந்த அளவு ஒரு பட்டியலின அதிகாரியாக போட வேண்டும் என்று ஒரு விதி உள்ளது . அப்படி ஒரு பட்டியலின அதிகாரியை ,வேறு வழியில்லாமல் எடுக்க வேண்டும் என்றால், அவர் மேலிடத்திடம் ஒத்துழைப்பு கொடுப்பவராக இருக்க வேண்டும். அதாவது அந்தப் பதிவேட்டில் தப்பாக பதிவு செய்ய வேண்டும்.பட்டியலின மக்களுக்கு கிடைக்க வேண்டியதை, தமிழ்நாட்டைப் பொறுத்தவரையில்,. இதர பிற்படுத்தப்பட்ட வகுப்பிற்கு கொடுக்கும் அதிகாரியாக இருக்க வேண்டும். அதாவது அந்தப் பதிவேட்டில் செய்யும் ஊழல் எல்லாவற்றிற்கும் கையெழுத்து போடும் அதிகாரியாக இருக்க வேண்டும் என்பது எழுதப்படாத ஒரு விதி.
3. ஒரு பட்டியலினத்தவர் ஒரு அதிகாரம் மிக்க பதவியில் அமர்த்தபட்டால், அதற்கு முன், இன்னுமொரு  எழுதப்படாத விதி உள்ளது .அது என்னவென்றால், இவர் எந்த காரணம் கொண்டும் தன் இனத்திற்கு சாதகமாக எதுவும் தவறி கூட செய்யக்கூடாது என்பதுதான்.அவரை அந்த வேலையில் அமர்த்துவதற்கு முன்பே அதை உறுதி செய்து கொள்வார்கள். அமர்த்தியபின் இதைக் குறித்து அவரை சுற்றி இருக்கும் மற்ற சாதி அதிகாரிகள் எல்லோரும் ,இவர் மேல் கண்ணும் கருத்துமாக கண்காணிப்பார்கள் .இவர் ஏதாவது அவர் சார்ந்த சமூகத்திற்கு நன்மை செய்கிறாரா, அப்படி செய்தால்  உடனே அவரை அந்த இடத்தை விட்டு மாற்றி விட வேண்டும் என்று ஆவலாக இருப்பார்கள்.அப்படி நடந்தால் ,உடனே மேலதிகாரிகளுக்கு கோள் சொல்லி, இந்த சாதகமான  அதிகாரியை அந்த  இடத்தை விட்டு மாற்றி விடுவார்கள்.ஆகவே  தான் , பட்டியலின அதிகாரிகள் தன் இனத்திற்கு எந்த வித உதவியும் செய்ய மிகுந்த தயக்கம் காட்டுவார்கள்.அவர்களைத் தெரிந்ததாகவே காட்டிக் கொள்ள மாட்டார்கள்.இதை அவர்கள் தங்களை/தங்கள் பதவியை  பாதுகாத்துக் கொள்ளவே  செய்கிறார்கள்.
4. அப்படி என்றால் அதிகாரம் உள்ள பதவியில் அமர்த்தப்பட்ட பட்டியல்    இன அதிகாரிகள் ,தங்கள் இனத்திற்கு எந்தவித நன்மையும் செய்யவே வாய்ப்பில்லையா என்று கேட்டால், வாய்ப்பு உள்ளது என்றுதான் சொல்லலாம். எப்படி எப்படி செய்யலாம் என்பதை என்னிடம் பேசிய அந்த அதிகாரி விளக்கினார்.முதலில் தன்னுடைய மேலதிகாரியிடம் மிகவும் பணிந்து, அடிமை போல் வேலை செய்ய வேண்டும். அப்படி செய்தால்  அவர்கள் ஆங்காங்கே ஒரு சில எலும்பு துண்டுகளை வீச வாய்ப்பு உள்ளது. எடுத்துக்காட்டாக, ஊழியர்கள் நியமிக்கிறார்கள் என்று வைத்துக் கொள்வோம் .இந்த பட்டியல் இன அதிகாரி தனக்கு வேண்டிய ஒரு தன் இனத்தை சேர்ந்த தகுதி வாய்ந்த ஒருவரை பரிந்துரை செய்து கேட்கலாம் .அப்போது மேலதிகாரி சரி என்று சொல்லலாம் .அதாவது ,அவருக்குத் தெரிந்து ,அவராக தூக்கிப் போடும் ஒரு எலும்பு துண்டு போல அதை வைத்துக் கொள்ளலாம்.அதிகமாக பட்டியலின அதிகாரிகள் மிகவும் தன்மானமிக்கவர்கள் .ஆதலால், இந்த வழியில் செல்வதற்கு கூச்சப்படுவார்கள் .அதையும் மீறி ஒன்றிரண்டு பேர் அவ்வாறாக செய்கிறார்கள் என்பதையும் மறுக்க முடியாது.
5. அதிகாரம் மிக்க பதவியில் அமர்த்தப்பட்ட சில பட்டியலின் அதிகாரிகள், அவர்களுடைய உயர் அதிகாரிகளுக்கு தெரியாமல் சில நன்மைகளை, தங்கள் இனத்தவருக்கு செய்ய வாய்ப்புள்ளது.அதை மிகவும் நாசூக்காகவும் , புத்திசாலித்தனமாகவும், மறைமுகமாகவும் செய்ய வேண்டியிருக்கும். அப்படி செய்யும் ஒன்று இரண்டு அதிகாரிகளையும் எனக்கு தெரியும் என்று என்னிடம் பேசியவர் கூறினார் .எடுத்துக்காட்டாக, 100 பேரை ஒரு இடத்திற்கு அனுப்ப வேண்டி இருக்கிறது என்றால், அதில் மெதுவாக ஒரு பட்டியலின நபரையும் சேர்த்துக் கொள்ள வைக்கலாம்.அவசரமாக நமது வங்கியின் லண்டன் கிளைக்கு ஒரு அதிகாரி தேவைப்படுகிறார், யார் யார் தகுதி உள்ளவர்கள் என்று கொடுங்கள் என்று மேல் அதிகாரி கேட்பார். உடனே இந்த பட்டியல் இன  அதிகாரி ,2 'பயோடேட்டா ' தாளை கொடுப்பார் .அதில் ஒரு முன்னேறிய சாதி நபரின் குறிப்பு இருக்கும் .ஆனால், அதில் ஏதாவது ஒரு பிரச்சனை மறைந்து இருக்கும்.இன்னொன்று , பட்டியலின  குறிப்பு. அது சிறந்ததாக இருக்கும்.குறிப்புகளை  கொடுத்துவிட்டு, மெதுவாக, சார், இவர் நல்ல திறமையானவர் தான். ஆனால், எஸ் .சி. என்பார். அவசரத்தைக் கருதி மேலதிகாரி பரவாயில்லை என்று அதை ஆமோதிக்கும்  சூழ்நிலையை உருவாக்குவார் !இப்படி ஒன்று இரண்டு நடந்திருக்கிறது என்று அவர் சிரித்துக் கொண்டே சொன்னார்.
6.  மொத்தத்தில் ,அதிகாரமிக்க பதவிகளில் இருக்கும் பட்டியலினத்தவர்  , மற்றவர்களுக்கு அடிமையாகத்  தான் இருக்க வேண்டும். தனியாக அவர்களுடைய அதிகாரத்தை பயன்படுத்த முடியாது .அவர்களை எப்போதும் கண்காணிக்க படுவார்கள். ஆகவே ,அவர்கள் உதவி செய்ய வில்லை என்றால், அவர்களை மட்டும் நாம் குறை சொல்ல முடியாது.அவர்கள் நிலைமை அப்படி என்பதை நாம் புரிந்து கொள்ள வேண்டும் .இல்லையென்றால் ,பாராளுமன்றத்தில் 230   உறுப்பினர்கள் SC /ST  சார்ந்தவர்கள்.அவர்கள்  ஒன்று சேர்ந்து ,என்னவெல்லாம் செய்யலாம். ஆனால், அவர்கள் சேரவே மாட்டார்கள். சேரவே முடியாது என்பது  உண்மை . இது மாறுவதற்கு வாய்ப்பேயில்லை என்பதே பொது கருத்து.

சார்பட்டா பரம்பரை --இறுதியில் குத்து வாங்கியது யார் ?

 

சமீபத்தில் அமேசான் ப்ரைம் களத்தில் வெளியிடப்பட்ட தமிழ் படம் என்று சொல்லப்படும் சார்பட்டா பரம்பரை என்ற,  படத்தை பார்த்தேன். இயக்குனர்  பா. ரஞ்சித்தின் இந்த படத்தை பார்த்துவிட்டு ஏற்கனவே பலர்  விமர்சனம் பலவிதமாக  செய்திருக்கிறார்கள். விகடன் குழு 45 மதிப்பெண் தான்  கொடுத்திருக்கிறது. அந்த மதிப்பெண்ணை பொதுவாக மக்கள் ஏற்றுக்கொள்ளவில்லை .நானும் அதை  ஏற்றுக்கொள்ளவில்லை. 

மற்ற விமர்சகர்கள்  சொல்லாத சில  புதிய புள்ளிகளை தான் நான் இங்கு சொல்ல விழைகிறேன். படத்தின் களம் 1970 களின் வடசென்னையாகும். அங்கு முகமது அலி போன்ற  உலகப் பெயர் பெற்ற குத்துச்சண்டை வீரர் அளவுக்கு குத்துச்சண்டை வீரர்கள் இருந்தார்களாம். அவர்கள் 2,3 பரம்பரையாம் . ஒன்று சார்ப்பட்டா பரம்பரையாம் . இன்னொன்று,இடியாப்ப பரம்பரையாம் . இவர்களுக்குள் போட்டி நடக்குமாம்.ஊரே திரண்டு வந்து பார்க்குமாம். இத்யாதி இத்யாதி...

                                         இந்த கதை எப்படி பா. ரஞ்சித்துக்கு கிடைத்தது என்று தெரியவில்லை. கூகுள் தேடுதலில் பார்த்தால் சார்பட்டா என்ற சொல்லே உலகில் எங்கும் கிடையாது என்பதுபோல் பதில் வருகிறது. அந்த சொல் தேடுதலில், இந்தப் படத்தை தவிர அந்த சொல்  வேறு எங்குமே காண வரவில்லை.  ஆக, சார்பட்டா பரம்பரை என்று ஒரு பரம்பரை பெரிய அளவில் இருந்ததாக தெரியவில்லை.1970 வாக்கில் எனக்கு தெரிந்து, சென்னையில் குத்துச்சண்டை மைதானம்  boxing ring சென்னை கிறிஸ்தவக் கல்லூரி ஒன்றில் மட்டும்  தான் இருந்தது. அங்கு மிகவும் பணக்கார,உயர் வர்க்க  மாணவர்கள் மாத்திரம் பங்கெடுக்கும் ஒரு  விளையாட்டாக அது இருந்தது. அதைத் தவிர சென்னையில் எங்கும் குத்துச்சண்டை நடந்தததாக சரித்திரப் பதிவுகள் எதுவும் கிடையாது. எனினும், 1976 ல் நெருக்கடி நிலை  முடிந்தபின் பொது இடங்களில் குத்துச்சண்டை போட்டி நடத்தக்கூடாது என்ற அரசு ஆணை வந்ததாகச் சொல்லப்படுகிறது. ஆக, குத்துச்சண்டை போட்டிகள் பொதுவிடங்களில் அதன் முன்னர்  நடந்ததாக தெரிகிறது .

                                              இனி இந்த படத்தைப் பற்றி பேசலாம். அந்த காலத்தில், பட இயக்குனர்கள் படத்தின் காலத்தை  முதலில் நமக்கு ஏதோ ஒரு வகையில் அறிமுகம் செய்து வைப்பார்கள். அந்த அறிமுகத்தின் பின், நாம் அந்த காலகட்டத்துக்குள் எளிதாக நுழைந்து ஒன்றிவிடுவோம். இப்போதுள்ள இயக்குனர்களுக்கு அந்த மாதிரி திறமை எதுவும் இல்லை. பா. ரஞ்சித் இந்தப்படத்தின் காலப் பின்னணியை எங்கும் அறிமுகப்படுத்தவில்லை.சிறிது நேரத்தில்  நாமாக புரிந்து கொள்ள வேண்டும். புதியதாக நாம் அறியாத  ஒரு விளையாட்டு . அந்த குத்துச்சண்டை விதிகளை பற்றி யாராவது பேசுவதாக ஒரு காட்சியும் இல்லை. அப்படி இருந்திருந்தால் பார்வையாளர்களுக்கு இந்த குத்துச்சண்டை அடிப்படை பற்றி அறிய உதவியிருக்கும். அப்படி ஒரு காட்சி இல்லாததால், குத்துச்சண்டை பற்றி   ஒன்றும் தெரியாமல்  அவர்கள் பாட்டுக்கு குருட்டாம் போக்கில் ரசிகர்கள் பார்க்க வேண்டியது தான். ஆர்யா, ரங்கன் வாத்தியாரின் ரசிகன் என்பதையும் அவருடைய ஒவ்வொரு அசைவையும் மனதில் வைத்து ஆராதிக்கும் ஒருவன் என்பதையும் முதலில் தெளிவு படுத்தவில்லை. இயக்கத்தில் பல குழப்பங்கள் உள்ளது. பல காட்சிகள் துண்டு துண்டாக, ஒரு தொடர்பில்லாமல் ஒட்டப்பட்டது போல் உள்ளது. ஆர்யா எதற்காக அவ்வளவு குடிக்கிறார், பின்னர் தாயை போய் ஏன் அடிக்கப் போகிறார்,பின்னர் மன்னிப்பு கேட்கிறார்  என்பதெல்லாம் ஒரு தெளிவே  இல்லை. 

ஒரு கட்டத்தில் குழப்பம் அதிகமாகும்போது, படத்தை பார்க்காமல் அதோடு நான் நிறுத்திவிட்டேன்.முழு படத்தையும் பார்க்க என்னால் முடியவில்லை. பின்னணி இசையமைப்பு கொஞ்சம் கூடகாட்சிகளுக்கு  பொருத்தமாக இல்லை. நடிப்பவர்கள் ஒருவரும் தமிழர் சாயலில் இல்லை, ரங்கன் வாத்தியாரை தவிர. வேம்புலி மூக்கு ஏதோ வேறு ஒரு மாநிலம் போல் தோன்றுகிறது. இன்னொரு பெரும் பிழை,தெலுங்கு  நாயக்கர்களை,தமிழ்  தலித்துகளாக காட்டுவது. முதலிரவில் எந்த தலித் பெண்ணும் இப்படி கேவலமாக ஆட மாட்டார்.

 மொத்தத்தில், இந்த படத்திற்கு,விகடன் கொடுத்த 45 அதிகம் . 25/100 கொடுக்கலாம் என்பது என் கருத்து. சங்கராபரணம், பாகுபலி, கபாலி  போன்ற படங்கள் வெற்றியடைய முக்கிய காரணம், அதை சுற்றி ஊடகங்கள் போட்ட கூச்சல் தான்! அதேபோல பெரும் கூச்சல் போட்டு, சார்ப்பட்டா பரம்பரையும் வெற்றிப்படமாக காட்டிவிட்டார்கள்! ஆனால் உண்மை என்னவென்றால்,இறுதியில் குத்து வாங்கியது யார் என்றால்  படம் பார்த்த ரசிகர்கள் தாம் என்று ஐயமின்றி கூறலாம் ! அதுதான் எனக்கு மிஞ்சியது!

அப்படி அய்யன்காளி என்னதான் செய்தார் மகாத்மா என்று சொல்வதற்கு ?

(1863,ஆகஸ்ட் 28...-18-6-1941) திருவாங்கூர் மன்னரின் ஆட்சி, கொடிகட்டி பறந்த நாட்கள்...ஒடுக்கப்பட்ட மக்கள் மீது, எண்ணற்ற ஒடுக்குமுறைகள், சுமத்தப்பட்டிருந்த, கொடிய நாட்கள்...ஒரு முறை, மகாத்மா காந்தி அய்யன்காளியை சந்தித்த போது கேட்டார்:"Mr.அய்யன்காளி, உங்களுக்காக நான் என்ன செய்ய வேண்டும்"?அய்யன்காளி பதிலாக"பாபுஜி.. எங்கள் சாதிகளைச் சேர்ந்த 10பேர், நான் இறப்பதற்கு முன்பு, BA பட்டதாரிகளாகி காண வேண்டும்"என்றார்...

மகாத்மாவால் எந்த பதிலும் சொல்ல இயலவில்லை....ஒடுக்கப்பட்ட மக்கள், மேலாடை அணியக்கூடாது; இடுப்புக்கு கீழே, முழங்கால் வரைமட்டுமே ஆடை அணிய வேண்டும்; பெண்கள் தங்கள் மார்புகளை மறைக்கக் கூடாது, ஆண்கள் மீசை வைக்கக்கூடாது;ஒடுக்கப்பட்ட மக்கள், பொது வழிகளில் நடக்கக்கூடாது; ஒடுக்கப்பட்ட மக்கள், பள்ளிகளில் சென்று படிக்கக்கூடாது;ஒடுக்கப்பட்ட பெண்கள், நகைகள் அணியக்கூடாது; ஒடுக்கப்பட்ட பெண்கள், தாங்கள் கீழ் சாதியினர் என்று அறிவிக்கும் வகையில், கழுத்தில், கல் மாலை தான் அணிய வேண்டும்; காதில், இரும்புத் துண்டுகளை மட்டுமே, கம்மலாக அணிய வேண்டும்; என்றெல்லாம், அன்றைய எசமானர்கள், ஆண்டைகள், #ஆச்சாரங்கள்/#மரபுகள்/#கீழ்வழக்கங்கள் என்ற பெயரில்,ஒடுக்கப்பட்ட மக்களை, குரூரமாக அடக்கி ஆண்டு வந்த காலம் அது...ஒடுக்கப்பட்ட மக்களின் #பெரும்குரலாக ஒலித்தது, #அய்யன்காளியின் குரல்!

#பஞ்சமி எனும் ஒடுக்கப்பட்ட பெண் குழந்தைக்கு, கல்வி மறுக்கப்பட்ட போது, அந்த இளம் குருத்தை அழைத்துக்கொண்டு ஊரூட்டம்பலம் பள்ளிக்கு சென்ற போது, ஆண்டைகள், அந்த பள்ளிக்கூடத்தை தீ வைத்து கொளுத்தியிருந்தனர்!விடவில்லை அய்யன்காளி.... மலபார் வரலாற்றின் முதல், விவசாயிகள் வேலை நிறுத்தத்தை அறிவித்தார்; ஏறத்தாழ ஒன்றரை ஆண்டுகள், வயல்வெளிகள் வறண்டு போய் கிடந்தன;இறுதியில், #பஞ்சமிகள், பள்ளிக்கு சென்றனர்;

ஒடுக்கப்பட்ட மக்கள், நகர வீதிகளில், தெருக்களில், பொது வழிகளில் நடக்கக்கூடாது என்ற ஆண்டைகளின் உத்தரவை, மீற தயாரானார் அய்யன்காளி..

அவர் பிறந்த, வெங்ஙானூரில், கொழுத்த இரண்டு வெள்ளை நிற காளைகள் பூட்டப்பட்ட, வில் வண்டியில், ஜரிகை தலைப் பாகையும், முழு வேட்டி சட்டை, அங்க வஸ்திரத்தோடு, வெங்ஙானூர் வீதிகளில் புயல் வேகத்தில், களமிறங்கியது, அய்யன்காளி என்ற இளம் காளை... ஆண்டைகள் அதிர்ந்து போய் நின்றனர்!பிறகு நகர வீதிகளில் ஒடுக்கப்பட்ட மக்களோடு வீதிகளில் நடந்து சென்றார் அய்யன்காளி...

காட்டுமிராண்டித்தனமாக அய்யன்காளியும், உடன் சென்றவர்களும் தாக்கப்பட்டனர்; ஓடி ஒளியவில்லை அய்யன்காளி.... தொடர்ந்தது போராட்டம்....வரலாற்றில், வில் வண்டி போராட்டம் என்று நினைவு கூரப்படுகிறது இந்த போராட்டம்...

புகழ்பெற்ற கல்மாலைப் போராட்டம்;

ஒடுக்கப்பட்ட பெண்கள், தங்க/வெள்ளி நகைகள் அணியும் உரிமை இல்லை...

தங்கள் கழுத்துகளில், கல்/ஒடு போன்றவற்றை கோர்த்து மட்டுமே மாலையாக அணிய வேண்டும்; காதுகளில் இரும்புத் துண்டுகளை, கம்மல்களாக அணிந்து கொள்ள வேண்டும்;இது, அவர்கள் ஒடுக்கப்பட்ட மக்கள் என்பதை அறிவிக்கும் அடையாளமாகவும் இருந்தது...

கல்(லு)மாலை போராட்டத்தில் இறங்கினார் அய்யன்காளி... நீண்ட நெடிய போராட்டம்; அதனால் தான் மக்கள் அவரை, #மகாத்மா #அய்யன்காளி என்று அழைக்கின்றனர்...

சாதியின் பெயரால், வர்ணத்தின் பெயரால், மக்களின் பெரும்பகுதியினர் ஒடுக்கப்பட்ட போது,#ஆச்சாரங்கள், #மரபுகள், #கீழ்வழக்கங்கள் என்ற பெயரில்,இழிவாக நடத்தப்பட்ட போது, அவற்றையெல்லாம், முட்டி மோதி, எதிர் கொண்டு, அனைத்தையும் தகர்த்தெறிந்த,மாவீரன், #மகாத்மா #அய்யன்காளியை #நினைவு கூர்வோம்...

#அய்யன்காளி நினைவு தினம் இன்று...#ShahulHameed

 #மகாத்மா #அய்யன்காளி.....

#மீள்...பதிவு 

ஏன் 200 ஆண்டுகள் மட்டுமே ஆட்சி புரிந்த கிறித்தவ பிரிட்டிஷாரை எதிர்த்தார்கள்?

இந்தியாவை ஆண்ட பிரிட்டிஷார்கள் இந்து மனு தர்ம சட்டத்தை படிப்படியாக ஒழித்துக் கட்டினார்கள்! அவைகளில் சிலவற்றை நாம் என்னவென்று பார்ப்போம்...பா ர்ப்பான் மட்டுமே கல்வி கற்க உரிமை உண்டு எனவும், சத்திரியன் மட்டுமே நிலம் மற்றும் அரசராக இருக்க முடியும் எனவும்,

வைசியன் வியாபார செய்ய உரிமை உண்டு எனவும், சூத்திரன் இவர்களுக்கு அடிமையாக இருந்து வேலை செய்ய வேண்டும்

எனவும் இருந்த இந்து மனு தர்ம சட்டத்தை பிரிடிஷ் அரசாங்கம் ஏற்றுக்கொள்ளாமல்,

சட்டம் என்றால் அனைவரும் சமமாக இருக்க வேண்டும் என்ற அடிப்படையில் 1773 ஆம் ஆண்டு பிரிடிஷ் அரசு புதிய சட்டத்தை

ஏற்றி நம் அடிமை வாழ்க்கையை மாற்றத் தொடங்கியது.

சத்திரியர்கள் மட்டுமே சொத்து வைத்து கொள்ள உரிமை இருந்ததை, 1795 ஆம் ஆண்டு அனைவரும் சொத்தை வாங்கி கொள்வதற்கான உரிமை வழங்கப்பட்டது.

1804 யில் பெண் சிசுக்கொலை தடுப்புக்கான அரசாணை வெளியிடப்பட்டது.

1813 கொத்தடிமைகள் ஒழிப்பு சட்டம் கொண்டுவரப்பட்டது.

பிராமணப் பெண்னை கெடுத்த சூத்திரன் கொல்லப்பட வேண்டும்.

(இந்து மனு சட்டம் VII 374, 375),

ஆனால் ஒரு பிராமணன் தன் காம இச்சை தீர சூத்திரப் பெண்ணோடு உறவு கொள்ளலாம். அதற்கு தண்டனை கிடையாது. அவனால்

கெடுக்கப்பட்ட பெண் கடவுளுக்கு அவள் உடலை அர்ப்பணித்ததாக கருதப்படுவாள். ஆனால், அதன் விளைவாக குழந்தை பிறந்து உயிரோடு இருந்துவிட்டால் பிணம் போன்றதேயாகும்.

(இந்து மனு சட்டம் IX 178)

பிராமணன் தப்பு செய்தால் தண்டனையில்லாமல் இருந்த நிலையில் - - -

பிராமணர்கள் குற்றம் புரிந்தவராக இருப்பின், அவர்களும் தண்டனை பெறுவதற்கான அரசாணை 1817 ஆம் ஆண்டு பிரிட்டிஷாரல் கொண்டுவரப்பட்டது!

சூத்திரப் பெண் திருமணம் முடிந்த அன்றே, பிராமணருக்கு பணிகள் பல செய்ய 7 நாட்கள் கோவிலில் இருக்க வேண்டும். அதை பிரிட்டிஷாரின் அரசாணையின் மூலம் 1819ஆம் ஆண்டு முடிவிற்கு வந்தது.

பிராமணன் மட்டுமே கல்வி கற்க முடியும் என்ற நிலையில் இருந்த

இந்து சட்டத்தை 1835 ஆண்டு லாட் மெக்காலேயின் சீரிய முயற்சியின் விளைவாக, சூத்திரனும்

கல்வி கற்கலாம் என்ற அரசாணை வெளியிடப்பட்டது.

சூத்திரனுக்கு முதலில் பிறக்கின்ற

ஆண் குழந்தையை கங்கா நதியில் தள்ளி விட்டு கொல்ல வேண்டும் என்ற கங்கா தானத்தை

1835-ல் பிரிட்டிஷாரின் அரசாணையின் மூலம் முடிவிற்கு வந்தது.

1835 ஆண்டு சூத்திரர்கள் நாற்காலியில் உட்காருவதற்கான அரசாணை கொண்டுவரப்பட்டது.

1868 ஆம் ஆண்டு பிரிட்டிஷ் அரசாங்கம் பார்ப்பனிச இந்து மனு தர்ம சட்டத்தின் கொடுமைகள் அனைத்தையும் ஒரு முடிவுக்கு கொண்டு வரும் விதமாக இந்து மனு தர்மச் சட்டத்தை முழுமையாக தடை செய்ய உத்திரவு பிறப்பித்தது.

இந்து மனு தர்ம சட்டத்தை ரத்து செய்ய சாதி கொடுமைகளை வேரறுக்கப் போராடியவர் ஐயா #தந்தை #பெரியார்.

இவர் மட்டும் இல்லை என்றால் பார்ப்பானைத் தவிர மற்ற சமுதாய மக்கள் இன்னும் ஆதிவாசிகளாக தான் இருப்போம்.

இந்தியாவை மட்டும் பிரிட்டிஷார்கள் ஆளவில்லை என்றால், சூத்திரர்களுக்கு கல்வி இல்லை. சூத்திரர்களுக்கு கல்வி இல்லாமல் போயிருந்தால் மகாத்மா

ஜோதிராவ் புலே அவர்களுக்கு கல்வி கிடைத்திருக்காது, இந்தியாவில் கல்வி இயக்கம் நடந்திருக்காது, அண்ணலின் தந்தை இராம்ஜி அவர்களுக்கு கல்வியும் இராணுவ பணியும் கிடைத்திருக்காது,

சூத்திரனின் அடிமைச் சங்கிலியை உடைத்த பிரிட்டிஷாரின் நவீன முன்னேற்ற நற்பணிகளை நன்றியுடன் நினைவு கூறுவோம்.

மீடியாக்கள் இருக்கலாம்

ஆள் பலம்

படை பலம்

பண பலம்

ஏன் அரசாங்க பலம் கூட

இருக்கலாம்.

ஆனால், பெரியாரிய அம்பேத்கரிய மார்க்சிய கருத்தியல் ஆயுதங்கள் உண்டு.

- பகிர்வு

தி மு க இந்துக்களின் எதிரியா?

 திமுக இந்துக்களின் எதிரி?????

திமுகவா இந்திய மக்களை நான்கு வர்ணங்களாக பிரித்தது?

திமுகவா தமிழ் நீஷ பாசை என்று சொன்னது?

திமுகவா கோவில்களில் சமஸ்கிருத மந்திரம் மட்டும் ஓதியது? தமிழை கோவில்களில் தடை செய்தது??

திமுகவா தமிழில் தேவாரம் பாடிய ஓதுவார்களை கோவிலுக்குள் வைத்து தாக்கியது? நுழைந்த நந்தனை உயிரோடு எரித்தது??

திமுகவா தீண்டாமையைக் கடைபிடிக்கச் சொன்னது?

திமுகவா தீண்டாமையைக் கடைபிடிக்காதே என்று சொன்ன இராமானுஜரை கொல்லத் துடித்தது?? மைசூருக்கு விரட்டியடித்தது?

திமுகவா முடிசூடும் பெருமாள் என உயர் தொணியில் பெயர் இருப்பதால், முத்துக்குட்டி என மாற்று என்று அய்யா வைகுண்டரை பெயர் மாற்றச் சொன்னது. அதற்காக சிறையில் அடைத்தது?

திமுகவா வள்ளலாரை 

வைதீக வெறிக்கு எதிராகப் பேச வைத்தது?

திமுகவா உங்கள் சாஸ்திரங்களை குப்பையில் தூக்கி வீசுங்கள் என்று சுவாமி விவேகானந்தரை சொல்லச் சொன்னது?

திமுகவா நாமம் போடும் வைணவரை திருநீறு பூசக்கூடாது என்று சொன்னது?

திமுகவா திருநீறு பூசும் சைவரை நாமம் போடாதே என்று சொன்னது?

திமுகவா ஸ்ரீரங்கம் கோவில் யானைக்கு நாமம் போடுவதா? திருநீறு பூசுவதா என வழக்கு நடத்தியது?

திமுகவா இந்து மக்களை கோவில் கருவறைக்குள் விடாமல் தடுத்தது?

திமுகவா அனைவரும் அர்ச்சகராகக் கூடாது எனத் தடுத்தது?

திமுகவா இட ஒதுக்கீட்டை தடுக்க முயல்கிறது?

திமுகவா பிற்படுத்தப் பட்டோருக்கு நீதி வழங்கிய மண்டல்கமிசனுக்கு எதிராக ரதயாத்திரை நடத்தியது?

திமுகவா குப்புசாமியை குப்பா என்றும் , மாடசாமியை மாடா என்றும் ஒருமையில் அழைத்தது?

திமுகவா மருத்துவம் படிக்க விடாமல்

2017- அரியலூர் அனிதா

2018- திருச்சி சுபஸ்ரீ

2018- விழுப்புரம் பிரதிபா

2019- தஞ்சை வைஷ்யா

2019- திருப்பூர் ரிதுஸ்ரீ

2019- விழுப்புரம் மோனிஷா

2020- கோவை சுபஸ்ரீ

2020- மதுரை ஜோதிஸ்ரீ துர்கா

2020- அரியலூர் விக்னேஷ்

2020- தர்மபுரி ஆதித்யா

2020- திருச்செங்கோடு மோதிலால் ஆகிய இந்து மாணவ-மாணவிகளைக் கொன்றது?

இதையெல்லாம் இரண்டாயிரம் ஆண்டுகளாக செய்துவிட்டு,

இதை சரிசெய்ய முயன்ற திமுகவை இந்துக்களின் எதிரி என்கிறார்கள்.

திமுக ஒன்றே குலம். ஒருவனே தேவன் என்றது. திமுக இந்துக்களுக்கு மட்டுமல்ல எல்லா மதங்களுக்கும் நண்பன் தான்.

இந்துக்களின் எதிரி சங்கிகள் தான். இந்துத்வா தான்.

இந்து வேறு

இந்துத்வா வேறு.

இரண்டுக்கும் ஒரே வேறுபாடு தான்.

காந்தி இந்து

கோட்சே இந்துத்வா.

__----*----------------------*---------

(ஆசிரியர் பெயர் தெரியாது. சமூக ஊடகங்களில் வந்தது )

2021 தமிழகத் தேர்தல் -- யாருக்கு வாக்கு அளிக்க கூடாது?

 தமிழ் நாடு சட்டசபை தேர்தல்  2021 ,தமிழகத்தின் ,தமிழ் இனத்தின் வாழ்வா சாவா போராட்டம் என்றால் அது மிகையாகாது .தமிழக மக்கள் முன் தெளிவான  3 தேர்வுகள் உள்ளன .

1) தமிழ் இனத்தை ,பண்பாட்டை ,மொழியை ,பொருளாதார வாய்ப்புகள் எல்லாவற்றையும் அழிப்பதை வெளிப்படையான கொள்கையாக அறிவித்து வாக்கு கேட்கும் ஆரிய  மலர் கட்சியும் ,தமிழ் இனத்தை பலியிட்டு ,சுய லாபம் தேடும் ஒரு இலைக்கட்சி கூட்டு .

2)தமிழர்களை ஆரிய பேயிடமிருந்து காப்பாற்றும் பலமுள்ள திராவிடப் பேய் கட்சி கூட்டு .

3)தமிழ் தேசியம் பேசும் ,ஆட்சியில் முன் அனுபவமில்லாத ,நாம் தமிழர் கட்சி .

இதில் யாருக்கு வாக்கு போடக்கூடாது என்பது வெகு முக்கியமானது .

-----------------------------------------------------------------------------------------------------------------------

தமிழகம் பாஜகவை அதன் கூட்டணியை ஏன்_நிராகரிக்க_வேண்டும்..? 

#காரணம்_1

பாஜக தமிழர்களுக்கான கட்சியல்ல..! அது தமிழரல்லாத பார்ப்பனர்களின் நலன் காக்கும் கட்சி..!!

#காரணம்_2

பாஜகவின் தேசிய கலாச்சாரம் தமிழர்களின் கலாச்சாரத்தை ஏற்றுக்கொள்வதில்லை..!!

#காரணம்_3

பாஜக தமிழரல்லாத வட இந்தியர்களின் வாழ்வியலை முன்நிலைப்படுத்துகிறது..!!

#காரணம்_4

தமிழர்களிடம் வழிபாட்டு முறையில் வேறுபாடுகள் இருந்தாலும், நம் வாழ்வியலில் வேறுபாடுகள் இல்லை. பாஜக அதில் வேறுபாட்டை விதைக்க முனைகிறது..! அதை தமிழகம் ஒருநாளும் ஏற்காது..!!

#காரணம்_5

பாஜக முன்வைக்கும் தேசியம் இந்து தேசியம். தமிழகம் மதவழி தேசியத்தை ஒருநாளும் ஏற்காது..!!

#காரணம்_6

பாஜகவின் மொழிக்கொள்கை தமிழை மூன்றாம் தர மொழியாக்கி இந்தியை, சமஸ்கிருதத்தை முன்நிறுத்துகிறது..!! தமிழர்கள் தங்கள் மொழியை விழியாக கருதுகின்றனர்..!

#காரணம்_7

பாஜக மக்களின் ஒற்றுமையை விரும்பாத கட்சி..! தமிழகமோ யாதும் ஊரே, யாவரும் உறவே..! ( கேளிர் ) என்ற உயரிய கொள்கையை உலகிற்கு அளித்த மண்..!

#காரணம்_8

பாஜகவின் தேசிய முழக்கத்தில் தமிழ் புறக்கணிக்கப்படுகிறது..! தமிழர்களின் ஆளுமைகள் இருட்டடிப்பு செய்யப்படுகின்றனர்..! 

#காரணம்_9

பாஜகவின் மேட்டிமை தன்மையை சுயமரியாதையுள்ள தமிழர்களால் ஏற்றுக்கொள்ள முடியாது. அக்கட்சி உயர்சாதியினரின் நலன் சார்ந்து மட்டுமே சிந்திப்பதால் சமூக நீதி மண்ணான தமிழகத்தில் பாஜகவால் வேர்ப்பிடிக்க இயலாது..!!

#காரணம்_10

தமிழர்களை, தமிழ் மொழியை, தமிழரின் பண்பாட்டை, அவர்தம் கலாச்சாரத்தை தொடர்ந்து அவமதித்து வரும் பாஜகவை தங்களுக்கான இயக்கமாக தமிழர்களால் ஏற்க முடியாது.. !

(இதன்  ஆசிரியர் பெயர் தெரியாது.நல்ல  கருத்துக்களுக்காக பகிர்கிறேன் )

மாட்டிறைச்சி சாப்பிட்ட பிராமணர்கள் தான் பரையராக ஆக்கப்பட்டார்களா ?

இந்து மதத்தின் தாழ்த்தப்பட்ட மக்களில் மிகவும் பாதிக்கப்பட்ட மக்கள் இனம் ஒன்று உண்டு என்றால் அது 'பறையர் 'இனமே .இவர்களை தீண்டத்தகாதவர்களாக்கி ,ஊருக்கு ஒதுக்கு புறத்தில் சேரியென்று ஒன்றை உருவாக்கி இந்த சமுதாயம் வைத்திருக்கிறது . மற்றவர் செய்ய தயங்கும் வேலைகளை இவர்களுக்கு அளித்து,பின்னர் அதை செய்வதினால் இவர்களை தீண்டத்தகாதவர்கள் என்று ஒதுக்கி வைத்திருக்கிறார்கள்.

இந்தியாவில் மட்டுமல்ல உலகெங்கிலும் 'பறையர்' என்கிற சொல்லை பரப்பிவிட்டு,ஆங்கில அகராதிகளில்  அதை இடம்பெற செய்து, இப்போது அதை ஒரு 'வெறுப்பு சொல்'லாக பயனாகும்படி  இந்திய ஆட்சியாளர்கள் செய்துவிட்டார்கள்.

இதோ மேரியம் -வெப்ஸ்டர் அகராதியில் 'pariah 'என்ற சொல்லின் பொருள் :

• உண்மையில்அழுக்கு வேலை செய்யும் சுத்தமற்ற தீண்டத்தகாதவர்களா பறையர்கள் ?
• ஆதியில் இவர்கள் என்ன வேலை செய்து கொண்டிருந்தனர் ?
• இவர்கள் இந்த நிலைக்கு வந்ததன் காரணம் தான் என்ன ?
• உண்மையில் இவர்கள் வரலாறு தான் என்ன ?

அறிய நான் ஒரு தீவிர கள ஆராய்ச்சியில் இறங்கினேன் .

என்னுடைய ஆராய்ச்சியை ஆங்கில மனிதவியலாளர், எட்கர் தர்ஸ்டன் அவர்கள் எழுதிய ' 'காஸ்ட் அண்ட் ட்ரைப்ஸ் ஆப் சவுத் இந்தியா '(1909) என்ற புத்தகத்திலிருந்து ஆரம்பித்தேன் .

Castes and Tribes of Southern India

அதிலிருந்து மற்ற எல்லா ஆதார தளங்களிலும் தேடிய பின் ,பல சுவையான தகவல்கள் கிடைத்தன .இவற்றை உங்களுடன் இங்கு பகிர்வதில் மகிழ்ச்சியடைகிறேன் .இந்த தகவல்களை சாதியை பற்றி பேசுவதாக எடுக்காமல் ,ஒரு அறிவு பூர்வ ஆராய்ச்சியாக மட்டும் எடுத்துக்கொள்ள வேண்டும் என்று கேட்டு கொள்கிறேன் .

'பறையர் 'என்ற சொல்லின் வேர் !
முதலில் 'பறையர் 'என்ற சொல்லை எடுத்துக்கொள்வோம் . 'பறை 'என்றால் 'முரசு 'என்று பொருள் படும் என்றும் ,'பறையர் ' என்றால் 'பறை அடிப்போர் 'என்றும் சொல்லப்படுகிறது .இந்த 'வேரை ' கூர்ந்து பார்த்தால் , இது உண்மையல்ல என்பது தெளிவாகும் .எப்படி என்று பார்ப்போம் .
.தமிழ் நாட்டில் தற்போதய கணக்குப்படி 12620 ஊர்கள் உள்ளன .பண்டைய தமிழகத்தில் இதை விட குறைந்த அளவே ஊர்கள் இருந்திருக்கும் .பறையர்கள் பறை அடித்து ,அதனால் வாழ்க்கை நடத்திக்கொண்டிருந்தால் ஒவ்வொரு ஊரிலும் ,பறை அடித்து நிகழ்ச்சிகள் /சடங்குகள் செய்ய ,அதிக பட்சம் 10 பேர் தேவையாய் இருந்திருக்கும் .ஆக ,10000 ஊர்களுக்கு அதிக பட்சமாக 100000,அதாவது 1 லட்சம் பேர் இருந்திருக்க கூடும் .ஆனால் இந்த பறையர் இனம் தற்போது சுமார் 50 லட்சத்திற்கு மேல் ஜனத்தொகை கொண்டது .பழங் காலத்தில் சில லட்ச கணக்கில் இருந்திருக்கும் ஒரு இனம் .அவ்வளவு பேரும் பறை அடித்து வாழ்க்கை நடத்தியிருக்க வாய்ப்பில்லை,என்பது வெள்ளிடை மலை .

அதில் ஒரு சிறு பிரிவினர் பறை அடித்திருக்க கூடும் .இந்த கருத்தை 1891 ல் ஆங்கிலேயர்கள் வெளியிட்ட 'மெட்ராஸ் சென்சஸ் ரிப்போர்ட் 'டில் குறிப்பிட்டிருக்கிறார்கள் .

"in the 1891 Madras Census Report, it is recorded that "it is only one section of Paraiyars that act as drummers, nor is the occupation confined to the Paraiyars. It seems in the highest degree improbable that a large, and at one time powerful, community should owe its name to an occasional occupation, which one of its divisions shares with other castes."
இரண்டாவதாக ,மற்ற ஜாதிகளிலும் பறை அடிப்பவர்கள் இருந்தது உறுதி செய்யப்பட்டுள்ளது .ஆக 'பறை 'அடிப்பவர் 'பறையர் 'என்ற வேர் சொல்லியல் தப்பு என்பது தெளிவாகத் தெரிகிறது .
அப்படியென்றால் 'பறையர் 'என்ற சொல்லின் உண்மையான வேர் என்ன ?
தமிழில் 'பரை 'என்ற சொல் ஒன்று உள்ளது .அகராதி .காம் என்ற தமிழ் தொகுப்பு அகராதி ,அந்த சொல்லின் பொருளை இவ்வாறாக கூறுகிறது :

ஆக ,'பரை 'என்றால்'சிவபெருமானின் அருள் பெற்று நிற்கும் நிலை ' என்று பொருள் படும் .மேலும் ,அது பார்வதி தேவியின் ஒரு பெயராகும் . இதைத் தவிர ,'பர 'என்றால் 'மேல் 'என்ற பொருள் வரும் .' .'பரன்' என்றால் 'மேலோன்' ,ஆதலால் 'நமக்கு மேலிருக்கும் கடவுள் 'என்று பொருள் . வீட்டில் 'பரண்' என்றால் 'மேலே இருப்பது' என்று பொருள்.தமிழில் 'பரம்பரை 'என்ற ஒரு சொல் உண்டு .இது 'பரன் +பரை 'என்று பிரியும் .'பரன் 'என்றால் அப்பா வழியில் 7 வது முன் பாட்டன் ;'பரை என்றால் அம்மா வழியில் ஏழாவது முன் பாட்டி .ஆக ,7 தலைமுறை ,ஒரு பரம்பரையாகும் .இதில் உள்ள 'பர 'என்ற சொல்லும் 'பரை 'என்ற சொல்லும் சேர்ந்து 'பரை ஐயர் 'என்ற சொல்லுக்கு மூலமாகும் .'ஐயர்' என்பது 'பர 'என்ற சொல்லுக்கு சமமாகும் ..ஆக ,'பரையர்'என்ற சொல்' பார்வதியிலிருந்து தோன்றிய உயர்ந்தவர் ' என்று பொருள் படும் என்பது மொழியாளர்கள் கருத்து .

சிவன் தான் 'ஆதி பரையர்.பார்வதி ஆதி பரைச்சி '.

ஆதாரம் கீழே :

'பரை யோகம் 'என்றால் 'சிவனை எதிர்நோக்கும் ஒரு நிலை 'என்றும் பொருள் படும் .

                                    ஆக ,'சிவன் ,பார்வதியின் வழி வந்த மக்கள் ' பரையர்'ஆகும் .'ர 'என்ற எழுத்து 'ற 'என்று மாறியதால் ஒரு பெருங் குழப்பம் ஏற்பட்ட்ருக்கலாம் என்பது மொழி ஆராய்ச்சியாளர்கள் கருத்து ..

                                                சிவன் தமிழ் இனத்தின் கடவுள் .அவர் வழி வந்த மக்கள் ,பெரும் ஞானிகளாகவும் ,பர ஞானம் கொண்டவர்களாகவும் ,அருட் சார்ந்த பணிகள் செய்பவர்களாவும் இருந்தார்கள் .சிவனிலிருந்து தான் 'சீவன் அதாவது உயிர் தோன்றியது .சீவனை பற்றி அறிந்த சித்தர்களாகவும் ,வைத்தியம் அறிந்தவர்களாவும் 'பரையர்' இருந்தனர் .மந்திரம் ,ஆவி ஊடகம்,ஜாதகம் அறிந்தவர்களாவும் 'பரையர்' இருந்தனர்.அதில் ஒரு பிரிவினர் 'சாம்பவர்த்தி 'எனப்படுவர் .இவர்கள் சிவனின் பூசாரியாக இருந்தவர்கள் .சிவனே ஒரு சாம்பவர் என்று விக்கிபீடியா சொல்லுகிறது .

                                    சிவனுக்கோ 'சாம்ப சிவன் 'என்று ஒரு பெயர் உண்டு .சாம்பலோடு சம்பந்தப்பட்ட பெயர் இது .' பரையரில் இன்னொரு பிரிவினர் 'வள்ளுவர் 'எனப்படுவர் .இவர்களும் ஜோதிடம் கணித்தல் ,கோயில் பூசாரி வேலைகளில் ஈடுபட்டவர்கள் ஆகும் .உலகின் சிறந்த பொது மறையாகிய திருக்குறளை எழுதிய திருவள்ளுவர் இந்த பிரிவை சார்ந்தவராகும் .

ஆத்திச்சூடி ஒளவையாரும் ' பரையரே '.

ஆக ,மொத்தத்தில்,' பரையர்' அப்போதைய அந்தணர்களாக இருந்தனர் என்பது மறுக்க முடியாத உண்மை .'பாப்பானுக்கு மூத்தோன் பரையன் 'என்ற வழக்கு இன்றும் நடைமுறையில் உள்ளது .

அப்படியானால் .அந்தணரின் முக்கிய அணியான' பூணூல் ' பரையர்' அணிந்திருந்தனரா என்ற கேள்வி எழுகிறது இல்லையா ?அதற்கும் விடை கிடைத்தது !

பரையர்கள் சில சடங்குகளில்  பூணூல் அணி வதாக கேள்விப்பட்டிருக்கிறேன். இதை நேரில் உறுதி செய்ய ஒரு பரையர் வீட்டு சாவிற்கு சென்றிருந்தேன் .நெல்லை மாவட்டத்தில் ஒரு ஊர் அது .இறந்த தாயின் மூத்த மகனை ஓரிடத்தில் சம்மணம் போட்டு உட்கார வைத்து ,முன்னால் ஒரு சிறிய 'ஓம குண்டம் 'அமைத்தனர் .மகனை அதற்குள் ஓமத்தை போட சொல்லி ,நெய் ஊற்றினார் இன்னொரு பரையர்.சில தமிழ் மந்திரங்கள் புரியாத தமிழில் பெரியவர் ஒருவர் சொல்ல,இந்த சடங்கு சிறிது நேரம் நடந்தது .

பின்னர் அவரை மொட்டையடித்து ,ஆற்றில் ஒரு துண்டுடன் இறங்க வைத்தனர் .அப்போது தான் நான் எதிர்பார்த்தது நடந்தது .ஆம் ,அந்த பரை மகனுக்கு பூணூல் அணிவித்தனர் !
பரையர் மேல் பூணூலா ?ஒரு கணம் திகைத்துப் போனேன் !பரையர் மேல் சாதி தெருக்கள் வழியாக செருப்பு அணிந்து செல்வதையே எதிர்க்கும் மேல் ஜாதியினர் ,அவர்கள் பூணூல் அணிவதை எப்படி விட்டுவைப்பார்கள் ? அங்கிருக்கும் பெரியவர்களிடம் இதைப்பற்றி அந்த நேரத்தில் கேட்க முடியவில்லை .
பின்னர் நீரில் 7 தடவை மூழ்கி எழுந்தவுடன் ,அந்த பர மகனை, அந்தப் பூணூலை தன் கையினாலே கழற்றி, ஓடும் நீரில் விடச்சொன்னார்கள் .அவனும் அவ்வாறே விட்டான் . பின்னர் தாயின் பிணத்தை புதைக்கும் முன் ,ஒரு பானையில் நீர் நிறைத்து ,மகன் தலையில் வைத்து ,பிணத்தை 7 முறை சுற்றி வரச்செய்தனர் .ஒவ்வொரு சுற்றுக்கும் ,அரிவாள் வைத்து ஒரு ஓட்டை போட்டனர்.நீர் முடிந்ததும், அந்த பானையை அங்கேயே போட்டு உடைத்தனர் .இந்த முறைகள் எல்லாம் ,பல தமிழ் உயர் ஜாதி மக்கள் செய்யும் முறையாக தெரிந்தது .

பின்னர் இதைப் பற்றி தெரிந்து கொள்ள ஊர் பெரியவர்களை சந்தித்தேன் .அவர்களிடம் பெற்ற தகவல்களை கொண்டு ,இன்னும் ஆழமாக ஆராய்ந்தேன்.ஆராய்ச்சியின் முடிவில் பல விதமான சுவையான முடிவுகள் கிடைத்தன .அவைகள் இதோ :.

• 'பூணூல் 'என்றாலே தூய தமிழ் சொல் .பிராமணர்கள் விரும்பும் வடமொழியில் 'பூணூலுக்கு சரியான சொல் இல்லை .yajnopavita 'யஜனோ பவித்த'என்று ஒரு சொல் கஷ்டப்பட்டு பின்னால் உருவாக்கப்பட்டது .பிராமணர்கள் முதலில் வெளிநாட்டிலிருந்து கைபர் கணவாய் வழியாக இந்தியாவிற்குள் வந்ததாக சொல்லப்படுகிறது . பூணூல் பிராமணர்களின்  சொந்த உருப்படி  என்றால் அவர்கள் எந்த நாட்டிலிருந்து  வந்திருக்கிறார்களோ  அந்த நாட்டில் பூணூல் அணிந்த மக்கள் இன்னும் இருக்க வேண்டும். அவ்வாறாக,உலகில் எந்த நாட்டிலும் பூணூல் அணிந்த மக்கள் இருப்பதாக தெரியவில்லை.
• 'நூல் 'என்றால் ஆடை நெய்யும் நூல் அல்ல .'நூல் 'என்றால் 'அறிவு புத்தகம் '.'நூல்தல் 'என்றால் 'சைவ சித்தாந்தங்களை படித்த பின் கொடுக்கப்படும் ஒரு  'பூணூல் 'ஆகும் .இது இப்போது நாம் கல்லூரிகளில் பெறும் சான்றிதழுக்கு சமமாகும் .
• ஆக ,சைவர்களாகிய பரையர் ,சைவ நூல்களை கற்று பெற்ற தகுதிதான் 'பூணூல் '
• ஆக .பூணூலின் முதல் சொந்தக்காரர்கள் 'பரையர்'தான் என்பது உறுதியாகிறது .
• பரையர்களின்  உயர்ந்த சமூக நிலை குறித்து ,'கஸடீர் ஆப் திருச்சினோபோலி' என்ற   ஆங்கில  அரசிதழில் ,கீழ்க் கண்ட பதிவு உள்ளது .

In a note on the Paraiyans in the Gazetteer of Trichinoply District, it written as follows.

"They have a very exalted account of their lineage, saying that they are descended from the priest SalaSambavan, who was employed in a Siva temple to worship the god with offerings of beef, but who incurred the anger of the god by one day concealing a portion of the meat, to give it to his pregnant wife, and was therefore turned into a Paraiyan. The god appointed his brother to do duty instead of him, and the Paraiyans say that Brahman priests are their cousins. For this reason they wear a sacred thread at their marriages and funerals. .... It is a curious fact that, at the feast of the village goddess, a Paraiyan is honoured by being invested with a sacred thread for the occasion by the pujari (priest) of the temple, by having a turmeric thread tied to his wrists, and being allowed to head the procession. This, the Paraiyans say, is owing to their exalted origin."                                                                              

தமிழாக்கம் :                                                                                           

  'பரையர்' மிக உயர்ந்த இனமாகும் .அவர்கள் சால சாம்பவன் என்ற சிவன் கோயில் பூசாரி வழி தோன்றல்கள் ஆவர் .அவர் சிவனுக்கு படைத்த மாட்டுக் கறியை, ஒரு துண்டு எடுத்து தன் கர்ப்பிணி மனைவிக்கு கொடுத்ததால், பறையனாக்கப்பட்டார் என்று ஐதீகம்.அதன் பின்னர் ,கடவுள், அவருடைய சகோதரனை பூசாரியாக நியமித்தார் .இதனால் பரையர்கள் ,.பிராமணர்கள் எங்கள் உறவு என்கிறார்கள் .இந்த காரணத்திற்காக ,அவர்கள் திருமணத்திலும் ,சாவு சடங்குகளிலும் பூணூல் அணிகிறார்கள் .ஒரு வியப்புக்குரிய செய்தி என்னவென்றால் ,கிராம தேவதை விருந்துகளில் ,ஒரு பரையருக்கு,பூசாரியை வைத்து பூணூல் அணிவித்து ,மஞ்சள் துண்டு ஒன்றை கை மணிக்கட்டில் கட்டிவிடுவர் .அந்த பரையரே அந்த ஊர்வலத்தை தலைமை தாங்கி நடத்துவார் .இது ,பரையரின் உயர்ந்த சமூக நிலையை காட்டுகிறது .

•  1891 மக்கள் தொகை கணக்கு அறிக்கையில் கீழ்கண்டவாறு குறிப்பிடப்பட்டுள்ளது :                                                                                                           In the Census report of 1891, it is mentioned that
• The Valluvans(Paraiya priests) were priests to the Pallava kings before the introduction of the Brahmins, and even for some time after it.                                                                                     தமிழாக்கம் :                                                                                                           வள்ளுவர் என்ற பரையர் பூ சாரிகள்  பிராமணர்களுக்கு முன்னரும்,சிறிது காலம் பின்னரும்,  பல்லவ மன்னர்களுக்கு பூசாரியாக இருந்தார்கள் . 
• ஆங்கிலேயர்  ஏ .சி .கிளேட்டன் ,இவ்வாறாக கூறுகிறார் :                                   "he saw a Brahman women worshipping at Paraiyan shrines in order to procure children, and then a Paraiyan exorciser treating a Brahman by uttering mantrams (consecrated formulae), and waving a sickle up and down the sufferer's back, as he stood in a threshing floor."               
• தமிழாக்கம் :                                                                                                                   'நான்,  பிள்ளையில்லாத ஒரு பிராமணப் பெண், பரையர் கோயிலில் வழிபடுவதை பார்த்தேன் .பின்னர் போரடிக்கும் களத்தில் நின்று கொண்டிருந்த ஒரு  பரையர் ,ஒரு ,பிராமணனுக்கு பேயோட்டுவதை பார்த்தேன் .அவர் ஒரு அரிவாளை முதுகுக்கு பின்னால் மேலும் கீழும் ஆட்டினார் .
• தமிழ் பிராமணர்களில் ஒரு பிரிவினர் 'பகுதி நேர பரையர்'என்று இருக்கிறார்கள் ! உண்மையாகவா என்று கேட்பவர்களுக்கு இதோ ஆதாரம் !இவர்கள்   'மத்தியான பரையர் 'என்று அழைக்கப்படுகிறார்கள் . அது  என்ன  'மத்தியான பரையர்? மத்தியானம் மட்டும் பரையர்களா ?அதை குறித்து ஒரு சுவையான ஐதீகம்  உள்ளது .இதோ  கீழே:                        A subdivision of Tamil Brahmans as Madyana Paraiyans.

  Prathamasaki:These Brahmans were sometimes called Prathamasaka, In the Tanjore district, the Prathamasakis are said to be known as Madyana Paraiyans. The following quaint legend is recorded in the Gazetteer of that district: " The god of the Tiruvalur temple was entreated by a pujari of this place (Koiltirumulam) to be present in the village at a sacrifice in his (the god's) honour. The deity consented at length, but gave warning that he would come in a very unwelcome shape.He appeared as a Paraiyan (Pariah) with beef on his back, and followed by the four Vedas in the form of dogs, and took his part in the sacrifice thus accoutred and attended. All the Brahmans who were present ran away, and the god was so incensed that he condemned them to be Paraiyans for one hour in the day, from noon till 1 P.M., ever afterwards. There is a class of Brahmans called midday Paraiyans, who are found in several districts, and a colony of whom reside at Sedanipuram five miles from Nannilam. It is believed throughout the Tanjore district that the midday Paraiyans are the descendants of the Brahmans thus cursed by the god. They are supposed to expiate their defilement by staying outside their houses for an hour and a half every day at midday, and to bathe afterwards; and, if they do this, they are much respected.                     

  தமிழாக்கம் :                                                                                                         பிராமணர்களில்  ஒரு பிரிவினர் 'ப்ரதம சகி 'பிராமணர்கள் எனப்படுவார்கள் .தஞ்சாவூர் மாவட்டத்தில் இவர்களை  'மத்தியான பரையர் 'என்று அழைப்பார்கள் .இதற்கான வினோதமான கதை மாவட்ட அரசு இதழில் இருக்கிறது.                                                                                                                       "கோயில் முற்றம் சேர்ந்த ஒரு பூசாரி, திருவள்ளுவர் கோயில் கடவுளை ,தன்னுடைய ஊரில் நடக்கும் பலி திருவிழாவில் பங்கெடுக்க வேண்டினார் .அந்த கடவுள் 'நான் வருவேன் ஆனால் நீ விரும்பாத ஒரு வடிவில் வருவேன் .'என்றார் .அவர் முதுகில் மாட்டுக்கறி சுமந்த ஒரு பரையனாக வந்தார் .அவர் பின்னால் 4 வேதங்களும் 4 நாய்களாக வந்தது .அதைப்பார்த்து அங்கிருந்த பிராமணர்கள் அலறி அடித்து ஓடி விட்டனர் .இதை பார்த்த கடவுளுக்கு பயங்கர கோபம் வந்தது .அதனால் அவர் அந்த  பிராமணர்கள் எல்லோரும்  தினமும் மதியம் 12 மணி முதல் 1 மணி வரை பரையராக இருக்கும்படியாக சாபமிட்டார் .இந்த பிராமணர்கள்  'மத்தியான பரையர்' எனப்படுவார்கள் .இவர்கள் எல்லா மாவட்டங்களிலும் இருந்தாலும் ,நன்னிலத்திலிருந்து 5 மைல் தொலைவிலிருக்கும் சேதனிபுரம் ஊரில் ஒரு அக்ராஹாரமாக  அதிகமாக உள்ளனர் .தஞ்சாவூர் மாவட்டம் முழுவதும் இந்த  'மத்தியான பரையர்' பிராமணர்கள் வழி வந்த சபிக்கப்பட்ட வர்கள் என்று நம்புகிறார்கள் .இவர்கள் சாபம் தீர தினமும் ஒன்றரை மணி நேரம் வீட்டிற்கு வெளியே இருந்து விட்டு ,பின்னர் குளித்த பின் உள்ளே செல்வர் .அப்படி செய்தால் அவர்கள் மதிக்கப்படுவர் ."

• திருவிதாங்கூர் பரையர்கள் பற்றிய ஒரு பதிவு இவ்வாறாக கூறுகிறது :                                                                                                                             The following extract is taken from a note on the Paraiyans of Travancore.
  In the Keralolpathi, they are classed as one of the sixteen hill tribes. Concerning their origin the following tradition is current. They were originally Brahmans, but, on certain coparceners partitioning the common inheritance, the carcase of a cow, which was one of the articles to be partitioned, was burnt as being useless. A drop of oil fell from the burning animal on to one of the parties, and he licked it up with his tongue. For this act he was cast out of society, and his descendants, under the name of Paraiyas, became cow-eaters.
  
  The Paraiyars of Northern Travancore held a traditional belief "that they were a division of the Brahmans, who were entrapped into a breach of caste by their enemies, through making them eat beef."                                                                                                     தமிழாக்கம் :                                                                                                      "பரையர்கள் முதலில் பிராமணர்களாகத்தான் இருந்தார்கள்.ஒரு முறை சொத்து பிரிக்கும் போது ,ஒரு இறந்த பசுவை ,பயனில்லாததால் எரித்தனர் .அதிலிருந்து ஒரு சொட்டு நெய் விழுந்ததும் ,ஒரு பங்காளி அதை   நாக்கினால்  நக்கினான் .அந்த செயலுக்காக அவனுடைய கூட்டத்தை ஒதுக்கி வைத்தனர் .அவர்கள் வழி வந்த மாடு சாப்பிடும் இனம் தான் பரையராகிற்று .ஆக மாட்டிறைச்சி சாப்பிட்ட   பிராமணர்களின் ஒரு பிரிவு பரையராகிற்று .இது ஒரு சதியால் நடந்தது . "                                                        
• பரையர்கள்  பற்றி  கேரளாவில் உலவும் ஒரு ஐதீகம் :                                            In Kerala the most important Legend of Parayi petta panthirukulam, Pakkanar (Paraiyar) was one of the twelve children of a great Brahmin Vararuchi and his low caste wife. The story or myth states that During Vararuchi's travels along the Nila river, his wife had given birth to twelve children. The children left out in the forest were subsequently found, adopted and raised by families belonging to different communities, recognised one another as they grew up. Those twelve sons were: Mezhathol Agnihothri (Brahman), Pakkanar (Parayan), Rajakan (Washerman), Naranath Bhranthan (Elayathu, a lower class Brahman), Kaarakkal Maatha (high caste Nair), Akavoor Chaathan (Vysyan), Vaduthala Nair (Nair Soldier), Vallon (Thiruvalluvar of Tamil Nadu), Uppukottan (Muslim), Paananaar (Paanan, a low caste of country musicians), Perumthachan (carpenter), Vaayillaakkunnilappan (deity).                   
1. தமிழாக்கம் :                                                                                                       "பறையி பேட்டை பந்திரகுலம் பாக்கனார் (பரையர்) பற்றி கேரளாவில் உலவும் ஒரு ஐதீகம்.அவர் வரருஷி என்ற மகா பிராமணருக்கும் அவருடைய கீழ் ஜாதி மனைவிக்கும் பிறந்தவராகும் .நிலா ஆற்றின் கரையில் பயணித்தபோது அவர் மனைவிக்கு 12 பிள்ளைகள் பிறந்தன.அந்த பிள்ளைகளை அவர்கள் காட்டில் விட்டு விட்டு சென்று விட்டனர் .அந்த 12 பிள்ளைகளையும்  12 வெவ்வேறு ஜாதியினர் தத்து எடுத்து வளர்த்தனர் .அவர்கள் வளர்ந்ததும் ,ஒருவரை ஒருவர் அடையாளம் கண்டு கொண்டனர் .                                                                           அந்த 12 பேரும் முறையே :                                                      1.மேளத்தோல் அக்னி ஹோத்ரி (பிராமணர் )
2. பாக்கனார் (பரையர்)
3. ராஜக்கன் (வண்ணார் 
4. நரந்த பிரான்தன் ( தாழ் பிராமணர்)
5. காராக்கல் மாதா (நாயர் )
6. அகவூர் சாத்தன் (வைஷ்யன் )
7. வடுதலா நாயர் (நாயர் வீரர் )
8. வல்லோன் (தமிழ் நாட்டு திருவள்ளுவர் )
9. உப்புகோட்டன் (முஸ்லீம் )
10. பாணன் (கீழ் ஜாதி இசை கலைஞன் )
11. பெரும்தச்சன் (தச்சன் )
12. வாயில்லக்குந்நிலப்பன் (தெய்வம் )

ஆக ,எல்லா ஜாதியினரும் பிராமணருக்கும் ,பரையருக்கும்  ஏதோ  ஒரு வகையில் சம்பந்தப்பட்டிருப்பது  போல் ஒரு ஐதீகத்தை உலவ விட்டிருக்கிறார்கள் . இதன் நோக்கம் , மொத்தத்தில் எல்லா ஜாதியும் ஒன்று தான் என்பதை குறிக்கவும் இருக்கலாம் . இதில் , பிராமணர்களுக்கு அடுத்தாற்போல் , பரையர்களுக்கு  2 வது இடம் இருப்பதை கவனிக்கவும் .

•  .எம்மா ஹரித் என்ற வலைப்பதிவர் இவ்வாறாக கூறுகிறார் :http://parlimenfb.blogspot.in/2011/10/paraiyar-and-brahmin-connection.html
  
  
  
  Paraiyar and Brahmin connection
  
  
  All the Paraiyars have Y-chromosome haplogroup, Haplogroup G, specifically Haplogroup G2a3b1 (Y-DNA). This shows the Paraiyar males are Caucasians. This Haplogroup G2a3b1 is also found in 10% of Iyer and 13% o...f Iyengar Brahmins.[13][14] The Aryan Brahmins have Haplogroup R1a & Haplogroup R2.[13][14]
  
  
  All the Paraiyars have Y-chromosome haplogroup, Haplogroup G, specifically Haplogroup G2a3b1 (Y-DNA). This shows the Paraiyar males are Caucasians.                            " பரையர்கள் எல்லோருக்கும் 'ஒய் ' மரபணு 'ஹப்லாகுரூப்  ஜி 'உள்ளது .இது பரையர் ஆண்கள் 'காக்கசியன் 'என்று காட்டுகிறது .இதே மரபணு 10% ஐயர்களுக்கும் ,13%ஐயங்கார்களுக்கும் உள்ளது .ஆக ,மரபணு ஆராய்ச்சியும் பிராமணர்களுக்கும் பரையர்களுக்கும் உள்ள தொடர்பை உறுதி செய்கிறது .                                                                                                    இதைக்குறித்து இன்னும் பல பதிவுகள் /சான்றுகள் உள்ளன .இடமின்மையால் இத்துடன் முடிக்கிறேன் .

ஆக ,பரையர்கள் தான் பூணூலுக்கு சொந்தக்காரர்களா , இந்த நாட்டின் ஆதி ஐயர்களா என்ற கேள்விகளுக்கு  பதிலை உங்களிடம் விட்டு விடுகிறேன் .இந்த   ஆராய்ச்சியின் முடிவு  பரையர் தான் முதல் (original) ஐயர் ,ஆகவே அவர்கள் உயர் சாதி என்பதல்ல .மாறாக ,பரையர் நாம் நினைப்பது போல் தாழ்ந்த சாதி அல்ல என்பது தான் .எல்லா தமிழர்களும் உயர்ந்தவர்களே !கல் தோன்றி மண் தோன்றாக் காலத்தே முன் தோன்றி மூத்த குடியில் யார் தாழ்ந்தவர் இருக்கமுடியும் ?அதுவும் பரையர் முதல் தமிழர் என்று சொல்லப்படும் நிலையில் உள்ள தமிழர் எப்படி தாழ்ந்தவராய் இருக்க முடியும் ?
                   சாதி பாகுபாடு தமிழர்களிடம் இருந்ததில்லை.தொழில் சார்ந்த  பல பிரிவுகள் இருந்தன என்பது உண்மை . கொல்லர் ,வண்ணார் ,பாணர் ,போன்றவை இருந்தாலும் ,அவைகள் சமுதாயத்தில் சமமாகவே இருந்தன .ஒன்றன் கீழ் ஒன்று என்ற கட்டமைப்பு இல்லை .உயர்ந்தோர் ,தாழ்ந்தோர் இல்லை .திருமணங்கள்  காதல் முறையில் ,களவு வழியில் எளிதாய் நடந்தன .ஆணவக்கொலைகள் நடக்கவில்லை .சாதிய அமைப்பு, பின்னர் வந்தேறிய  அந்நியர்கள் ,தமிழர்களை எளிதாய் ஆள  வகுக்கப்பட்ட சதியமைப்பே என்பதை புரிந்து கொள்வோம் .  நன்றி .

--------------------------------------------------------------------------------------------------------------------------

பொறுப்பு துறப்பு : ஆதாரங்கள் ,மேற்கோள்கள் காப்புரிமை மீறல்கள் இல்லாமல் பொது தகவல் தளங்கள் மூலமாக பயன்படுத்தப்பட்டுள்ளன.இது ஒரு ஆராய்ச்சி கட்டுரை. இதில் வரும் கருத்துக்கள், தகவல்கள் எந்த தனி மனிதனையே அல்லது சமூகத்தையோ  புண்படுத்தும் நோக்கில் எழுதப்பட்டது அல்ல.