தமிழ் நாடு தமிழர் கையை விட்டு மெதுவாக நழுவுகிறதா ?

திண்டுக்கல் தலப்பாக்கட்டி பிரியாணி தமிழ் நாட்டின் ஒரு சிறந்த அடையாள உணவாக உருவெடுத்து உலகெங்கிலும் பேசப்பட்டு வரும் ஒரு உணவு  .சமீபத்தில் சென்னையில் திண்டுக்கல் தலப்பாக்கட்டி  கடைக்கு சென்று பார்த்தால், உணவு ஆணை எடுப்பவருக்கு தமிழ் தெரியாததை கண்டு திடுக்கிட்டேன் .தமிழ் நாட்டில் ,தமிழ் உணவிற்கு ,தமிழ் அறியாத ஒரு வடவர் ,அதுவும் தமிழ் நாட்டின் தலை நகரில் ஆணை எடுப்பது எதை காட்டுகிறது ?
                                             நீங்கள் சொல்லலாம் ,தமிழர்கள் கூடத்தான் வட இந்தியாவில் வேலை செய்யவில்லையா ?மும்பையில் எவ்வளவு தமிழர்கள் பிழைப்பு நடத்திக் கொண்டிருக்கிறார்கள் ?நாம் அங்கு செல்லும் போது ,அவர்கள் இங்கு வருவதில் என்ன தப்பு ?நியாமான கேள்விதான் !
                                 தமிழர்கள் அங்கு செல்வதற்கும் ,வடவர் இங்கு வருவதற்கும் ஒரு பெரிய வேறுபாடு உள்ளது .தமிழர் அங்கு சென்றால் இந்தி படித்து அங்குள்ளவர்களை மதித்து வேலை செய்வார் .அங்கு வேலை செய்து பிழைப்பதை தவிர ,பெரிய அளவில் சொத்துக்கள் வாங்குவதோ ,அவர்களை அடக்கி ஆளவோ நினைப்பதில்லை .ஆனால் ,இங்கு வரும் பானி பூரிக்காரர்கள் கூட தமிழ் கற்பதில்லை ,வரும் போதே அவர்கள் பணிவோடு வருவதில்லை .ஒரு ஆளப்பிறந்தவரின் ஆணவத்தோடு தான் வருகிறார்கள் .இந்தி தான் இந்தியாவின் தேசிய மொழி என்று தப்பாக ஆனால் உறுதியாக நம்புகிறார்கள் .படித்தவர் ஆனாலும் பாமரர் ஆனாலும் மோதியைப் போல் அதை உண்மையென்று நம்புகிறார்கள் .
                                  மெதுவாக ஆனால் ஒரு திடமான திட்டத்தோடு அவர்கள் காய் நகர்த்துகிறார்கள் .ரயில் பெட்டி தொழிற்சாலை போன்ற தமிழ் நாட்டின் எல்லா மத்திய அரசு நிறுவனங்களிலும் பெருமளவில் வடவர்கள் நுழைந்து கொண்டு இருக்கிறார்கள் .ஊழியர்கள் எண்ணிக்கையில் தமிழ் நாட்டின் நிறுவனங்களில்   தமிழர்களின் சதவிகிதம் பெருமளவில் குறைக்கப்பட்டு கொண்டிருக்கிறது ஒரு உண்மை .நெய்வேலி அனல் மின் நிலையத்தில் ஒப்பந்தக்காரர்கள் கூட வடவர்கள் அதிகம் வந்து ஆக்கிரமித்து கொண்டிருக்கிறார்கள் .தமிழ் கட்டாயம் தெரிந்திருக்க வேண்டும் என்ற ,தபால் காரர் போன்ற வேலைக்கு கூட வடவர்கள் ஏதோ சித்து வேலை செய்து வருவதை நாம் கண் கூடாக காண்கிறோம் .தமிழர்களை போல் அவர்கள் அற வழியில் தான் பதவிக்கு வர வேண்டும் என்று எண்ணுவதில்லை .தேர்வு கேள்வி தாளை விலைக்கு விற்பது ,வாங்குவது ,விடைகளை பார்த்து எழுதுவது எல்லாம் அவர்கள் பண்பாடு .அவர்களிடம் அந்த வழியில் தமிழர் போட்டி போட நிச்சயம் முடியாது .
                                     இந்தியின் ஆதிக்கம் தென் தமிழ் நாட்டின் எல்லை வரை வந்து விட்டது .கோவையில் 'க்சிப்ட்ட 'என்று அசிங்கமான வடமொழி பெயருடன் ஒரு பல்லடுக்கு வீட்டு வசதி கட்டப்பட்டிருக்கிறது .இதுபோல் பல ,வாயில் நுழையாத வடமொழி பெயருடன் கோவையில் முளைத்திருக்கிறது .வடவர்கள் தமிழ் நாட்டின் பெருவீட்டு திட்டங்களில் அதிகம் நுழைந்து விட்டனர் என்பது கண்கூடு ..அங்கிருக்கும் காவல்காரர்கள்க்கு கூட   தமிழ் தெரியாது .
                                          தமிழ் நாட்டின் விமான நிலையங்களில் இந்தி ஆதிக்கம் மேலோங்கி இருக்கிறது .சமீபத்தில் திருச்சி விமான நிலையத்தில் காவலர் ஒருவர் ,தமிழில் பேசிய பயணியிடம் இந்தியில் திமிராக பதில் சொல்லி தகராறு ஆகியது .தமிழ் நாட்டில் வேலை பார்க்கும் எவருக்கும் தமிழ் தெரிய வேண்டும் என்பது இன்னும் கட்டாயமாக்கப் படவில்லை .சிங்கப்பூர் விமான சேவை ,பிரிட்டிஷ் விமான சேவையெல்லாம் தமிழில் அறிவிப்பு செய்யும் போது ,தமிழின் பிறப்பிடமான இந்தியாவில் அதை புறக்கணிப்பது எப்படி நியாயம் ஆகும் ?
                                            ஆக ,தமிழ் நாட்டில்  தமிழர் இடம் ,மொழி ,பண்பாடு எல்லாம் அழிக்கப்பட்டு கொண்டிருக்கிறது .தமிழ் நாடு தமிழர் கையயை விட்டு நழுவிக் கொண்டிருப்பதை இன்னும் கூட  நாம் உணரவில்லை என்றால் நாம் அறிவில்லாதவர்கள் என்று தான் பொருள் .
சரி ,இதற்கு தமிழர் என்ன செய்யலாம் ?
                                           தமிழ் நாட்டின் இந்த பரிதாப நிலைக்கு வடவர்கள் மட்டும் தான் காரணம் என்று சொல்ல முடியாது .இதற்கு  பெரும் பொறுப்பு தமிழர்கள் தான் என்றால் அதையும்  மறுக்க முடியாது .எப்படி தமிழர்கள் இதற்கு பொறுப்பாக முடியும் ?

• தமிழ் நாட்டில்  வேலையில்லாத தமிழர்கள் எவ்வளவு பேர் இருப்பார்கள் ?டெக்கான் கிரோனிகில் செய்தி படி 2018 ல்  1 கோடி பேர்  தமிழகத்தில் வேலை தேடிக்கொண்டிருக்கிறார்கள் .(தமிழ் நாட்டில் வேலையின்மை ) ஆனால் ,இவர்களுக்கு வேலை கொடுக்காமல் 10 லட்சம் வட இந்தியர்களை தமிழ் நாட்டில் வேலைக்கு இறக்கு மதி செய்து கொண்டு வருவது யார் ? வட வர்களா ? இல்லை !பெரும்பாலும் தமிழ் முதலாளிகள் தாம் முகவர்கள் மூலமாக அவர்களை இங்கு பணியமர்த்துகிறார்கள் . எடுத்துக்காட்டாக ,கோவை மருத்துவ மையத்தில், எங்கு பார்த்தாலும் ,தமிழில் ஒரு சொல் கூட தெரியாதவர்கள் தாம் ,உணவக சேவையிலும் சுத்தம் சேவையிலும் இருக்கிறார்கள் .ஏன் தமிழர்கள் தமிழர்களை பணியமர்த்தக் கூடாது ?உலகெங்கும் தமிழர்கள் வேலை செய்யும் போது தமிழ் நாட்டில் மட்டும் ஏன் செய்ய மாட்டார்கள் என்று நினைக்க வேண்டும் ?
• அடுத்ததாக ,இங்கு உணவகத்தில் வேலை செய்யும் வடவரிடம்  'தண்ணி கொண்டு வா 'என்றால் அவர்கள் பாட்டுக்கு கேளாதது போல் போய் விடுகிறார்கள்.இதற்கு காரணமும் தமிழர் தான் .இறக்குமதி செய்யப்பட்ட  அவர்களுக்கு அடிப்படை தமிழ் கூட சொல்லி கொடுப்பதில்லை .அவர்களாக கற்றுக்கொள்ளும் ஆர்வம் இல்லாதவர்களுக்கு நாமாக தமிழ் சொல்லிக் கொடுத்தால் ,ஆர்வம் உள்ளவர்கள் நிச்சயமாக பயனடைவார்கள் .இப்போது வட மானில தொழிலாளர்களுக்காக தமிழ் கடை உரிமையாளர்கள் இந்தி படிக்கும் நிலைக்கு தள்ளப் படுகிறார்கள் .குறிப்பாக ,அலைபேசி மறு ஊட்டம் செய்ய வரும் வட வர்களிடம் பேச இந்தி படிக்கும் நிலை வருகிறது .கேரளா வரும் வடவர்களுக்கு ,கேரள அரசே இலவசமாக மலையாளம் கற்றுக் கொடுக்கிறது .அது போல் தமிழக அரசோ அல்லது தமிழ் அமைப்புகளோ செய்யலாமே !
• தமிழ் நாட்டின் பணம் சுரக்கும் பசுக்கள் எல்லாம் அந்நியர் கையில் தான் உள்ளது .எடுத்துக்காட்டாக ,தமிழ் திரை துறையை சொல்லலாம் .மலையாளத்து மக்கள் திலகம் கன்னடத்து பைங்கிளியோடு ஆட ,பின்னணியில் ஆந்திர குயில் சுசிலா பாட கைத்தட்டலோடு காசும் கொடுப்பது மட்டும் ஏமாந்த தமிழர்கள் !எல்லோரையும் வரவேற்கும் தமிழனை மதிக்கிறார்களா வந்தவர்கள் ?இல்லை ,வீட்டார்களுக்கு விருந்தாளிகள் குழி பறிக்கிறார்களா ?விடை உங்களுக்கே தெரியும் !
• காட்சி ஊடகங்களில் இந்தி விளம்பரங்கள் வருகிறதென்றால் அதற்கு காரணம் அதன் தமிழ் உரிமையாளர்களே .அவைகளை காட்ட முடியாது என்று தமிழுக்காக அவர்கள் மறுப்பதில்லை .பணத்திற்காக தமிழை விற்று விடும் அவல நிலையை தான்  காண்கிறோம் .
• மத்திய அரசின் திட்டங்களை புரியாத இந்தியில் விளம்பரம் செய்து ,தமிழர்களுக்கு அதன் பயன் கொஞ்சமும் செல்லாமல் பார்த்துக்கொள்கிறார்கள் .எடுத்துக் காட்டாக ,மலிவு விலையில் மருந்து கிடைக்க ஒரு மத்திய அரசின் திட்டம் உள்ளது .இதன் பெயர் வாயில் நுழையாத 'ஜன் அவவ்சதி  கேந்திர '.எந்த தமிழருக்கும் இது புரிய வாய்ப்பில்லை .புரியாததால்  இந்த திட்டத்தின் கீழ் தமிழர்கள் பயன் பெற மாட்டார்கள் .இந்த போக்கை தமிழக அரசு எதிர்த்து ,அந்த திட்டங்களுக்கு தமிழ் நாட்டில் தமிழ் பெயரிட வலியுறுத்தலாம் .தமிழக அரசே செயல் படுத்தும் திட்டங்களுக்கு  அவர்களே தமிழ் பெயரிடலாம் .எடுத்துகாட்டாக ,'ஸ்வட்ச் பாரத் ' என்பது 'தூய்மை இந்தியா 'என மொழி பெயர்க்கலாம் .
• தமிழர்கள் தங்கள் நிலப்பரப்பை அதிகரிக்க முயற்சி எடுப்பதில்லை என்பது வருத்தத்திற்கு உரிய ஒரு விடயம் ஆகும் .எடுத்துக்காட்டாக ,மும்பை தாராவியில் சுமார் 5 லட்சம் தமிழர்கள் வாழ்கிறார்கள் .ஆனால் ,தாராவியின் பெயர் 'தமிழ் நகர் 'என்று மாற்றப்பட வில்லை .பெங்களூரில் 22 லட்சம் தமிழர்கள் வாழ்கிறார்கள் .பெங்களூரின் ஒரு பகுதிக்கும் தமிழ் பெயர் இடப்படவில்லை .ஆனால் ,தமிழ் நாட்டின் கோவையில் ,எங்கிருந்தோ வந்த தெலுங்கர்கள் ,ஒரு தெலுங்குபாளையம் 'என்று ஒரு பகுதிக்கு துணிச்சலாக பெயர் வைக்கிறார்கள் .'நாயுடு பேட்டை,கொண்டாரெட்டி பட்டி ,ரெட்டியார்பட்டி  'என்கிறார்கள் .வடஇந்திய மார்வாடிகள் ,சென்னையின் ஒரு பகுதிக்கு 'சௌகார்பேட் 'என்று பெயரிடுகிறார்கள் .தமிழ் நாட்டின் பல பகுதிகள் /தெருக்கள் தமிழர் அல்லாதவர் பெயரில் இருப்பதற்கு தமிழரின் ஏமாந்த குணமே காரணம் என்கிறார்கள் தமிழ் ஆய்வாளர்கள் ..தமிழ் நாட்டில் எங்கேயாவது ஒரு 'பறையனூர் ,நாடார் மங்கலம் ,வன்னியபுதூர் ,பள்ளனூர்  என்றெல்லாம் தமிழர் பெயரில் ஊர்களோ ,இடங்களோ பார்த்திருக்கிறீர்களா ? அம்மாதிரி பெயர்கள் பிரிவினையை தூண்டும் ஜாதிப் பெயர்கள் என்று சொல்லிவிடுவார்கள் .அது போல் தானே 'தெலுங்குபாளையம் '?அதை ஏன் நாம் எதிர்ப்பதில்லை ?இதுவரை இதைப்பற்றி சிந்தித்திருக்கிறீர்களா  ?
• நம்மில் எத்தனை பேர் உத்தர பிரதேசில் நிலம் வாங்கி வைத்திருக்கிறோம் ?ஆனால் ,வட இந்திய நில நிறுவனம் ஒன்று கோவில்பட்டி அருகில் ஆயிரக்கணக்கான ஏக்கர் நிலங்களே வாங்கி வட நாட்டவர் பெயரில் பதிவு செய்துகொண்டிருக்கிறது .நெல்லை மாவட்டத்தில் சுமார் 7000 ஏக்கர் நிலத்தை ஒரு பணக்கார மலையாளி வாங்கியிருக்கிறார் .ஊட்டி ,குன்னூர் ,கொடைக்கானல் போன்ற மலை ஊர்களில் எல்லாம் வடவரும் ,மலையாளிகளும் நிறைய சொத்துக்கள் வாங்குகிறார்கள் .கல்லூரி ,மருத்துவமனை ,வியாபார இடங்கள் என்ற பெயரில் தமிழ் நாட்டில் தமிழரல்லாதோர் இடங்களை வாங்கி வைத்திருக்கிறார்கள் .விற்பது தமிழர்கள் தாம் .தமிழர்கள் ,தமிழருக்கு தான் நில விற்பனையில் முன்னுரிமை கொடுக்க வேண்டும் என்று ஏன் ஒரு உணர்வில்லை ?
• முடிவாக ,தமிழ் நாட்டில் இருக்கும் எல்லா தொழிலகங்களும் ,நிறுவனங்களும் குறைந்த பட்சம் 75% தமிழர்களை நியமிக்க வேண்டும் என்று தமிழக அரசு சட்டம் இயற்ற தமிழர்கள் கேட்க வேண்டும் .

இவையெல்லாம் செய்யா விட்டால் என்ன ஆகும் ?பெரிதாக ஒன்றும் நடக்காது !நாம் வீடில்லாத அனாதைகள் ஆவோம் !அவ்வளவு தான் !உலகாண்ட தமிழர்கள் தம் பெரும் நில பரப்பை மெதுவாக இழந்து ,இழந்து ,ஒரு சிறிய நிலப்பரப்பான தமிழ் நாட்டில் இப்போது வாழ்ந்து கொண்டிருக்கின்றனர் .அதுவும் போய்விடும் .அவ்வளவுதான் !

                                                                             சரி , நிலப்பரப்பை அதிகரிக்க தான் தமிழனுக்கு எண்ணம் இல்லை .இருக்கும் நிலப்பரப்பை காக்க வேண்டும் என்ற எண்ணமாவது தமிழனுக்கு உண்டா என்றால் ,அதுவும் இல்லை என்றே சொல்லவேண்டியிருக்கிறது .
 இந்தியாவின் பூர்வ குடிகள் தமிழர் தாம் என்பதை அறிஞர் அம்பேத்கர் அவர்களே சொல்லியிருக்கிறார் .பூர்வ குடிகளாக ஒரு சமயம் இந்திய துணைக்கண்டம் முழுவதும் தமிழர் கையில் இருந்தது .முதலில்  குமரிக் கண்டத்தை இழந்தோம் .பின்னர் சிந்து நதி பரப்பினை இழந்தோம் .சமீபத்தில் மொழிவாரி பிரிப்பின் போது தேவிகுளம் ,பீர்மேடு ,சித்தூர் ,கோலார் போன்ற நிலப்பரப்பு மொத்தம் சுமார் 70,000 சதுர கிலோமீட்டரை இழந்தோம் .
                             போதாதென்று ,இந்தியாவிற்கு வெளியே சுமேரியாவை இழந்தோம் .ஆஸ்திரேலியாவை இழந்தோம் .ஆப்பிரிக்காவை இழந்தோம் .ஈழத்தை இழந்தோம் .
                                               இப்போது இருப்பதோ சரியாக 1,30,000 சதுர கிலோமீட்டர் பரப்புடைய ஒரு சிறிய தமிழ் நாடு தான் .இதையும் தமிழர்களிடம் இருந்து மெதுவாக சுரண்டும் முயற்சி நடந்து கொண்டிருக்கிறது .ஒரு இனம் தம் நிலத்தை  இழந்தால் அது  அழியும் நிலைக்கு தள்ளப்படும் .அதனால் தான் நாய் கூட தன் நிலப்பரப்பை பகைவர்களிடமிருந்து உயிரைக் கொடுத்தேனும் காக்கும் .
                               தமிழ் நாட்டை  இழந்தால் தமிழர்கள் வாழ்வதற்கு ஒரே வழி தான் மிஞ்சும் .அவர்கள் கடல் வாழ் உயிரினமாக மாறி ,இந்து மாக்கடலில் குதிப்பது ஒன்று தான் அவ்வழி !

                    தூங்கியது போதும் தமிழா ! விழிக்கும் நேரம் வந்து விட்டது !ஏமாந்தது போதும் !எழுந்து வா நம் இனம் காக்க !நம் நிலம் காக்க !

எம் .ஜி .ஆர் இருந்திருந்தால் 'காலா' வில் நடித்திருப்பாரா ?

எம் .ஜி .ஆர் ஒரு ஏழைப் பங்காளனாக திரையிலும் ,நிஜ வாழ்க்கையிலும் திகழ்ந்தார் என்பதை நாம் மறுக்க முடியாது .எல்லா ஏழைகள் பாத்திரத்திலும் அவர் தோன்றி ஜொலித்திருக்கிறார் .மீனவனாக வருவார் .ரிக்க்ஷா ஓட்டியாக வருவார் .தொழிலாளியாக தோன்றி முதலாளியை எதிர்ப்பார் .உழவனாக வருவார் .'நிழல் வேண்டும் போது ,மரம் ஒன்று உண்டு ;பகை வந்த போது ,துணை ஒன்று உண்டு !'என்றெல்லாம் பாடுவார் !
ஆனால் ,இவர்கள் எல்லோருக்கும் மேலாக துன்பப்படும் /துன்பப்படுத்தப் படும் 'தலித்தாக 'மட்டும் வரவே மாட்டார் !
                                                                                   அது போல் ,கலைஞர் கொடுங்கோல் அரசருக்கு எதிராக கொந்தளிக்கும் வசனங்களை அனலாய் ஊற்றுவார் .அந்தணரின் கொள்கைகளுக்கு எதிராய் பாமரனுக்காக எழுதுவார் .ஆனால் ,ஒரு படத்திலாவது தலித்துக்கு சாதகமாய் ,தீண்டாமைக்கு எதிராய் அவருடைய எழுது கோல் கர்ஜித்தது உண்டா ?
                         நீண்ட   இந்திய திரை வரலாற்றில் , சிவாஜியாகட்டும் ,மம்மூட்டியாகட்டும் ,அமிதாப் ஆகட்டும் ,ஏன் ஒருவர் கூட ஒரு  பாதிக்கப்பட்ட தலித்தாக ஒரு படத்தில் கூட நடித்ததில்லை ?
                                        இவர்கள் யாரும் செய்ய மறுத்ததை ரஜினி துணிச்சலுடன் செய்திருக்கிறார் என்பது பாராட்டுக்குரியது .இன்று இந்தியா முழுவதும் 'காலா'வின் வசூலை பற்றி பேசாமல் ,ரஞ்சித்தின் கருத்து புரட்சி பற்றி பேசுவதே அவருக்கு ஒரு பெரிய வெற்றியாகும் .
 '                         திரை துறையும் ஏன் சாதியம் பார்க்கிறது ?'என்ற கேள்வி பாலிவுட் ,கோலிவுட் தளங்களில் பேச்சாக மாற வைத்திருக்கிறார் இயக்குனர் பா .ரஞ்சித் !ஒரு வேளை இந்தப் படம் வணிக ரீதியாக தோல்வியடைந்தால் கூட  ,அது பா .ரஞ்சித் அவருடைய கருத்து புரட்சிக்கு கொடுத்த விலையாக எடுத்துக்கொள்ளலாமா ? .இல்லை ,தலித் அல்லாதவர் இந்த திரைப் படத்தை ஆணவக் கொலை செய்ததாக எடுத்துக்கொள்ளலாம் !எதுவாயிருந்தாலும் ,திரைத் துறையில் ஒரு மாபெரும் கருத்தியல் புரட்சி நடந்ததை திருப்பி அனுப்ப முடியாது !பற்பசை குழாயிலிருந்து வெளியே பிசுக்கப்பட்ட பசையை போல !

அந்த காமக்கண்கள் தந்தது யார் ?

ஓவ்வொரு ஆணின்  வாழ்விலும்  பெண்  என்பவள் ஒரு பெரும்  பங்காற்றுகிறாள் என்பதை மறுக்க முடியாது .பிறந்ததும் தாயின் காக்கும் அரவணைப்பு .பின்னர் அன்பு அக்கா .அடிப்பதற்கு ஒரு அழகான குட்டித் தங்கை !பின் இளமையில் கிளுகிளுப்பூட்டும் ஜோடிப் புறவாக ஒரு இளம் பெண் !பின்னர்  மனைவி !மகள் !பேத்தி என்று  !
                       இவர்கள் எல்லோருக்கும் ஆண் தனித்  தனிப்   பார்வை வைத்துள்ளான் .பொதுவாக அன்புக் கண்ணோடு தான் எல்லாப் பெண்களையும்   அவன் பார்க்கிறான் .இதற்கு விலக்கு  உண்டு .அத்தை மகளையோ ,அல்லது காதலியையோ மட்டும் காதல் கண்ணோடு அவன் பார்க்கக்கூடும் .மணமான பின் மனைவியை அவன் காமக்கண்ணோடு  பார்க்கவும்    உரிமையுண்டு .
                                                       இதுவரை இந்த நடை  முறை நம் சமுதாயத்தை நல்ல முறையில் இயக்கி கொண்டிருந்தது .குட்டி பெண்கள் தெருவில் விளையாடி கொண்டிருந்தால் ஆண்கள் அவர்களை அன்புடன் கன்னத்தை தட்டி விட்டு ,மகள் போல் கொஞ்சி விட்டு செல்வது வழக்கம் .
                                          ஆனால் ,சமீப காலத்தில் இந்த பார்வை  மாறி ,கோயிலில் விளையாடிக்  கொண்டிருந்த ஒரு குட்டி பாப்பாவை பூசாரியே மறைவான இடத்திற்கு அழைத்து சென்று பாலியல் வன்முறை செய்திருக்கிறார் . சித்தப்பா ஒருவர் , மகள் முறையில் உள்ள ஒரு  சிறுமியை காமக் கண்களோடு பார்த்திருக்கிறார் .ஆசிரியர் ,மாணவியை மனைவியாக பார்த்திருக்கிறார்.70 வயது பாட்டியை பலர் சேர்ந்து கூட்டு பாலியல் வன்முறை செய்திருக்கிறார்கள் .குர்கானில் ஒரு கர்ப்பிணிப் பெண்ணை பலர் கூட்டு வன்முறை செய்திருக்கிறார்கள் .இது போல் இன்னும் பல ...
கேள்வி என்னவென்றால் ,இதுவரையில்லாமல் இப்படி ஏன் இப்போது மட்டும் நடக்கிறது ?

                                                                  (படம் :ஒன் இண்டியா )
ஏன் ?ஏன் ?ஏன் ?ஏன் ?ஏன் ?
                                            இவ்வளவு நாளும் நடக்காத இந்த பாலியல் வன்முறை இப்போது நடப்பதற்கு  காரணம் தான் என்ன ?ஆண்களின் நடத்தை ஏன் இப்படியாக  மாறியிருக்கிறது ?உளவியல் காரணங்களா ,அல்லது உடலியல் காரணங்களா ?வாருங்கள்,ஆராயலாம்  !
                                    ஆண்களுக்கு பாலியல் உணர்வு என்பது இயற்கையிலே இள வயதில் உருவாகி ,அவ்வப்போது வெளியாவது வழக்கம் என்பது நாம் எல்லோரும் அறிந்ததே .அவர்கள் இனப் பெருக்க மண்டலத்தில் விந்தணுக்கள் உருவாகி ,அதற்கான பையில் நிறைந்தவுடன் ,அவர்களுக்கு பலத்த  பாலுணர்வு தலையெடுக்கும் .இந்த வேளையில் அந்த விந்துவை ஏதோ வழியில் வெளியேற்ற வேண்டிய மன நிலையில் ஆண்கள் தள்ளப்படுவார்கள் .இந்நேரத்தில் பெண்களைக் காணும் போது ,அந்தப் பாலுணர்வு அதிகரிக்கும் என்பதும்  உண்மை .
                      'காமம் 'என்பது ஒரு உடற்பசியாகும்  .இந்த உடல் பசியை பின் நின்று இயக்குவது தான் 'இச்சை 'எனும் ஒரு ஆவியாகும் .இந்த ஆவி மிக பலமானது என்பதால் இந்த ஆவியை கட்டுக்குள் வைப்பது ஒரு தனி மனிதனின் /சமுதாயத்தின் மேலான கடமையாகிறது .இதற்காக பலவிதமான கட்டுப்பாடுகளை நம் முன்னோர் உருவாக்கி வைத்துள்ளனர் .
அவைகளில் தலையானவை இதோ :

• எல்லாப் பெண்களையும்  தாயாக பார்க்க வைப்பது,இந்த ஆவியை மட்டுப்படுத்தும்  ஒரு வழியாகும்  .இன்னும் கூட தென் மாவட்டங்களில் இளம் பெண்களை 'தாய் 'என்று அழைக்கும் முறை கிராம புறங்களில் காணலாம் .குஜராத்தில் எல்லாப் பெண்களையும்  'சகோதரி 'யாக 'பெஹன் 'என்று அழைப்பார்கள் .
• இன்னும் அறிமுகமில்லா பெண்ணையும் 'அக்கா 'என்று அழைக்கும் முறை கோவையில் காணலாம் .
• பெண்கள் வெளியே அலைவது ,ஆளில்லா இடங்களுக்கு தனியே செல்வது போன்றவை தடை செய்யப் பட்டிருந்தன .
• பெண்கள் 'அடக்க ஒடுக்கமாக 'இருப்பது பெற்றோரால் உறுதி செய்யப் பட்டது .அவர்கள் உடலின் கவர்ச்சி பாகங்களை சரியாக மறைப்பது ,உட்காரும் போது ஒழுங்காக அமர்வது போன்றவையும் கற்று கொடுக்கப் பட்டன .
• பெண்கள் அளவுக்கதிகமாக சீவி முடிச்சி சிங்காரிப்பது பெரியவர்களால் கண்டிக்கப் பட்டது .
• பெண்கள் எப்போதும் தகப்பன் அல்லது சகோதரனின் பாதுகாப்பில் தான் இருப்பது முன்பு வழக்கமாயிருந்தது .

இப்போது என்ன நடக்கிறது ?

•  ஊடகங்களின் தாக்கம்

நம் அன்றாட வாழ்வில் முன்பு எப்போதும் இல்லாத அளவில் ஊடகங்களின் தாக்கம் இப்போது  அதிகரித்திருக்கிறது .தற்போதைய திரைப்  படங்களும் ,தொலைக் காட்சியும் பெண்களை ஒரு பாலியல் போகப் பொருளாக சித்தரிக்கின்றன .எல்லா வயது பெண்களையும் இது விடுவதில்லை .குட்டிப் பெண்களை காமப் பாட்டுகளுக்கு, உணர்வோடு ஆட வைக்கின்றன .'நேற்று ராத்திரி எம்மா 'என்று 10 வயது சிறுமி ஆட ,நடுவர் ஒருவர் 'இன்னும் முகத்தில் 'உணர்ச்சி 'தேவை 'என்று கூறும் அவல நிலைக்கு வந்திருக்கிறோம்.பெற்றோர்கள் தங்கள் பிள்ளைகளை இப்படி கேவலமாக ஆடவிட்டு ,பின்னர் இதை கண்ணீர் மல்க பாராட்டுவது பெருங் கொடுமை !

                                      தமிழ் பண்பாட்டில் இல்லாத காமப் பார்வையை ,தமிழரல்லாத கலைஞர்கள் தமிழ் நாட்டில் திணித்து கொண்டிருக்கின்றனர் .'சிக்கு புக்கு ரயிலே 'என்ற பாடலில் தான் முதலில் இந்த பார்வை அறிமுகமாகியது .ஒரு சிறுவன் ,தன் அக்கா வயதில் உள்ள பெண்ணை பார்த்து 'கலக்குது பார் இவ ஸ்டயிலே 'என்று பாடுவது போல ஒரு கேவலமான பாட்டு.இது பிரபலமாகி அக்காக்களை காமக் கண்ணோடு பார்க்க சொல்லியது .பின்னர் மணிரத்னம் 'ரோஜா 'படத்தில் அருவிக்கரையில் பாட்டிகளை அசிங்கமாக ஆடவைத்து,பாட்டிகளையும் காமக்கண்ணோடு பார்க்க வைத்தார் .

                               தொலைக்காட்சிகள் யாரையும் விட்டு வைப்பதில்லை .பெண்கள் கல்லூரி சென்று இளம் பெண்களை வைத்து கிளு கிளுப்பூட்டும் நிகழ்ச்சிகள் நடத்துகிறார்கள் .திருமணமான பெண்களை கொண்டு ஆட்டம் ,பாட்டம் ,கொண்டாட்டம் நடத்துகிறார்கள் .ஆக,24 மணி நேரமும் பெண், ஆணின் கண்களில் காமப் பொருளாக தோன்றிக்கொண்டு இருக்கும் ஒரு நிலை இப்போது உள்ளது  .விளம்பரங்களில் பெண்கள் வயி று  ,மார்பு அதிகமாக காட்டப்படுகிறது .'பிளாக் தண்டர் 'விளையாட்டு பூங்கா விளம்பரத்தில் 14 வயதுசிறுமிகளை  நனைத்து ஆட வைக்கிறார்கள் .மருந்து விளம்பரம் கூட ஒரு அழகான பெண்ணை வைத்து தான் இருக்கிறது .திரைப்படங்கள் சொல்லவே வேண்டாம் .'முழு நீள வண்ணப்படம்' என்பது இப்போது 'முழு நீள நீலப் படமாக'மாறியிருக்கிறது . பள்ளி மாணவிகள் ,சீருடையோடு காதல் செய்வது போல் கூட காட்சி அமைக்கிறார்கள் .புனிதமான கோயிலுக்குள்ளே காம லீலைகள் செய்வது போல காட்டுகிறார்கள் .மொத்தத்தில் காம ஆவி இல்லாத இடமே இல்லை என்பது போல் ஒரு நினைப்பை உண்டாக்கி விடுகிறார்கள் .
                              இது போதாதென்று ,இன்றைய பெண்கள் அழகு நிலையம் சென்று ,தங்களை இன்னும் கவர்ச்சியாக மாற்றுகிறார்கள் .கவர்ச்சியான உடை அணிந்து ,காம அழைப்பு தரும் பாவத்தில் நிற்கிறார்கள் ,நடக்கிறார்கள் ,பேசுகிறார்கள் .'லெக்கிங்ஸ் 'என்று காலோடு ஒட்டி ,இடுப்பு வரை தெளிவாக காலின் வடிவத்தை கவர்ச்சியாக காட்டும் உடை  இப்போது எல்லோரும் அணிகிறார்கள் .அந்தக் காலத்தில் மார்பு முந்தானை சிறிது விலகினாலே  ,சக மாணவிகள் ஜாடை காட்டி சரி செய்வார்கள் .இப்போது ,இதை பெற்றோர் சொன்னாலும் கேட்பதில்லை .சக தோழிகள் சொல்வதே இல்லை !மேலும் ஒரு குழு ,பெண்ணுரிமை என்று பேசி ,எப்படியும் உடை அணிவது எங்கள் உரிமை என்று ஆண்களைக் கவரும் விதமாக ஆடை அணிகிறார்கள் .
                            இவ்வாறாக நொடிக்கு நொடி காமப் பசியை தூண்டி,இச்சையின் ஆவியை வளர்த்து ,அதை தீர்க்க வழியில்லாமல் அலையும் ஒரு ஆண் வர்க்கத்தை இந்த ஊடகங்கள் உருவாக்கி வளர்க்கின்றன .கிடைத்தால் கடித்து குதற தயாராக இருக்கும் ஒரு பயங்கர காமப் பசி !
                       இந்தப் பயங்கரப் பசி, தனியே இருக்கும் எந்த வயது பெண்ணையும் குறிபார்க்கும் அளவு உரமூட்டப்பட்டு வளர்க்கப்பட்டுள்ளது .இந்த இச்சையின் ஆவியை ,இதற்கு ஆளான ஆண்களால் கட்டுப்படுத்த முடியாது .மேலும் ஆவியை மனதால் கட்டுப்படுத்தவும்  முடியாது .அதுபோல் இந்த ஆவியை சட்டத்தாலோ ,தண்டனை பயத்தாலோ கட்டுப்படுத்த முடியாது .அதனால் தான் தூக்கு தண்டனை பயம் கூட ,இந்த குற்றங்களை குறைப்பதில்லை .

• தனியே அலையும் பெண்கள் !

இதுவரை ஆணின் பாதுகாப்பிலே வெளியே வந்த பெண்கள் ,இப்போது சமுதாய சூழல் மாற்றத்தினால் ,படிப்பிற்காகவும் ,வேலைக்காகவும் எங்கும் ,ஏன் சீனா கூட தனியே செல்லும் நிலை உள்ளது .சென்னை போன்ற பெருநகரங்களில் நடு நிசி நேரத்தில் இளம் பெண்கள் தனியே அலைவது சகஜமாகிக் கொண்டிருக்கிறது .ஒரு புறம் சூடான காமப் பசி !இன்னொரு புறம் அதற்கான உணவாக  எளிதில் தெரியும் பெண்கள் ! விளைவு ,தினமும் செய்தி தாளில் ஒரு பாலியியல் குற்றம் செய்தியாக வருகிறது .

• என்ன செய்தால் இதை மாற்றலாம் ?

ஊடகங்களை நெறிப்படுத்த ஒரு தணிக்கை முறை அவசியம் .பெற்றோர் தம் குழந்தைகளை ஆபாச நடனம் ஆட அனுமதிக்க கூடாது .அம்மாதிரி நிகழ்ச்சிகளை நாம் சமூக ஊடகங்கள் வழியாக கண்டிக்கலாம் .
                          முடிந்த அளவு பெண்கள்/சிறுமிகள்  தனியே அலைவதை தவிர்க்கலாம் .விருந்துகள் ,வைபவங்கள் இவைகளில் பெண்கள் தனிமையாய் இருக்கும் சூழ் நிலையை தவிர்ப்பது நல்லது.
பெண்கள் தங்கள் நடை ,உடை ,பாவனையில் ஒரு அடக்கம் காட்டவேண்டும் .கவர்ச்சியான பாகங்களை மறைத்து ,உடை அணிவது அவர்கள் பாதுகாப்பை அதிகரிக்கும் என்பதில் ஐயமில்லை .
                            இறுதியாக பெண்களை சகோதரப் பார்வையோடு பார்க்க பள்ளிகளில் பழக்க வேண்டும் .'எப்போது ஒரு பெண்ணை காமப் பார்வையோடு பார்த்தாயோ அப்போதே நீ அவளுடன் மனதளவில் உடல் உறவு செய்து விட்டாய் !'என்று சொன்ன இயேசு பிரானின் சொற்களை எல்லா மாணவர்களுக்கும்  போதிக்க வேண்டும் .
                          பல விதமான சமூக காரணங்களால் ,திருமணமான ஆண்கள் கூட பெண் துணையின்றி தனியே வாழும் சூழ்நிலை ஏற்படுகிறது .இதை தவிர்த்து குடும்பமாக வாழ்வது இந்த விதமான பாலியியல் குற்றங்களை குறைக்க உதவும் .
                          பலநாடுகளில் விபச்சாரம் சட்டப்பூர்வமாக்கப்பட்டிருக்கிறது .உணவுப் பசியை தீர்க்க உணவகங்கள் இருப்பது போல் ,காமப்பசி தீர்க்கும் சேவை மையங்கள் அமைக்க அரசு அனுமதிக்கலாம் .இவைகள் முறைப்படுத்தப்பட்டு மருத்துவ சோதனைகளுக்கு உட்படுத்தப்பட்டு நடக்கவேண்டும் .காம வெறியில் அலையும் ஆண்களுக்கு அதை தீர்க்க சட்டப்படியான ஒரு வழி அமைத்து கொடுத்தால் ,பாலியியல் குற்றங்கள் நிச்சயமாக பெருமளவில் குறையும் .
                           இந்த இச்சையின் ஆவியை கட்டாமல் இன்னும் வளர்த்தால் ,கட்டுக்கடங்காமல் போய் ,சீரிய சமூக பிரச்சனைகள் வரலாம் என்ற எச்சரிக்கை மணி எல்லோருக்கும் கேட்காமல் இருக்கலாம் .ஆனால் ,அது தான் உண்மை !
-------------------------------------------------------------------------------------------------------------------------
இந்த பதிவு மிகவும் முக்கியமான ஒன்று .நம் குடும்பப் பெண்களை காக்கும் நோக்கத்தில் எழுதப்பட்டது .ஆதலால் ,ஓவ்வொருவரும் குறைந்தது 10 பேருக்காவது பகிரவும் .நன்றி .

தமிழிசை தோற்றத்தை கிண்டல் செய்வது சரியா ?

சமூக ஊடகங்களில் தமிழிசை அவர்களின்  தோற்றத்தை கிண்டல் செய்து பல பதிவுகள் பார்த்து வேதனை அடைந்தேன் . தோற்றத்தை கிண்டல் செய்வது அயல் நாடுகளின் கலாச்சாரத்தில் இல்லை .ஏன் ,நம் இந்திய கலாச்சாரத்தில் ,குறிப்பாக தமிழக கலாச்சாரத்தில் அதிகம் உள்ளது ?
ஒருவரின் தோல் நிறத்தைக் கொண்டு ,உயர்ந்தவர் ,தாழ்ந்தவர் என்று பிரிப்பது சாதிய கலாச்சாரத்தில் உள்ள ஒரு குணம் . தோற்றத்தையும் ,உடல் ஊனத்தையும்  கிண்டல் செய்வது அந்த குணத்தின்   இன்னொரு  வெளிப்பாடே .ஆதலால் தமிழ் கலாச்சாரத்தில் கருப்பாய் இருந்தால் யாரும் கிண்டல் செய்யலாம் என்று ஒரு அனுமதி உள்ளது .கிண்டலுக்கு ஆளாகி வெற்றி அடைந்த நடிகர்கள் வடிவேலு ,செந்தில் ,தவக்களை போன்றவர்கள் .கருப்பட்டி தலையா ,நாய் ,பேய் ...என்ன வேண்டுமென்றாலும் கருப்பாய் இருப்பவரை திட்டிக்கொள்ளலாம் .வெள்ளையாய் இருக்கும் ஹைச் .ராஜாவையோ ,விவேக்கையோ ,சரளாவையோ  அப்படி    திட்ட முடியாது !
ஆக , தோற்றத்தை கிண்டல் செய்வது சாதிய மரத்தின் ஒரு விஷக் கனி . விஷ  மரத்தை வெட்டாமல் , அந்த  கனியை அழிக்கமுடியாது .
(டுவிட்டரில் பதிவான என் கருத்து )

காஜல் அகர்வாலும் வீரமா முனிவரும் !

1710 ஆவது ஆண்டில் இத்தாலியிலிருந்து இந்தியாவிற்கு அருட்பணி ஆற்ற  வந்த கான்ச்டன்டைன் சோசப்பு பெச்கி  ,தமிழரோடு தமிழராக கலந்து  ,தன் பெயரையயே 'வீரமாமுனிவர் 'என்று தமிழாக்கியவர் .தமிழில் கற்று தேர்ந்து ,பல நூல்களை இயற்றியவர் .மொத்தம் இவர் எழுதிய தமிழ்  நூட்கள் 23 ஆகும் .

அருட்பணிக்காக தூர தேசத்திலிருந்து  வந்த இவரே நம் தமிழ் மொழியை கற்று தேர்ந்து ,நூட்கள் எழுதியிருப்பது அவரின்  மதிப்பீடுகளை காட்டுகிறது .ஆனால் ,இன்று பிழைப்பு தேடி இங்கு வந்திருக்கும் நம் நாட்டு வட இந்தியர்கள்  ,தமிழைக் கற்காமல் ,தமிழர் பணத்தை மட்டும் குறி வைப்பது வேதனை அளிக்கிறது .

காஜல் அகர்வால் என்ற  ஒரு தமிழ் பட நடிகைக்கு தமிழில் அடிப்படை பேச்சு கூட வராது .ஆனால் கோடிக்கணக்காக தமிழர் பணத்தை சம்பாதிக்கிறார் .இந்த நிலைக்கு முக்கிய காரணம் ,தமிழர்களின் கண்டு கொள்ளாத குணம் தான் .இந்தி படங்களில் நடிக்க செல்லும் நம் நடிகைகள் எல்லோரும் இந்தி மொழியை கற்றுக் கொண்டு தான் நடிக்க முடியும் .நம் ஊடகங்களும் அவர்களுக்கு வளைந்து கொடுத்து ஆங்கிலத்தில் உரையாடுவது கொடுமை .தமிழ் பட தயாரிப்பாளர்கள் ,நடிக ,நடிகர்கள் கட்டாயம் தமிழ் அறிந்திருக்க வேண்டும் என்று  நிபந்தனையிட வேண்டும் .தமிழ் நாட்டிற்குள் நுழையும் எல்லோரும் தமிழ் கற்க வேண்டும் என்று தமிழர்கள்  எதிர்பார்க்க வேண்டும் .இதுவே தமிழை அழிவினின்று காக்கும் உபாயமாகும் .

'அசுத்தம் 'என்பது சாதிய கலாச்சாரத்தின் ஒரு கூறு !

'கோரா 'என்பது ஆங்கிலத்தில் இயங்கும் ஒரு சர்வதேச கேள்வி பதில் வலைத்தளம் .எந்த கேள்வியும் கேட்கலாம் .பதில் தெரிந்தவர்கள் பதில் கூறலாம் .அதில் ஒரு அமெரிக்கர் கேள்வி கேட்டிருந்தார் .அமெரிக்கர்கள் விடுமுறையை உல்லாசமாக கழிக்க காடுகளில் கூடாரமிட்டு தங்குவார்கள் .அவ்வாறு தங்கும் போது சிறுநீர் கழிக்க எங்கு செல்வது என்பது தான் அவருடைய பெரிய விடை தெரியாத கேள்வி !கேள்வியை பார்த்து நிலை குலைந்து போனேன் நான் !
                      உலகத்திலே 2 வது அழகான மெரினா கடற்கரையிலே கக்கா போகும் இந்தியர்கள் இந்த கேள்விக்கு என்ன பதில் சொல்வார்கள் ?யாருமில்லாத காட்டில் கூட சிறுநீர் கழிக்க அஞ்சும் அவர்கள் எங்கே ,அழகான மெரினா கடற்கரையிலே கூட கக்கா போகும் இந்தியர்கள் எங்கே ?
உலகிலே சிறந்த கலாச்சாரம் கொண்ட தமிழர் கூட எப்படி இவ்வளவு அசுத்தமாக பொது வெளியை வைக்கும் நிலை வந்தது?
இந்த அசுத்தத்தின் பின்னால் ஒளிந்திருக்கும் அடிப்படை காரணம் தான்என்ன ?

(சுற்றுலா தலமான பாண்டியில் ஒரு காட்சி !)

                          சங்க காலத்திலோ அல்லது அதன் முன்னாலோ தமிழர்கள் சுத்தமாகவே இருந்திருக்க வேண்டும் .நன்றாக குளித்து ,மணப்பொருட்கள் இட்டு ,மலர் சூடி உலாவிய பெண்களை பற்றிய பதிவுகள் தமிழ் இலக்கியங்களில் உள்ளன .அசுத்தம் என்பது அப்போது இருந்ததாக எந்த வித பதிவுகளும் இல்லை .அப்படி இருந்த தமிழர்கள் ஏன் இப்படி ஒரு அசுத்தமான மக்கள் ஆனார்கள் ?அதன் பின் புலம் தான் என்ன ?
                         இப்போதும் தமிழர்கள் ,சுய சுத்தத்திலோ ,அல்லது இல்லத்தில் சுத்தத்திலோ  எந்த விதத்திலும்  குறை சொல்ல முடியாது .பொது வெளி என்று வரும் போது தான் தமிழர்கள்அசுத்தம் செய்கிறார்கள் .ஏன் அப்படி செய்கிறார்கள் ?
                                  என்னுடைய நண்பர் ஒருவர் கனடா நாட்டிலிருந்து வந்திருந்தார்.அவர் கூறிய ஒரு   தகவல்  சுவையாக இருந்தது .கனடா நாட்டில் பனிப்பொழிவு அதிகம் .சில நேரம் ஒரு அடிக்கு மேல் உயரமான பனிக்கட்டிகள் வீட்டின் முன்புறமுள்ள வீதியை நிரப்புமாம் .கனடா நாட்டு விதிகளின் படி அதை  அந்த   வீட்டு உடமையாளர் தான் அப்புறப்படுத்த வேண்டுமாம் !இவ்வாறாக ஓவ்வொருவரும் அவரவர் வீட்டு முன்னாலிருக்கும் பனிப்பொழிவை அகற்றவேண்டுமாம் !அதாவது ,பொது வெளிகளின் சுத்தத்திற்கு எல்லோரும் பொறுப்பாக்கப்படுகிறார்கள் என்பது தான் இதன் சாரம் .
 இந்திய கலாச்சாரத்தில்  இது எப்படி உள்ளது ?

• பொது வெளிகளை சுத்தமாக வைப்பது எல்லோருடைய பொறுப்பு  என்று இல்லை .
• யார் வேண்டுமானாலும் அசுத்தம் பண்ணலாம் .பி .எம் .டபுள் யு  விலிருந்து இறங்கியும் சாலையோரத்தில்சிறு நீர் கழிப்பார்கள்  !
• அதை சுத்தப்படுத்தும் வேலை /கடமை என்பது  சில தாழ்ந்த   ஜாதிகளுக்கு மட்டுமே உண்டு .
• ஆக பொது வெளி சுத்தம்  ஒரு  சாதிய வேலை /ஒதுக்கீடு  .
• கு ப் பை யை போடுவது எல்லோரின்  உரிமை ;அதை அப்புறப்படுத்துவது  மட்டும்  தாழ் சாதியினரின் கடமை என்பது சாதிய வழிமுறையாக உள்ளதை யாராலும் மறுக்கமுடியாது .

                                எடுத்துகாட்டாக ,இரண்டு நிகழ்வுகளை கூறுகிறேன் .முதல் நிகழ்ச்சி ,ஒரு இந்திய பள்ளியில் நடந்த பொருட்காட்சி .எல்லா மாணவர்களும் உற்சாகமாய் பங்கெடுத்து ,கடை அமைத்து ,உண்டு ,விளையாடி களித்தார்கள் .இதில் எந்த விதமான சாதிய வேறுபாடுகளும் இல்லை .கடைசியில் விழாவின் வழக்கமான குப்பைகள் ,தாள்கள் ,பழத்தோல்கள் மைதானம் முழுவதும் நிறைத்தன .இது வரை ஆட்டம் போட்ட மாணவர்கள் யாரும் இவைகளை அப்புறப்படுத்த வரவில்லை .வர மாட்டார்கள் !ஏன் ?         குப்பை எடுப்பது ,அது மட்டும்   என் வேலையில்லை ,அது  துப்புரவு தொழிலாளரின்  வேலை !
குப்பையாக்கியது யார் ?நாமில்லையா ?பின்னர் ஏன் இந்த மனநிலை ?
                                         இரண்டாவது நிகழ்ச்சி ,சிங்கப்பூரில்ஒரு சர்வதேச  குடும்ப  முகாம் .முகாமில் காலை ,எல்லோரும் ஒன்றாய் ஓட்டம் ,பின்னர் ஒன்றாய் உணவு !சாப்பிட்ட தட்டுகள் எல்லாம் ஒரே இடத்தில் .அனைவரும் இணைந்து சுத்தப்படுத்த வேண்டும் .நான் ஒரு 10 தட்டாவது கழுவியிருப்பேன் .யாரும் மற்றவர் சாப்பிட்ட தட்டை கழுவமாட்டேன் என்று சொல்லவில்லை !அவ்வளவு ஒரு ஐக்கிய உணர்வு .இவ்வளவிற்கும் அதில் கறுப்பர்கள் ,அமெரிக்கர் ,ஆசிய மக்கள் எல்லோரும் இருந்தனர் .
                                   ஏன் இந்தியர்களால் இப்படி ஐக்கியமாக முடியவில்லை ?ஏனென்றால்சாதியம்  என்பது  ஐக்கியத்திற்கு முதல் எதிரி .அசுத்தம் சாதியத்தின் ஒரு பெரும் கூறு .
இந்த கலாச்சாரக் கூற்றை மாற்றாமல் 'சுத்தமான இந்தியா திட்டம் 'ஒரு நாளும் வெற்றியடைய முடியாது என்பதை நாம் உணரவேண்டும் .இது அமிதாப் சொல்லியோ ,பிரதமர் கையில் விளக்குமாறு கொண்டு நின்று படமெடுத்து   சாதிக்க முடியாது .அல்லது   'நம்மவர் ' கமல்  ஒரு பாட்டு பாடி சாதிக்க முடியாது .
                                                புதியதாக ஒரு கட்டிடம்  நம் நாட்டில்வருகிறதென்றால் ,யாரும் சொல்லாமல் ,எந்த வித சட்டமும் இல்லாமல் ,ஒரு சிறிய கோயில் எப்படியோ முளைத்து விடுகிறது !இதற்கு 'ப்ப்ரதான்  மந்திர் அபியான் 'என்று ஒரு திட்டமும் இல்லை !ஆனால்  திட்டமிருந்தாலும்   சுகாதார  தேவையான   கழிப்பறை மட்டும் கட்டப்பட மாட்டாது !ஏன் ?
சமீபத்தில் ஒரு 200 படுக்கை வசதியுள்ள பெரிய மருத்துவமனை சென்றிருந்தேன் .2 உணவகங்கள் ,ஒரு கோயில்,50 இருக்கைகள்  ,....எல்லாம் உண்டு .ஆனால் ,இவ்வளவு பெரிய மருத்துவமனைக்கு ஒரே ஒரு கழிப்பிடம் !ஆணுக்கு ஒன்று !பெண்ணுக்கு ஒன்று !அவசரமென்றால் சுவரில் அடி !
        இதெல்லாம்  மாற வேண்டுமானால்  ஒரு கலாச்சார புரட்சி வேண்டும் .அது மனப்புரட்சி ஆகவேண்டும். அதில் சுத்தம் செய்வது பற்றி பேசக்கூடாது .மாறாக அசுத்தம் செய்யாமல் இருப்பதை பற்றி பேசவேண்டும் .
                             வெளி நாடுகளில் முதலில் அசுத்தம் செய்து விட்டு பின்னர் சுத்தம் செய்வதில்லை .அசுத்தமே செய்யாமல் இருப்பார்கள் .ஊரெல்லாம் துப்பிவிட்டு பின்னர் துடைப்பதல்ல 'தூய்மை இந்தியா இயக்கம் '.துப்பாமல் இருப்பதே நம் நோக்கமாய் இருக்கவேண்டும் .அசுத்தம் செய்யாமல் இருப்பதே 'தூய்மை இந்தியா இயக்கம் '!
                          கங்கையை தினமும்  சுத்தப்படுத்துவதல்ல முக்கியம் ,         எப்போதும்  அசுத்தப்படுத்தாமல் இருப்பதே அதை விட முக்கியம் !தினமும்  5 டன் குப்பையை அகற்றி ,10 டன் குப்பையை போடுவதில் என்ன பயன் ?                                      
               ஆக ,'தூய்மை இந்தியா இயக்கம் 'வெற்றியடைய அமிதாப் தேவையில்லை .விளம்பரம் தேவையில்லை .இந்தியில் ஒரு பெயர் தேவையில்லை .இந்த சாதிய மன நிலை ஒழியவேண்டும் !மனப்புரட்சி வேண்டும் !அது ஓவ்வொரு வீட்டிலுமிருந்து தொடங்க வேண்டும்.ஓவ்வொரு பெற்றோரும் சுற்றுப் புற தூய்மை பற்றி குழந்தைகளுக்கு செயலில் காட்டவேண்டும் .எப்படி யாரும் சொல்லாமல்   சில  செயல்களை கலாச்சாரமாக செய்கிறோமோ ,அது போல் தூய்மையை  நம் கலாச்சாரமாக்க வேண்டும் .அது  ஒன்றே இதற்கு நிரந்தர  தீர்வாக அமையும்  !

'திராவிடம் 'என்ற பெரும் சூழ்ச்சி !

திராவிடம் 'என்றால் வடமொழியில் 'தமிழ் 'என்று பொருள் .உலக சரித்திரத்தில் தமிழின் ,தமிழர்களின் பங்கை மறைக்க பலவிதமான கற்பனை பாத்திரங்கள் கண்டுபிடிக்கப்பட்டன .அதில் முக்கியமானது 'திராவிடம்' என்ற ஒரு சொல் .மற்ற சொற்கள் -கிரந்தம் ,தேவநாகரி ,பாலி ,பிராமி என்பவையாகும் . 'திராவிடம்' என்ற ஒரு சொல்லைக்கொண்டு 'தமிழ் 'என்ற சொல் எங்கும் வராமல் பார்த்துக்கொண்டார்கள் .உலக மொழிகளை பட்டியலிடும்போது ,சிறிய மொழிகளின் பெயர்களெல்லாம் மொழிக் குடும்பங்களின் பெயராக வரும் (.உ -ம் )துப்பியன் ,டை -கடை என்றெல்லாம் மொழிக் குடும்பங்கள் உள்ளன .ஆனால் 'தமிழ் மொழி குடும்பம் 'என்று இல்லை .அது இல்லாமல் இருப்பதற்காக கண்டுபிடிக்க பட்ட கற்பனை சொல் தான் 'திராவிடம் 'என்ற சொல்.
மிகச்சிறிய மொழிகளெல்லாம் பெரிது படுத்தப்பட்டு ,`மிக பெரிய மொழியான தமிழை சிறுமைப்படுத்த பயன் படும் மகா சொல் 'திராவிடம்' .எடுத்துக்காட்டாக,விக்கிப்பீடியாவில் தமிழை பற்றிய பகுதி இப்படி சொல்கிறது .'Tamil (English: /ˈtæmɪl/; தமிழ் Tamiḻ [t̪ɐmɨɻ],  pronunciation (help·info)) is a Dravidian language .....' இது போல் கன்னட மொழியை பற்றி வாசியுங்கள் .தமிழில் இருந்து தோன்றியது கன்னடம் .ஆனால் 'தமிழ்' என்று ஒரு சொல் கூட வராமல் ஒரு முழு பக்கம் கன்னடத்தை பற்றி வாசிக்கலாம் .கன்னடம் ஒரு திராவிட மொழி என்று ஆரம்பிக்கிறது அந்த கட்டுரை !
அது போல் ,முருகன் 100% சுத்த தமிழ் கடவுள் .முருகனை திராவிட கடவுள் என்கிறது சித்தா .காம் என்ற மலையாள வலைத்தளம்! சித்த மருத்துவத்தை 'திராவிட கலை 'என்கிறது அது !.ஆக தமிழின் பங்கை மறைக்க கண்டுபிடிக்கப்பட்ட பெருங் கருவி இந்த சொல் .'திராவிடம்' என்று வருமிடமெல்லாம் 'தமிழ் 'என்று போட்டு பாருங்கள் ,நான் சொல்வது நன்கு புரியும் . ஓவ்வொரு முறை 'திராவிடம் 'என்ற சொல் பயன் படும் போது 'தமிழ் 'என்ற சொல் அமுக்கப்படுகிறது !

இந்த 'திராவிடம் 'என்ற சொல் எப்படி தோன்றியது என்பது எல்லாம்முக்கியமல்ல .எதற்காக உருவாக்கப்பட்டது என்பது தான் முக்கியம் . தமிழையே ஒரு திராவிட மொழியென்று அலட்சியமாக சொல்ல அந்த சொல் பயனாகிறது.அதாவது நேற்று தோன்றிய ஒரு மொழியும் ,கல் தோன்றி மண் தோன்றா காலத்தே முன் தோன்றி மூத்த குடியின் மொழியும், ஒரே அடைப்புக்குள் 'திராவிட மொழி 'என்று சொல்லும் வசதியை இந்த ஒரு சொல் தருகிறது .

தமிழர்கள் யாவரும் இந்த சூழ்ச்சியை உணர்ந்து ,'திராவிடம் 'என்ற சொல்லை தவிர்த்து ,பதிலாக 'தமிழ்'என்ற சொல்லை பயன் படுத்துவது நல்லது .தமிழ் மொழிக் குடும்பம் ,தமிழர் நாகரிகம்,தமிழ் ....என்றே சொல்லவேண்டும் என்று சபதமேற்போம்

.'அச்சம் என்பது மடமையடா !அஞ்சாமை தமிழனின் உடமையடா !'என்று பாடுவோம் !இவ்வாறு நாம் கூறுவதால் நாம் எந்த வகையிலும் கன்னடர்களுக்கோ ,தெலுங்கர்களுக்கோ ,மலையாளிகளுக்கோ பாதிப்பு ஏற்படுத்துவதில்லை .அவர்கள் யாரும் தம்மை திராவிடர் என்று வாய் தவறிக் கூட சொல்வதில்லை .கர்நாடகாவிலோ ,கேரளாவிலோ ,ஆந்திராவிலோ திராவிட கழகங்கள் இல்லை .அவர்கள் அவர்கள் தாம் ;நாம் நாம் தான் !
' திராவிடர்' என்ற சொல் ஒழிந்தால் அவர்களுக்கும் நல்லது தான் .ஏனென்றால் ,அவர்களுடைய தனி மொழி அடையாளங்கள் வலுப்பெறும் .அவர்களுடைய கலாச்சாரம் வலுப்பெறும் .சமுதாயத்தில்அவரவர் பங்கு அங்கீகரிக்க படும் .தமிழ் சமுதாய வளர்ச்சிக்கும் இது நல்லதாகும் .'இந்தி எதிர்ப்பு ' போன்ற பொது பிரச்சனைகளில் அனைவரும் ஒன்று பட்டு போராடலாம் .தடையில்லை .